1Pììlɛ 4:13 - WƆŊ FƐ̀Ì EBÒ SÌÀŊ DAYÀA

¹³ Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.

1Pììlɛ 4:13 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 25:21

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Maafiù 25:23

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Maafiù 25:31

Yèè wo Jisɛ̀ naŋ nyiŋ ɓɛìŋ woò wààŋ, “Sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e jòòwo gbee mɛ̀ sùà, yèè aŋ màikà nyaŋ gbiŋ àŋ yààìm kɔɔ, mìŋ do nàŋ jɛ̀ì ke kpùà Kana miɛ̀ŋ diɛŋ.

Maafiù 25:34

Kpeiŋ kɛ̀ miàim wo Kanaà kà wòò anyùùŋ nyaŋ wɔŋ kùàŋ jìka miɔ̀ŋ mìàŋ, ‘Hnàaìŋ, nyɛ̀iŋ nyàŋ wo Dèda miɔ̀ŋ naŋ haayà nyaŋ! Hnàaìŋ niŋ ɓemè e Kànà Dayàa naŋ wa nɔ̀ŋ bàne niŋ weèiŋ lɛ paŋgàà e ɗuunyaàŋ naŋ wa nɔ̀ŋ bàne niŋ lɛ̀.

Maafiù 5:12

Sèè tii kaàiŋ, gèeìŋ zɔlɔ̀ yèè niŋ nɔ̀ŋ ke jii fàa sùà, esaɓù kɛ̀ wo Dayà doiŋ nàŋ kìɛ̀ŋ e jìwààjɛ̀wɛ̀ gbee ko àìjɛnɛ̀ŋ. E ɗèwè guùŋ lɛɛ̀ sùà nɔŋ anyùùŋ naŋ wa nìmìlà aŋ wɛ̀ijì nyaŋ yààìŋ wa tɛɛ nyàŋ e teenga gɔu sùà.

Luù 17:30

Yɛi nɔŋ e kèì guùŋ bi do nàŋ nɔ̀ŋ sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè.

Nyɛ̀nɛ̀ŋ 16:25

E tèèngà wɔŋ duùm hàì tɛɛ wo Pɔɔ̀ yèè wo Silà naŋ tɔ̀ɔ̀tù zòòlo yèè àŋ yaà dàà sùà maŋ nùŋ tɛ̀nɛŋ koɓɛ̀ Dayài, yèè aŋ pèesìnàŋ gbànaŋ nyàŋ ko sààŋ nyìwìi yaà nyiŋ wa kùmiaŋ sùà.

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

Luùm 5:3

Kɛɛ tii fè è gbiŋ! E gèìŋ ɓɛìŋ zɔlɔ̀ e keì nyìnga wilɛ̀ sùà, esaɓù èiŋ nyìmàŋ kɛ̀ e keì nyìnga kpuumàŋ wì eiŋ kùwà koɓɛ̀ guùŋ kpaŋ e kìlà e zɔ̀kpɔ̀ fè wi nyɛ̀nɛ̀ŋ è hààwe wilɛ̀ sùà.

Luùm 8:17

Nààŋ è yààìŋ aŋ jɔ̀à Dayà, è doiŋ nàŋ yɛ̀mɛ̀ e kpùùmaàŋ wò naŋ bànè hàa wèè anyunùuŋ nyàŋ lɛ. Yèè yàwi pɛɛ doiŋ nàŋ yɛ̀mɛ̀ e nɛ̀ɛŋ wo Dayà naŋ bànè hàa wèè Jisɛ̀ Kulaì, màànààŋ nɔŋ wò naŋ niŋ yɛmɛ̀ lɛ. Kɛɛ sɔɔ̀ eiŋ kà e mɔ̀ɔ̀nɛŋ dìì wèè e keì sìàŋ nyɛ̀nɛŋ màànààŋ wo Jisɛ̀ Kulaì naŋ niŋ kɔ̀ dìì lɛ, wèè kɛ̀ yàwi pɛɛ e yɛmɛ̀iŋ e jòòwo màànààŋ wò naŋ niŋ yɛmɛ̀ lɛ.

Luùm 8:18

Mìŋ naŋ haawè kɛ̀ e mɔ̀ɔ̀nɛɛ̀ŋ è yààìŋ naàŋ kɔ̀ɔ̀yɛ̀ dìì e teenga lɛɛ̀ sùà lɛ, e fè niŋ ɓɛ̀nɛ̀ŋ gbɛ̀ɛ̀nɛ̀ŋ è jòòwoɛ̀ wò Dayà do wi nàŋ tɔɔ̀ lɛ.

2 Kɔliìŋ 1:5

Màànààŋ nɔŋ è yààìŋ aŋ bàiŋbà wèè maŋ keì nyìngà zimgbe màŋ wo Jisɛ̀ Kulaì naŋ kɔ̀ɛ̀ sùà maŋ, esàɓù Jisɛ̀ Kulaì sùà yàwi pɛɛ è yaà aŋ bàiŋbà wèè eiŋ kìɛ̀ŋ anyùùŋ e kpùùmaŋ e yìwìà e kpùùmàŋ gbèè Dayàa sùà.

2 Kɔliìŋ 1:7

Wèètii ke jii tùlia wiɛ̀ wèè nyɛ̀iŋ ke fè mɛɛmɛ̀ɛ̀ŋ gbiŋ, èiŋ nyìmàŋ kɛ̀ nààŋ nɔŋ nìŋ naŋ nɔ̀ŋ bàiŋbà wèè maŋ keì nyìnga wi màŋ è naiŋ kɔ̀ɛ̀ sùà maŋ, nìŋ yaà aŋ bàiŋbà wèè ke jii tùliaà è yɛmɛ̀ìŋ nɛ.

2 Kɔliìŋ 4:10

E teenga gbiŋ è koàìŋ e fà Jisɛ̀ɛ maŋ kpùnaŋ wi màŋ sùà, wèè kɛ̀ aŋ yɛ̀mɛ̀ wɔŋ nyiiuŋ nɔɔ̀ŋ wuŋ pɛɛ maŋ kpùnaŋ wi màŋ sùà.

2 Kɔliìŋ 4:17

Maŋ keì nyìnga nyɛɛ̀ mɛɛ̀ŋ wèè e teenga kpuu, màŋ yaà wì bànèbane sùà wèè e jòòwo gò jùà. E yèɛ do nàŋ nyɛ̀nɛ̀ŋ maŋ keì nyìnga wi màŋ gbiŋ maŋ nɔ̀ŋ mààŋ maŋ fè è nɛ̀ŋ bà gbiŋ sùà lɛ.

Fèle 3:10

E yèɛ gbiŋ mìŋ manaŋ lɛ̀ nàŋ yaà, wèè ka nyìmàŋ wo Jisɛ̀ Kulaì, yèè e gààaŋ nauŋ gè e fàaà dìì wɔŋ nyiiŋ gèe sùà lɛ. Mìŋ manaŋ ka nɔ̀ŋ wo bàimbà wèè e keì nyìngaà wò naŋ kùwò, yèè e fàa wò naŋ kɔ̀ dìì lɛ,

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

2Time 2:12

Sèè è naiŋ jèè kɔ̀ɔ̀yɛ̀ keì nyìnga dìì, yàwiiŋ nyiŋ doiŋ nàŋ nɔ̀ŋ e kana kɛ̀ɛ̀uŋ nɛ̀ sùà. Sèè euŋ gììyà maŋhɛɛ, wò do wi nàŋ gììyè maŋhɛɛ.

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.

1Pììlɛ 2:21

Wèè tɛɛ̀ wo Dayà naiŋ nyààŋ, wo Jisɛ̀ Kulaì wuŋ bi naŋ mɔɔnɛ̀ŋ weèiŋ yèè wò naŋ jòò e tɔ̀ɔ̀màŋseì, e wèè naŋ dè e gòlò feeuŋ nɛ̀ maŋjɛ̀wɛ.

1Pììlɛ 5:1

Miàŋ bi, mìŋ yaà wo màmàŋkùmɛŋ, mìŋ yaà dàwè sùà aŋ màmàŋkùmɛŋ nyàŋ e tɛɛiŋ. Mìŋ yaà wo sèì Jisɛ̀ Kulaì wèè maŋ keì nyìnga màŋ wò naŋ kɔ̀ dìì maŋ. Yèè e jòòwoɛ̀ do nàŋ hnè lɛ, wuŋ nàŋ kànaìŋ yèè mìŋ do nàŋ nɔ̀ŋ bà nyiŋ bà.

1Pììlɛ 5:10

Sèè nìŋ kɔɛ̀ maŋ keì nyìnga mɛɛ̀ŋ sùà wèè e teenga kpuu sùà, wo Dayàa kuwa maŋ tɛ̀ɛ̀tɛ̀ɛ̀ maŋ gbiŋ wɔ̀, wo yèɔ naiŋ nyààŋ wèè wo goonòiŋ e jòòwò nyiiŋ gèe gò jùà ke gbòò Jisɛ̀ Kulaì sùà wɔ, wuŋ bi doiŋ nàŋ nyɛ̀nɛ̀ŋ sengei yèè woiŋ fè e kɔɔ nyingè, woiŋ sìà e gààŋ woiŋ jàà ko tɔɔtu tùlìà jii.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.

Maŋ kèì nyɛɛnɛŋ 1:7

Yɛ̀mɛìŋ, wo Jisɛ̀ yaà hinie ke nyili fuaà diɛŋ! Anyùùŋ nyaŋ gbiŋ douŋ nàŋ yɛmɛ̀, e kpùlìà anyùùŋ nyaŋ nauŋ jùwò e ɓula nyàŋ. Maŋ ziì maŋ gbiŋ e ɗuunyaàŋ do nàŋ nɔ̀ŋ ke nyowo sùà weèuŋ. Tɔɔɓaa yɛi è do nàŋ nɔ̀ŋ!

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.