1Pììlɛ 2:7 - WƆŊ FƐ̀Ì EBÒ SÌÀŊ DAYÀA

⁷ E sɛmɛmaàŋ yaà ke dùò bi sùà lɛ è naŋ dɛɛ̀ wèè nyɛ̀iŋ nyàŋ nìŋ nauŋ hààwè sùà nyaŋ, kɛɛ wèè anyùùŋ nyaŋ aŋ yè nyaŋ kuwà hààwe nyàŋ, “Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà.”

1Pììlɛ 2:7 ပူးပေါင်းရင်းမြစ်များ

Maafiù 21:42

Wo Jisɛ̀ naŋ nyiŋ ɓɛìŋ woò wààŋ, “Tɔɔɓaa nàŋ wa kpɛ̀nɛ̀ŋ e sìnga lɛɛ̀ wɔŋ fɛ̀ì Dayàa sùà kɛ̀, ‘Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà. Wo Kanaà Dayà wuŋ bi naŋ wa tɛɛ̀ nyɛ̀nɛ̀ŋ. E keì sìàŋ bi è siaŋ wèè yɛ̀mɛ.’ ”

Luù 2:32

e gbolòùŋ wèè e tɔ̀ɔ̀ ke kpèè mɔɛ̀ŋ koɓɛ̀ anyùùŋ nyaŋ fè àŋ Juùù nyaŋ, yèè wèè e jòòwo mɔ̀ɛ̀ koɓɛ̀ anyùùŋ nyàŋ ko Ezɔ̀ɛ̀.”

Luù 2:34

Wo Simiɔ̀ŋ naŋ nyiŋ zòòlò diɛŋ yèè wò naŋ wòò wo Mèèle, wo nààŋ jɔ̀àa wààŋ, “Wo Dayà naŋ tà wo jɔ̀à wɛɛ̀ ɗùù wèè wo nyɛ̀nɛ̀ŋ anyuùŋ zimgbe ko Ezɔ̀ɛ̀ aŋ sɔ̀àà, yèè aŋ bà nyiŋ aŋ yèwà e fàa dìì aŋ sie. Wò do naŋ nɔ̀ŋ e tɔ̀ɔ̀màŋsèì e keì, yèè anyuùŋ zimgbe naàuŋ jàà kùàŋ dìì.

Luù 20:17

Wo Jisɛ̀ naŋ nyiŋ yɛmɛ̀ yèè wò naŋ woò wààŋ, “Kiìŋ e sìnga lɛɛ̀ wɔŋ fɛ̀ì Dayàa sùà naŋ fasàì? ‘Ke dùòɛ aŋ nyùuŋ nyɛ̀lɛ nyàŋ àŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà.’

Jɔ̀ɔŋ 4:42

Àŋ naŋ wòò wo nìeɔ̀ nyààŋ, “Tɔɔɓaa e gòiŋ naàŋ nɔŋ hààwè wò Jisɛ̀ èsàɓù è yèɛ mùŋ naŋ wi woò lɛ. Yàwi bì èiŋ kùmìàŋ e yèɛ wò naŋ woò lɛ, yèè è naiŋ haawè kɛ̀ wuŋ nàŋ yaà wo yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè e ɗuunyaàŋ wɔ!”

Nyɛ̀nɛ̀ŋ 26:19

Wo Pɔɔ̀ naŋ ɓɛìŋ woò wààŋ, “Nààŋ è yaà lɛ, Kanaà Àgulepɔ̀, miŋ gò wa gììyà è gɔ̀à gò jɛ̀ì lɛɛ̀ màŋhɛɛ e yìwìà kò àìjɛnɛ̀ŋ.

Luùm 10:21

Wo Dayà naŋ ɓɛìŋ woò e nyaàiŋ dè anyùùŋ Ezɔ̀ɛ̀ nyaŋ wààŋ, “Wɔŋ niìsìaà gbiŋ sùà mìŋ joowà maŋ kùàŋ fùùŋ wèè ka jàà anyuùŋ gò jɔɔlɔ̀ yaà anyùùŋ dàà ke gbòà nyaŋ kùàŋ dìì.”

Luùm 15:31

Zòòloìŋ Dayà wèè wo joeyèim e yìwìà anyuùŋ gò kɛ̀ɛ̀nɛ̀ŋ hààwe nyàŋ e fèemàŋ ko Jùdià, wèè anyùùŋ nɛɛmaŋ nyàŋ ko Jùlusɛ̀làm aŋ jàà e tòmoɛ̀ mìŋ yaà nyinie lɛ̀ kùàŋ dìì.

2 Kɔliìŋ 2:16

E wèè aŋ yè nyaŋ do nàŋ go nyàŋ, e nɛ̀ŋ hùmòò dò naanààŋ nàŋ jìwè nyiìŋ. Kɛɛ wèè aŋ yè nyaŋ do nàŋ jòèyè nyaŋ, e nɛ̀ŋ hùmòò dò siaŋ nàŋ hiàŋ wɔŋ nyiiŋ gè ko nɛ̀ɛ̀ŋ nyiŋ niìŋ. Kɛ̀ ɓòò, naŋ naàŋ ɓɛ̀nɛ̀ŋ e tòmo mààŋ tɛɛ̀?

Kòlo 2:10

e kìlà tɔɔɓaa wo Dayà naiŋ nyɛ̀nɛ̀ŋ naŋ nɔ̀ŋ aŋ bàiŋbà wɔŋ nyiiŋ gèeuŋ nɔɔ̀ŋ sùà. Wuŋ nàŋ kuwa e gààaŋ aŋ sìèfèìŋ aŋ jìnàŋ nyaŋ yaà anyùùŋ gbèègbèè nyiŋ nyàŋ diɛŋ.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

Hiɓu 11:31

E hààwe naŋ nyɛ̀nɛ̀ŋ wo Làhaà, wo nìe nyɛ̀nɛ̀ŋ hmɔŋtuɔ̀, wo Dayà gòuŋ wa jìwà, màànààŋ àŋ naŋ wa jìwè anyùùŋ nyaŋ naŋ wa gììyè wo Dayà maŋhɛɛ nyàŋ, esaɓù kɛ̀ wò naŋ wa jàà anyùùŋ Ezɔ̀ɛ̀ nyaŋ kùàŋ dìì, aŋ yè nyaŋ naŋ wa hnè wèè yɛmɛ̀ e jɛ̀ì kìì fuɔɔ̀ŋ jɛ̀wɛ̀ nyaŋ.

Hiɓu 4:11

Weètii nyɛ̀nɛ̀ŋ wiìŋ e tɛ̀ɛ̀tɛ̀ɛ̀ɛ gbiŋ è naiŋ ɓɛ̀nɛ̀ŋ nyɛ̀nɛŋ wèè e yɛmɛ̀iŋ e nyiiŋ gèe lii, wèè kɛ̀ yàwi nààŋ bà guùŋ gbiŋ gòiŋ niŋ nàŋ sòò yɛ̀mɛ, màànààŋ àŋ naŋ wa nyɛ̀nɛ̀ŋ esàɓù e hààwe gò kɛ̀ɛ̀nɛ̀ŋ nyiŋ nɛ̀.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

1Pììlɛ 2:4

Hnaìŋ koɓɛ̀ wo Kanaà, ke dùò nyiiŋ gèe gò jùàa anyùùŋ nyaŋ naŋ wa gè kùàŋ dìì yɛ, esaɓù kɛ̀ aŋ gòuŋ wa nyààŋ è nɛ̀ŋ bà gbiŋ, kɛɛ wo Dayà nauŋ tàeɗùù wèè wo kuwiè e sɛmɛmaŋ.

1Pììlɛ 2:8

Yèè wɔŋ fɛ̀ì Dayàa koɓɛ̀ bà naŋ ɓɛìŋ woò wààŋ, “Kɛɛ̀ nàŋ yaà ke dùòɛ do nàŋ nyɛ̀nɛ̀ŋ anyùùŋ aŋ duonò, ke dùòɛ do nyiŋ nàŋ nyɛ̀nɛ̀ŋ aŋ sɔ̀à lɛ.” Àŋ do nàŋ duonò esaɓù kɛ̀ aŋ gò hààwe kè mìèɛ, kiŋ zà nàŋ yaà wa e kèè jìì Dayàa e weè nyiŋ.