1Pììlɛ 3:4 - WƆŊ FƐ̀Ì EBÒ SÌÀŊ DAYÀA

⁴ E siàum mɔ̀ɛ̀ e nɔ̀ŋ ke jii mɔɛ̀ŋ diɛŋ esaɓù kɛ̀ mùŋ siaŋ tùwo yèè mùŋ kuwa wo jinàŋ sìàŋ sìàŋ tùwo yèè wò naŋ tɔumtɔ̀ùm. E sìàŋ mààŋ tɛɛ̀ è yaà wèè julɔfɔ, yèè wo Dayà jàà niìŋ kùàŋ dìì.

1Pììlɛ 3:4 ပူးပေါင်းရင်းမြစ်များ

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Maafiù 21:5

“Wòoìŋ anyùùŋ nyaŋ ko jawa gbee Zanyɔ̀ŋ nààŋ, ‘Yɛ̀mɛìŋ, wo kanaiŋ nɔɔ̀ŋ kòò wò yaà hìnìè ko nɛ̀ɛ̀iŋ niìŋ. Wò naŋ dèèyè wuŋ bi yèè wò jaa wo sòo bɔwɔ jɔa diɛŋ wo jɔ̀à ɗòsòo.’ ”

Maafiù 23:26

Nyɛ̀iŋ nààŋ Fɛlosiì zììlè le fɛ̀ɛ̀ nyɛɛ̀ŋ, nyɛ̀nɛìŋ e nɛ̀ɛŋ nìŋ sie wɔŋ kpòò tììyaà sùà lɛ tiiŋ jiɛ̀ e nɔ̀ŋ zɛ̀nɛŋ niŋ, kpeiŋ kɛ̀ wɔŋ jɛwɛɔ̀ wɔ̀ŋ nɔ̀ŋ zɛ̀nɛŋ wuŋ!

Maafiù 5:5

“E zɔlɔ̀ yaà anyùùŋ nyaŋ deeyà nyiŋ bi nyàŋ. Nyiŋ nàŋ do nàŋ kɛ̀ɛ̀nɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ!

Luù 11:40

Nyɛ̀iŋ nààŋ nyuùŋ gò nyìmàŋ keì fèemàŋ nyɛɛ̀ŋ! Wo Dayàa naŋ bànè ko jɔɔlèe wɔ̀, wuŋ nàŋ gò bànè kò sùài?

Luù 16:15

Yèè wo Jisɛ̀ naŋ nyiŋ woò wààŋ, “Nyɛ̀iŋ nàŋ yaà anyùùŋ nyaŋ tɔɔ̀ wèè naŋ nɔ̀ŋ anyùùŋ tɔ̀ɔ̀nyaàŋ ko fɛ̀ɛ̀fèìŋ anyuùŋ joo, kɛɛ wo Dayà nyìmàŋ maŋ jiiŋ màŋ sùà. Esaɓù kɛ̀ manɛ̀ŋ maŋ anyùùŋ àŋ ɓemàŋ wèè maŋ nɔ̀ŋ gbee miŋ màŋ maŋ fè è nɛ̀ŋ gbiŋ kò fɛ̀ɛ̀fèìŋ Dayài.

Luùm 1:23

Aŋ fè zòòlò wò Dayàa naŋ tɛ̀ɛ̀wɛ̀ jòòwo yèè wò yaà wɔŋ nyiiŋ gèeɔ̀ sùà wèè julɔfɔ wɔ̀. Kɛɛ àŋ zoolà aŋ dayà nyaŋ àŋ naŋ banè yèè àŋ naŋ tèènè nyuùŋkpùuŋ nyàŋ, aŋ yè nyaŋ fè wɔŋ nyiiŋ gèeɔ̀ sùà wèè julɔfɔ nyàŋ. Aŋ bà nyiŋ yaà mààŋ aŋ wòì, aŋ yìlì, yèè aŋ yilì gɔ̀ɛ̀ɛ̀ dìì.

Luùm 2:29

Wo nyùnɔ̀ɔŋ yaà wo Juùù kɛnɛ wɔ̀, nàŋ yaà wo yèɔ naŋ kìlè ke jiiuŋ nɛɛ̀ŋ e tɔ̀ɔ̀nyaàŋ sùà wɔ. Wo Jìnàŋ Dayàa zà naŋ nyɛ̀nɛ̀ŋ e tòmo lɛɛ̀, e fè màŋ sàwà maŋ yaà sìnga miŋ màŋ. Wo Dayà nàŋ tɛnɛ̀ŋ wo nyùùŋ mààŋ wii, kɛɛ è fè ànyuùŋ kpùuŋ.

Luùm 6:6

Èiŋ nyìmàŋ kɛ̀ nààŋ wo Jisɛ̀ Kulaì naŋ wa fɔ̀ɔ̀yɛ̀ wɔŋ vènèkpaaà diɛŋ, yaà maŋ kpùnàŋ jùumù wi màŋ naŋ wa fɔ̀ɔ̀yɛ̀ koɓɛ̀ guùŋ. Tɛɛ̀ naŋ wa kaaìŋ wèè e nyɛ̀nɛ̀ŋ e gààŋ maŋ kpùnàŋ jùumù wi màŋ nɔ̀ŋ pɔ̀ɔ̀pɔɔ niŋ, wèè e go wi ɓɛìŋ nàŋ nyɛ̀nɛ̀ŋ eiŋ nɔ̀ŋ aŋ ɗo wèè maŋ jùumù nyɛ̀nɛŋ.

Luùm 7:22

Mìŋ naŋ jàà ke Sàwà Dayàa kùàŋ dìì ke jii miɛ̀ŋ gbiŋ sùà.

2 Kɔliìŋ 10:1

Esàɓù ke jìì sìàŋ Jisɛ̀ Kulaì yaà e tɛ̀ɛ̀tɛ̀ɛ̀uŋ nɛ̀ sùà, è yaà e dàwe titi miàim Pɔɔ̀ mìŋ yààìŋ dàwe sùà, miàŋ wo yèɔ àŋ wòà nyààŋ mìŋ yaà e jùù, yèè mìŋ naŋ tɔumtɔ̀ùm sèè mìŋ nɔ̀ìŋ nèè tɛɛ̀, kɛɛ mìŋ nɔ̀ŋ e hmɔ̀ɔ̀ŋ weèiŋ sèè mìŋ nɔ̀ŋ koɓɛ̀ dii mìŋ goiŋ gbɛ̀ɛ̀ wɔ.

2 Kɔliìŋ 4:16

E wèè esaɓù lɛɛ̀, e ɓɔ̀mɔ̀ŋ fè wi wùìyà, jòòpɛɛ e kɔɔ wilɛ̀ yaà yɔ̀kpɔ sùà, kɛɛ wo Dayà sie wo jinàŋ wiɔ̀ e gààŋ niìsìa gbiŋ.

Gàla 5:23

e ɓɛ̀ɛ̀jàa, yèè wo nyuùŋ nyìmàŋ e ɗèwè wuŋ bi kùwa. Ke sàwà bà gbiŋ fè wèè ke gbòà naanààŋ è nyààìŋ dè màŋ keì mɛɛ̀ŋ.

Ɛfesɔ̀ 4:2

Dèèyeìŋ nyɛ̀iŋ bi e teenga gbiŋ sùà, niŋ kuwìè maŋ jii tɔumtɔ̀ùm, yèè niŋ nɔ̀ŋ anyuùŋ kùwìè e ɓɛ̀ɛ̀jàa. Tɔ̀ɔìŋ e mànaiŋ nɛ̀ ke jii siaŋ diɛŋ koɓɛ̀ aŋ wùìyaiŋ nyàŋ e hààweɛ̀ sùà.

Kòlo 3:12

Nyɛ̀iŋ nàŋ yaà anyùùŋ nɛɛmaŋ nyàŋ. Wo Dayà mànàìŋ yèè wòiŋ tàeɗùù wèè naŋ nɔ̀ŋ anyunùuŋ. Weètii, nìŋ kuwa naŋ kùwìè ke nyowo, ke jiio sùà wèè naŋ nyɛ̀nɛ̀ŋ e keì sìàŋ, naŋ dèèyè nyɛ̀iŋ bi, naŋ kùwìè ɓɛ̀ɛ̀jàa yaà maŋ jii tɔumtɔ̀ùm.

Kòlo 3:3

Nìŋ naŋ wa fɔ̀, kɛɛ wɔŋ nyiiŋ gèiŋ nɔɔ̀ŋ kòò wɔ̀ŋ yaà ko nyɛɛnɛŋ wo Jisɛ̀ Kulaì ko sùà koɓɛ̀ Dayài.

1Tɛsè 4:11

Nyɛ̀nɛìŋ niŋ e kpàŋ è kɔɔiŋ e gbɔ̀ɔɔ ɓɔ̀ è nɔ̀ŋ maŋ nyiiŋ gèiŋ màŋ sùà, kùwieìŋ e gòngò e kèì nyɛ̀iŋ bi lɛ̀, yèè niŋ kamè e nɛ̀ŋjè nyaàiŋ nɛ̀, màànààŋ nɔŋ è naiŋ wa woò lɛ.

2Tɛsè 3:12

E dèè Kanaà Jisɛ̀ Kulaìɛ sùà, è nàà anyùùŋ nyɛɛ̀ŋ yèè è nyiŋ fè e gòo wèè aŋ dè maŋ nyiiŋ nyiŋ màŋ ke dòmaŋ kɛnɛ diɛŋ, e kìlà aŋ tomo aŋ kamè nɛ̀ŋ wèè nyiŋ bi.

1Time 2:2

Zòòloìŋ wèè aŋ kana nyàŋ, yèè aŋ yè nyaŋ yaà e gààŋ sùà nyaŋ aŋ nɔ̀ŋ dìì tɔ̀ùŋ, yèè aŋ kuwiè maŋ jii fàa maŋ nyiiŋ gèe nyiŋ màŋ sùà, nààŋ è zoolàìŋ wo Dayà e tɔ̀ɔ̀nyaàaŋ sùà lɛ.

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

Taitɔ̀ 3:2

Wòò nyiŋ ɓɔ̀ àŋ woò è keì naanààŋ wèè nyùùŋ gbiŋ, kɛɛ aŋ mɔɔnɔ̀ŋ, yèè aŋ nɔ̀ŋ jii fàa sùà, yèè e teenga gbiŋ sùà aŋ tɔɔ̀ ke kpèè jii siaŋ koɓɛ̀ nyùùŋ gbiŋ.

Jìiiŋ 1:21

Weètii gèeìŋ maŋ nyɛ̀nɛŋ kùwà niŋ naŋ màŋ yaà maŋ kpèè naanààiŋ màŋ gbiŋ kùàŋ sùà maŋ yè maŋ anyùùŋ nyaŋ yaà nyinie màŋ. Yèè maŋ miè gbìaŋ màŋ wo Dayà naiŋ gbìɛ̀ŋ maŋ jiio sùà maŋ, jɔ̀ɔ̀lɔìŋ miŋ dìì yèè niŋ nyɛ̀nɛ̀ŋ e nɛ̀ɛŋ màŋ naŋ woò lɛ. Esaɓù kɛ̀ ke miè gbìaŋ yii kuwa gààŋ wèè ke jòèyè wɔŋ nyiiŋ mɔɔ̀ŋ.

1Pììlɛ 1:23

Esaɓù ke mìè nyiiŋ gèe gò jùà Dayàa sùà, naŋ nyɛ̀nɛ̀ŋ nìŋ naŋ ɓɛìŋ nɔ̀ŋ e kòmaiŋ jɛ̀ì mààŋ aŋ jɔ̀à wo nyuùŋ kòmaàŋ wo yèɔ fè fà wɔ.

1Pììlɛ 3:15

Kɛɛ kùwieìŋ e ɓɛ̀ɛ̀jàa wèè Jisɛ̀ Kulaì maŋ jiiiŋ màŋ sùà, yèè niŋ joowòuŋ mààŋ wo Kana maŋ nyiiiŋ màŋ sùà. Nɔ̀ɔìŋ e bànèbaneiŋ e teenga gbiŋ sùà wèè naŋ fàsàì nyùùŋ gbiŋ wo yèɔ dawàìŋ wèè nauŋ fè ke jii gbài wèè ke jii tùliaà yààìŋ sùà lɛ.