1Pììlɛ 4:11 - WƆŊ FƐ̀Ì EBÒ SÌÀŊ DAYÀA

¹¹ Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.

1Pììlɛ 4:11 ပူးပေါင်းရင်းမြစ်များ

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Jɔ̀ɔŋ 13:31

E teengaà wo Juɗà naŋ kɔ̀ lɛ, wo Jisɛ̀ naŋ woò wààŋ, “Miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwoim, yèè mìŋ do nàŋ hìɛ̀ŋ e jòòwo koɓɛ̀ Dayài.

Nyɛ̀nɛ̀ŋ 7:38

Wuŋ yaà anyùùŋ Ezɔ̀ɛ̀ nyaŋ naŋ wa gbònò koɓɛ̀ guùŋ ke fòùngà e diì wòaà diɛŋ. Wuŋ yèè aŋ nèwàènèwe wi nyàŋ yaà wa koɓɛ̀ guùŋ yèè yaà wo màikàa nauŋ wa gbòò kɔɔ wɔŋ Tòò Sanàa dìmɛ̀ lɛ, yèè wò naŋ yɛ̀mɛ̀ maŋ mìè gbìàŋ nyiiŋ gèe e yìwìà wo Dayà sìwè wèè wo wi miŋ kiɛ̀ŋ.

Luùm 11:36

Tɔɔɓaa wo Dayà naŋ wa bànè manɛ̀ŋ maŋ gbiŋ. Wuŋ nàŋ kuwa e gàaŋ manɛ̀ŋ maŋ gbiŋ diɛŋ. E jòòwo nɔ̀ŋ koɓɛ̀ Dayài wèè julɔfɔ. Àmiinàŋ.

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

Luùm 16:27

Tɔɔɓaa, esàɓù Jisɛ̀ Kulaìɛ sùà, è joowàìŋ wo Dayà guùŋ kɛ̀ɛ̀nɛ̀ŋ jiikɛ̀ɛɔ̀ wèè julɔfɔ. Àmiinàŋ.

Luùm 3:2

È kuwa e nàfa weè wi maŋ dòmaŋ nyaaŋ zimgbe! E sìèfeìŋ jiɛ̀jiɛ̀ɛ nàŋ yaà, è do wi nàŋ nafà esaɓù kɛ̀ wo Dayà kuwa wa ke jii tùlia aŋ Juùù nyaŋ sùà yèè wò naŋ nyiŋ kìɛ̀ŋ ke miè gbìauŋ nɛɛ̀ŋ.

1 Kɔliìŋ 10:31

E ɗewe gbiŋ sùà, e yèɛ gbiŋ mùŋ nyɛnɛŋ lɛ̀, màŋ jènɛ̀ŋ, màŋ tìà nɛ̀, nyɛnɛ̀ŋ niŋ e jòòwo Dayà sùà.

1 Kɔliìŋ 12:4

Maŋ kìɛ̀ŋ Jìnàŋ Dayàa naŋ gàŋ maŋ ziì, kɛɛ wo Jìnàŋ gunɔ̀ɔŋ nàŋ kiɛ̀ŋ maŋ gbiŋ.

1 Kɔliìŋ 3:10

E yìwìà e keì sìàaŋ Dayà naim kiɛ̀ŋ lɛ, mìŋ naŋ niŋ toomò yèè mìŋ naŋ nyɛ̀nɛ̀ŋ e tòmò wo kààmɔ̀ɔ̀ŋ e nyɛ̀lɛ, mìŋ naŋ tɔ̀ɔ̀tù ke saaŋ nyɛ̀lɛ, yèè wo nyùuŋ bà kòò wò yaà nyiìŋ nyilie. Wo nyùùŋ gbiŋ yɛ̀mɛ̀ muàŋ bi diɛŋ wèè e ɗeweɛ̀ mùŋ nyɛlɛ lɛ̀.

1 Kɔliìŋ 6:20

Wo Dayà naiŋ dìnìè e ɓaà gbee. Wèètii, tòòmoìŋ ke kpùnaiŋ nɛɛ̀ŋ wèè niŋ kiɛ̀uŋ e ɓɛ̀ɛ̀jàa.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 9:13

Esàɓù e tɔ̀ɔ̀màŋseìɛ e tòmo kiiiŋ nɛɛ̀ e tòmò Dayàa sùà è yaà hìaŋ sùà lɛ, anyuùŋ zimgbe do nàŋ kìɛ̀ŋ wo Dayà e ɓɛ̀ɛ̀jàa, yèè e tɛ̀nɛŋ, wèè e jɔ̀ɔ̀lɔiŋ nɛ̀ koɓɛ̀ ke mìè gbìàŋ Ebò Sìàŋ Jisɛ̀ Kulaìɛ, ke yèɛ nìŋ naŋ nyimèè yɛ, yèè wèè e nɛ̀ŋ gè kùàiŋ nɛ̀ nìŋ goonàŋ naŋ nyiŋ kiɛ̀ŋ ke gbòò anyuùŋ hààwe nyàŋ e kpùlìà anyuùŋ gbànaŋ nyàŋ gbiŋ lɛ.

Ɛfesɔ̀ 1:19

yèè e ɗeweɛ̀ e gaàuŋ nɛ̀ yaà wì tòòmo sùà, yàwi nyàŋ naiŋ haawè nyaŋ. E gààŋ lɛɛ̀ yaà wì tòòmò sùà lɛ è yaà nɔŋ e gààŋ zùlù guùŋ nɛ wò naŋ toomò

Ɛfesɔ̀ 4:29

Maŋ mìè gbòa naanààŋ ɓɔ̀ màŋ fòlàiŋ nyààŋ kòɓɛ̀ ànyuùŋ kpùuŋ dàwiiŋ nyàŋ, sɔɔ̀ maŋ yè maŋ kuwa e kpùùmaŋ, wèè maŋ nyɛ̀nɛ̀ŋ wo nyùùŋ nyìngà sùà e kìlà maŋ hìàŋ e nɛ̀ɛŋ wo nyùùŋ manaŋ lɛ̀, kɛ̀ e nɛ̀ɛŋ mùŋ woà lɛ è do nàŋ nɔ̀ŋ e keì sìàŋ koɓɛ̀ anyùùŋ nyaŋ komo e nɛ̀ɛŋ nìŋ woà lɛ.

Ɛfesɔ̀ 5:20

Tòòmoìŋ e dèè Kanaà Jisɛ̀ Kulaìɛ e teenga gbiŋ niŋ gèe wo Dayà, wo Dèda wiɔ̀ sɛ̀ wèè e nɛ̀ŋ gbiŋ.

Ɛfesɔ̀ 6:10

E gbio sùà, tòòyaìŋ e kɔɔ nyingèiŋ nɛ̀ nààŋ nìŋ yaà aŋ bàiŋbà Kanaà Jisɛ̀ Kulaì sùà esàɓù e gààŋ zùlù gbeeuŋ nɛ̀ sùà lɛ.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Fèle 2:11

yèè aŋ gbiŋ do nàŋ woò nyààŋ wo Jisɛ̀ Kulaì yaà wo Kana, koɓɛ̀ e jòòwò Dayàa wo Dèdaà.

Kòlo 4:6

Maŋ mìè gbòaiŋ màŋ maŋ ɓuuyè nyiŋ maŋ nùŋ e teenga gbiŋ e kìlà aŋ kɛɛnɛ̀ŋ mànaŋ weè miŋ yèè maŋ hiàŋ nyiŋ e keì sìàŋ. Yɛ̀mɛìŋ maŋ mìè gbòaiŋ màŋ diɛŋ e kìlà niŋ nɔ̀ŋ bànèbaneiŋ wèè naŋ fàsàì wo nyùùŋ tɛ̀ɛ̀ sèè wò dawàìŋ wɔŋ mààŋdàwè.

1Tɛsè 2:4

Kɛɛ è gboo e ɗeweɛ̀ wo Dayà wuŋ manaŋ wèè eiŋ gbòà lɛ, esaɓù kɛ̀ wò wi tùàŋ maŋ nɔnɔŋ, wò wi haawè wèè Ebò Siaàŋ ɓààye. E fèìŋ fɛ̀ɛ sùà wèè eiŋ nyɛ̀nɛ̀ŋ wo nyuùŋkpùuŋ kè jiiuŋ nɛɛ̀ŋ ke fà, è fɛ̀ɛ̀ìŋ wèè eiŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà, wuŋ nàŋ tùɔ̀ŋ maŋ jii wi màŋ maŋ nɔnɔŋ.

1Time 1:17

Koɓɛ̀ wo Kànà wɔŋ nyiiŋ gèe gò jùàa, wo Dayà gunɔ̀ɔŋ, e jòòwo yèè e dɛ̀ɛ̀kɛ nɔ̀ŋ ko nɛ̀ɛ̀uŋ niìŋ wèè julɔfɔ yèè julɔfɔ! Àmiinàŋ.

1Time 6:16

Wuŋ guùŋ nɔŋ nàŋ yaà wo Dàyà nyiiŋ gèe gò jùà, tɔɔɓaa wò yaà e gbolòùŋ sùà e yèɛ wo nyùùŋ fè ɓɛ̀nɛ̀ŋ gbɛ̀ɛ̀ kɔɔ lɛ̀. Wo nyùùŋ bà gbiŋ kòò wò yɛ̀mɛùŋ wa, e kìlà wo nyùùŋ gbiŋ fòuŋ yɛmɛ̀. E jòòwo yèè e gaàŋ gò kɛ̀ɛ̀nɛ̀ŋ dìa nɔ̀ŋ koɓɛ̀ Dayài wèè julɔfɔ! Àmiinàŋ.

Taitɔ̀ 2:1

E wèè muàŋ Taitɔ̀, kàà e keì kɛnɛɛ̀ yaà e hààweɛ̀ sùà lɛ.

Taitɔ̀ 2:15

Kàà nyiŋ maŋ keì mɛɛ̀ŋ e gaàŋ mɔ̀ɛ̀ sùà, màànààŋ nɔŋ mùŋ fè anyùùŋ nyaŋ kumìàùm nyaŋ maŋ jii nyingè, e kìlà mùŋ dè nyiìŋ dòmaŋ diɛŋ lɛ̀. Ɓɔ̀ mùŋ dangè wò bà gbiŋ doum nììngè fɛ̀ɛ̀.

Hiɓu 13:7

Ɓɔ̀ nìŋ nyɛɛnɛ̀ŋ è kèè àŋ sìèfeìŋ gɔuiŋ nyàŋ, aŋ yè nyaŋ naiŋ wa kàà ke mìè Dayà nyàŋ. Kɛ̀ɛ̀nɛìŋ ke jii jàa wèè e nyaàiŋ dè e ɗeweɛ̀ àŋ naŋ nyɛ̀nɛ̀ŋ maŋ nyiiŋ gèe nyiŋ màŋ sùà lɛ, yèè niŋ kamè ɗewe wèè niŋ kɛ̀ɛ̀nɛ̀ŋ hààwe màànààŋ àŋ kuwa wa lɛ̀.

Hiɓu 5:12

Nìŋ kuwa wa e teenga zimgbe wèè naŋ nɔ̀ŋ aŋ kààmɔɔŋ, kɛɛ è naŋ tɛɛwɛ̀ wèè wo nyùùŋ bà woiŋ kàà e keì jiɛ̀jiɛ̀ɛ e nyaàiŋ dè e yèɛ wo Dayà naŋ woò lɛ. Nìŋ yaà mààŋ aŋ jɔaa, kòò nìŋ hàì wèè naŋ jè è nɛ̀ŋje nyìnga, sɔɔ̀ wo yaa màŋ yaà màì.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

Jìiiŋ 1:26

Sèè wo nyùùŋ gbiŋ naŋ goungò ke jiio sùà kɛ̀ wò yaà wo nyuùŋ zòòlò Dayà kɛɛ wo fè yɛ̀mɛ̀ màŋ mìè gbòauŋ màŋ diɛŋ, wò yaà nɔŋ zùwo sùà wuŋ bi yèè e Dayà zòòlouŋ nɛ̀ kàìŋ nɛ è yaà e foofòò niŋ.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 2:5

Hnaìŋ mààŋ maŋ duò gè nyiiŋ wo Dayà nyilìàiŋ ke saaŋ zòòlò Dayà wo jinàaŋ sùà, ko yèi nìŋ do nàŋ nɔ̀ŋ aŋ sìèfèìŋ e zòòlò nɛɛmaŋ wèè e tòmò Dayàa wèè maŋ saàà gèe wo Jìnàŋ Dayàa sùà maŋ yè maŋ wo Dayà jaa kùàŋ dìì esàɓù Jisɛ̀ Kulaì sùà maŋ.

1Pììlɛ 4:10

Wo ɓɔìjɔ̀àa yɛ̀mɛ̀ manɛ̀ŋ kìɛ̀ŋ Dayà maŋ diɛŋ wɔ̀, maŋ kìɛŋ titi maŋ wò naŋ gè Dayà sìwè maŋ sɔɔ̀ wo miŋ toomò wèè e tɛ̀ɛ̀tɛ̀ɛ̀ koɓɛ̀ anyuùŋ hààwe dàwiuŋ nyàŋ.

1Pììlɛ 4:16

E ɗewe gbiŋ sùà, sèè nìŋ nɔ̀ŋ kɔ̀ɔ̀yɛ̀ keì nyìnga dìì esaɓù kɛ̀ nìŋ yaà anyuùŋ hààwe, e sàngè tii ɓɔ̀ è nyɛ̀nɛ̀iŋ. Kɛɛ fèeìŋ Dayà ɓɛ̀ɛ̀jàa wèè e dèè Jisɛ̀ Kulaìɛ jààìŋ nɛ.

1Pììlɛ 5:11

E gààŋ nɔ̀uŋ wèè julɔfɔ yèè julɔfɔ! Àmiinàŋ.

Juù 1:25

Kìɛ̀ŋ wiìŋ e tɛ̀nɛŋ wo Dayà Nyuùŋ Jòèye wiɔ̀, esàɓù Jisɛ̀ Kulaì wo Kana wiɔ̀ sùà. Ko tɔ̀ɔ̀tù e ɗuunyaàŋ yèè nàaŋ yèè julɔfɔ è siaŋ maŋ jòòwò Dayà, mauŋ kìɛ̀ŋ e ɓɛ̀ɛ̀jàa, mauŋ tɛnɛ̀ŋ wèè e gaàuŋ nɛ̀ tɔɔɓaa. Àmiinàŋ.