1Pììlɛ 3:20 - WƆŊ FƐ̀Ì EBÒ SÌÀŊ DAYÀA

²⁰ Aŋ jinàŋ nyɛɛ̀ŋ nàŋ yaà wa aŋ jìnàŋ anyùùŋ nyaŋ gò wa jɔ̀ɔ̀lɔ̀ Dayà dìì nààŋ wò naŋ wa kùwò ke jii wò yaà nyiìŋ fòla sùà e teengaà wo Nòa yaà wa bàne sùà wɔŋ meeèɔ lɛ̀. Anyùùŋ nɔɔnɔŋ lè taai nɔŋ naŋ wa jɔ̀ wɔŋ meeèɔ sùà, yèè nyiŋ nɔŋ naŋ wa jòèyè e yìwìà e wuiyè jòwaà sùà.

1Pììlɛ 3:20 ပူးပေါင်းရင်းမြစ်များ

Maafiù 7:14

Kɛɛ ke dòmaàŋ kɔ̀à koɓɛ̀ wɔŋ gbàngì wɔŋ nyiiŋ gèe gò jùàa yɛ̀ naŋ suulìì yèè kè naŋ nyìngè kàaiŋ. Anyuùŋ kpàka nɔŋ nàŋ yɛmɛ̀ nyìŋ.

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Luùm 9:22

E kèì guùŋ lɛɛ̀ è yaà tɔ̀ɔ̀nyaàŋ wèè e yèɛ wo Dayà naŋ nyɛ̀nɛ̀ŋ lɛ̀. Wo Dayà manaŋ wa wo tɔ̀ɔ̀ e nimilàa, yèè wo nyɛ̀nɛ̀ŋ anyùùŋ nyaŋ gbiŋ aŋ yɛ̀mɛ̀ e gaàuŋ nɛ̀. Kɛɛ wò kuwa wa ke jii tɔumtɔ̀ùm wèè anyùùŋ nyaŋ wò manaŋ wa wo nimilà nyaŋ e kìlà àŋ henàŋ nàŋ fɔ̀ nyaŋ.

Ɛfesɔ̀ 5:26

Wò naŋ tɛɛ̀ nyɛ̀nɛ̀ŋ wèè wo tulìà ke gbòò anyuùŋ hààwe nyàŋ wo Dayà e yìwìà ke mìè gbòauŋ nɛɛ̀ŋ sùà, nààŋ wò naŋ nyiŋ gùùyè e wùìyè àŋ naŋ zɛ̀nɛ̀ŋ lɛ.

Hiɓu 11:7

E hààwe naŋ wa nyɛ̀nɛ̀ŋ wo Nòa naŋ kòmò ke mìè gòoɛ̀ wo Dayà naŋ wa kiɛ̀ŋ lɛ e nyaàiŋ dè maŋ keì maŋ ko dòmàŋfeìŋ maŋ yè maŋ wo fè wa ɓɛ̀nɛ̀ŋ yɛ̀mɛ màŋ. Wo Nòa naŋ wa jɔ̀ɔ̀lɔ̀ ke mìè Dayàa dìì, yèè wò naŋ bànè wɔŋ gɔ̀ kòi wɔŋ yèɔ naŋ wa jòèyè ke kpoouŋ nɛɛ̀ŋ yèè wuŋ bi. Ko diemeì, wo Dayà naŋ wa nìmìlà anyùùŋ nyaŋ gbiŋ e ɗuunyaàŋ, yèè wo Nòa wa yɛ̀mɛ̀ e tɔ̀ɔ̀nyaàaŋ e yìwìà wo Dayà sìwè e yèɛ hnàŋ esàɓù hààwe lɛ̀.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Pììlɛ 1:9

e fèfoo kɛ̀ maŋ nyiiiŋ màŋ yaà yɛ̀mɛ sùà e jòèye, e yèɛ do nàŋ hɛɛnɛ̀ŋ sàɓù hààweɛ̀ nìŋ nauŋ hààwè sùà lɛ.

1Pììlɛ 2:25

Nìŋ yaà wa mààŋ aŋ ɓaawaa ɓà ke dòmaŋ aŋ yè nyaŋ naŋ go nyàŋ, kɛɛ wo Dayà wòiŋ ɓɛìŋ kɛlɛ̀ɛ̀ wèè naŋ nɔ̀ŋ wo nyuùŋ yɛ̀mɛ̀ aŋ ɓaawaa diɛɔ̀ŋ maŋjɛ̀wɛ yèè wo nyuùŋ yɛ̀mɛ̀ maŋ nyiiŋ diɛiŋ nɔɔ̀ŋ.

1Pììlɛ 3:19

wo yèɔ naŋ kɔ̀ nyììŋ jinàaŋ sùà yèè wò naŋ gbòò koɓɛ̀ aŋ jinàŋ nyaŋ yaà wa ko sààŋ nyìwì nyaŋ.

1Pììlɛ 4:19

Weètii, anyuùŋ hààwe nyàŋ kɔ̀à e keì nyìnga dìì esaɓù kɛ̀ tii wo Dayà manaŋ weè nyiŋ, aŋ nyɛ̀nɛ̀ŋ e tòmo siaŋ yèè aŋ kiɛ̀ŋ ke jii nyiŋ nɛɛ̀ŋ wo nyuùŋ bàne nyiŋ nɔɔ̀ŋ wo yèɔ nyɛnɛŋ e yèɛ wò naŋ ɓèmè e ɗààhiì wèè wo nyɛ̀nɛ̀ŋ lɛ.

2Pììlɛ 2:5

Wo Dayà gò wa yɛ̀mɛ̀ è ɗuunyaŋ gɔuɛ̀ nyowo, wò naŋ wa hìɛ̀ŋ e wuiyè jòwa e ɗùùnyàŋ nyuùŋ gò nyìmàŋ Dayà nyaŋ diɛ̀ŋ. Anyùùŋ nyaŋ nɔŋ wò nao wa gè nyaŋ nàŋ yaà wa wo Nòa, wo yèɔ naŋ wa wòò ke mìè gbìàŋ tɔ̀ɔ̀nyaàŋ e kpùlìà anyùùŋ nɔɔnɔŋ le tìyèe.

2Pììlɛ 3:15

Ɓɔ̀ nìŋ nyɛɛnɛ̀ŋ kɛ̀ wo Kanaà yaà kùwa sùà kè jii esaɓù kɛ̀ wò manaŋ wo nyùùŋ gbiŋ yɛ̀mɛ̀ e jòèye, màànààŋ nɔŋ wo wùìya mànaŋ wiɔ̀ Pɔɔ̀ naŋ sìngè ko nɛ̀ɛ̀iŋ niìŋ, wò naŋ tòòmò e jiikɛ̀ɛɛ̀ wo Dayà nauŋ fè lɛ.