1Pììlɛ 2:24 - WƆŊ FƐ̀Ì EBÒ SÌÀŊ DAYÀA

²⁴ Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Pììlɛ 2:24 ပူးပေါင်းရင်းမြစ်များ

Maafiù 27:26

Yèè wò Paalè naŋ dàngè wo Bàlaɓà weè nyiŋ. Kpeiŋ wò naŋ gè wo Jisɛ̀ nyààŋ diɛŋ auŋ ɓùlà yèè wò naŋ nyiŋ wuŋ kiɛ̀ŋ wèè aŋ jiwìàuŋ wɔŋ vènèkpaaà diɛŋ.

Maafiù 5:20

Sɔɔ̀ naŋ jɔ̀ɔ̀lɔ̀ màŋ Sàwà Dayà maŋ dìì tɛ̀ɛ̀ e nìàŋ anyùùŋ nyaŋ àŋ nyaaŋ aŋ Fɛlosiì nyaŋ yèè e ɗeweɛ̀ aŋ kààmɔ̀ɔ̀ŋ maŋ Sàwà Dayà nyaŋ jɔɔlɔ̀ mìŋ dìì lɛ. Tɔ̀ miŋ woòiŋ, sèè nìŋ go miŋ jɔ̀ɔ̀lɔ̀ dìì è tɔ̀ɔ̀nyaàŋ sùà, niŋ naàŋ wa nàwèè kɔ̀ è Kànà kò àìjɛnɛ̀ɛŋ sùà.

Maafiù 8:17

Wo Jisɛ̀ naŋ wa tɛɛ̀ kaaìŋ wèè e nyɛ̀nɛ̀ŋ e yèɛ wo Dayà naŋ wa woò lɛ e hɛɛnɛ̀ŋ, nààŋ wo wɛ̀ijìɔ Àzaayà naŋ wa woò lɛ wààŋ, “Wò naŋ wi gè maŋ sàaŋ wi màŋ e kɔɔ wi lɛ̀ sùà, yèè wò naŋ wi sùngò.”

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 19:1

Kpeiŋ wo Paalè naŋ nyɛ̀nɛ̀ŋ anyùùŋ nyaŋ naŋ ɓùlò wo Jisɛ̀.

Nyɛ̀nɛ̀ŋ 10:35

Anyùùŋ nyaŋ zoolà Dayà yèè àŋ nyɛnɛŋ e yèɛ yaà tɔ̀ɔ̀nyaàŋ lɛ, wo Dayà do nyiŋ nàŋ jàà kùàŋ dìì, wo gò kpɛɛ̀ŋ kɛ̀ kiìŋ wɔŋ fuɔŋ àŋ yewe.

Nyɛ̀nɛ̀ŋ 10:39

Yàwi nààŋ gbiŋ è yààìŋ aŋ sèì e nyaàiŋ dè maŋ keì maŋ gbiŋ wo Jisɛ̀ naŋ nyɛ̀nɛ̀ŋ maŋ ko Ezɔ̀ɛ̀ wɔŋ fùɔ̀ŋ aŋ Juùù nyaŋ sùà yèè ko Jùlusɛ̀làm. Àŋ nauŋ wa jìwìè wɔŋ vànèkpaaà diɛŋ.

Nyɛ̀nɛ̀ŋ 13:29

Nààŋ àŋ naŋ wa naàŋ kpɛ̀ɛ̀yɛ̀ nyɛ̀nɛ̀ŋ e yèɛ wɔŋ Fɛ̀ì Dayàa naŋ woò lɛ, nààŋ àŋ naŋ wa jìwè wo Jisɛ̀, àŋ naŋ wa gè e dieuŋ nɛ̀ e yìwìà wɔŋ vànèkpaaà diɛŋ yèè àŋ nauŋ hèè ke hùaàŋ sùà.

Nyɛ̀nɛ̀ŋ 5:30

Nìŋ naŋ wa jìwìè wo Jisɛ̀ wɔŋ vànèkpaa diɛŋ. Kɛɛ wo Dàyà aŋ nèwàènèwe wi nyàŋ nauŋ gè e fàaà dìì wɔŋ nyiiŋ gèeo sùà.

Luùm 6:11

E ɗèwè guùŋ nɛɛ̀ sùà nìŋ kuwa naŋ kɛ̀ɛ̀nɛ̀ŋ gòngo wèè nyɛ̀iŋ bi kɛ̀ nyɛ̀iŋ nààŋ Jisɛ̀ Kulaì naŋ fɔ̀ɔ̀yɛ̀ koɓɛ̀ guùŋ, e kìlà e jùumù kuwà gààŋ kò diɛiŋ. Kɛɛ nìŋ yaà naàŋ wɔŋ nyiiŋ gèe sùà e gààŋ Dayàa dìì e yìwìà wo Jisɛ̀ Kulaì sùà.

Luùm 6:13

Ɓɔ̀ nìŋ nyimèè wèè màŋ nɛ̀ɛ̀ŋ kɔ̀ɔ̀ màŋ kpùnaiŋ màŋ bà màŋ do nyɛ̀nɛ̀ŋ jùumù. Kɛɛ deìŋ ke dòmàŋ Dayàa diɛŋ, esaɓù kɛ̀ nìŋ yaà wa mààŋ anyùùŋ naŋ fɔ̀, kɛɛ wo Dayà wòiŋ kìɛ̀ŋ wɔŋ nyiiŋ gèe. Kìɛìŋ maŋ kpùnaiŋ màŋ ko nɛ̀ɛ̀uŋ niìŋ wèè wo toomò miŋ e tɔ̀ɔ̀nyaàŋ sùà.

Luùm 6:16

Tɔɔɓaa nàŋ nyìmàŋ kɛ̀ nìŋ yaà aŋ ɗo koɓɛ̀ wo nyùnɔ̀ɔŋ nìŋ jɔɔlɔ̀ dìì wɔ. Sèè naŋ kìlà nyɛ̀iŋ bi aŋ ɗo wèè naŋ jɔ̀ɔ̀lɔ̀ maŋ jùumù dìì, e jìwààjɛ̀wɛ̀ɛ nàŋ yaà e fàa. Sèè naŋ kìlà nyɛ̀iŋ bi aŋ ɗo wèè naŋ jɔ̀ɔ̀lɔ̀ wo Dayà dìì, e jìwààjɛ̀wɛ̀ɛ do nàŋ nyɛ̀nɛ̀ŋ wo Dayà woiŋ jàà kùàŋ dìì wèè naŋ nɔ̀ŋ anyùùŋ tɔ̀ɔ̀nyaàŋ.

Luùm 6:2

Kpele! Ɓɔ̀ è nyɛ̀nɛ̀iŋ yɛi! Maŋ kpèè naanààŋ maŋ yàwì sùà maŋ màŋ fà. Kpeiŋ dièsɔa è naiŋ ɓɛ̀nɛ̀ŋ nɔ̀ɔ̀ŋ nyìnìè màŋ keì naanààŋ tutùtuuŋ màŋ nyiiŋ gèe wi màŋ sùà?

Luùm 6:22

Niŋ fè ɓɛìŋ è gààŋ màŋ jùumù dìì, nàŋ naàŋ kìlà aŋ ɗo koɓɛ̀ Dayài. E nàfaiŋ nɛ̀ nàŋ yaà wɔŋ nyììŋ gè nɛɛmaŋ ko nɛ̀ɛ̀uŋ niìŋ, yèè e jìwààjɛ̀wɛ̀ɛ nàŋ yaà wɔŋ nyiiŋ gèe gò jùà.

Luùm 6:7

Èiŋ nyìmàŋ kɛ̀ sèè è fàìŋ, kɛ̀ èiŋ fòlà e gààŋ jùumù dìì.

Luùm 7:6

E ɗewe gbio sùà, wo Dayà wò wi naàŋ gè e gààŋ ke sàwàa diɛŋ, esaɓù kɛ̀ è yààìŋ mààŋ anyùùŋ naŋ fɔ̀, e fèìŋ ɓɛìŋ è gààŋ màŋ kpèè miiŋ naŋ wi yɛi wa kùwò kpaŋ maŋ keì dìì. Kɛɛ e fèiŋ naàŋ ɓɛ̀nɛ̀ŋ zòòlò Dayà e ɗewe gɔuɛ̀ sùà nààŋ è yaà sìnga niŋ ke sàwà sùà lɛ̀, kɛɛ wo Jinàaŋ do nàŋ nyɛ̀nɛ̀ŋ eiŋ niŋ nyɛ̀nɛ̀ŋ e ɗewe kii jɛi sùà.

1 Kɔliìŋ 15:3

E nɛ̀ɛŋ naim sɛ̀ɛ̀ sìwè lɛ mìŋ naiŋ niŋ woò, e yèɛ yaà e keì kɛnɛ gbeeɛ̀ lɛ kɛ̀ wo Jisɛ̀ Kulaì naŋ fɔ̀ wèè maŋ jùumù wi màŋ, màànààŋ è yaà sìngaiŋ wɔŋ fɛ̀ì Dayàa sùà lɛ,

2 Kɔliìŋ 6:17

E wèètii wo Kanaà wààŋ, “Sɔɔ̀ naŋ nyiŋ dangè yèè ɓɔ̀ nìŋ nɔ̀ŋ nyiŋ è fèemàŋ. Ɓɔ̀ nìŋ kuwìè è nɛ̀ŋ bà gbiŋ wèè naŋ nyìnìàŋ è nɛ̀ŋ gò zɛ̀nɛ̀ŋ, kɛ̀ mìŋ doiŋ nàŋ jàà kùàŋ dìì.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

Ɛfesɔ̀ 5:9

E gbolòùŋ nɛ è tɔɔ̀ maŋ nɛ̀ŋ siaŋ e yìwìà maŋ nɛ̀ŋ siaŋ kà tinàŋ gbiŋ sùà, e tɔ̀ɔ̀nyaàŋ, yèè e keì sìàŋ.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Kòlo 2:14

Wo Dayà naŋ sɛ̀ɛ̀sɛ̀ɛ̀ wɔŋ fɛ̀ì maŋ kpàŋ wi màŋ naŋ wi sɔ̀ dèè e nyaàiŋ dè maŋ keì naanààŋ wi màŋ gbiŋ diɛŋ, yèè wò naŋ miŋ kpùùnyɛ̀ŋ wɔŋ vànèkpaaà diɛŋ.

Kòlo 2:20

Nyɛ̀iŋ yèè wo Jisɛ̀ Kulaì naŋ wa fɔ̀ɔ̀yɛ̀ koɓɛ̀ guùŋ, yèè wò naiŋ bilɛ̀ŋ e yìwìà e gààŋ wo ɓɛ̀màŋɗì aŋ jìnàŋ ɗuunyaàŋ. Wèè kiìŋ naàŋ nìŋ yaà maŋ nyiiŋ gèe sùà e teenè mààŋ nìŋ yaà wèè e ɗuunyaŋ lɛɛ̀? Wèè kiìŋ nìŋ jɔɔlɔ̀ maŋ langi mààŋ mɛɛ̀ŋ dìì?

Kòlo 3:3

Nìŋ naŋ wa fɔ̀, kɛɛ wɔŋ nyiiŋ gèiŋ nɔɔ̀ŋ kòò wɔ̀ŋ yaà ko nyɛɛnɛŋ wo Jisɛ̀ Kulaì ko sùà koɓɛ̀ Dayài.

Hiɓu 10:10

Nààŋ wo Jisɛ̀ Kulaì naŋ nyɛ̀nɛ̀ŋ e yèɛ wo Dayà manaŋ wa wo nyɛ̀nɛ̀ŋ lɛ̀, yàwi nààŋ gbiŋ naiŋ nɔ̀ŋ anyùùŋ nɛɛmaŋ e yìwìà maŋ jùumù wi màŋ sùà, e teengaà wò naŋ gììyè ke kpùnauŋ nɛɛ̀ŋ saaà e sùà guùŋ kpò wèè anyùùŋ nyaŋ gbiŋ lɛ̀.

Hiɓu 10:5

Weètii, nààŋ e teengaà naŋ wa gbɛ̀ɛ̀ wèè wo Jisɛ̀ Kulaì wo hnàŋ e ɗuunyaàŋ, wò naŋ wa wòò wo Dayà wààŋ, “Muŋ manàŋ wèè ànyùùŋ aŋ gè màŋ saaà ɔ̀ɔ̀ aum kìɛ̀ŋ mànɛ̀ŋ kìɛŋ, kɛɛ mùŋ naim nyɛ̀nɛ̀ŋ ka kɛ̀ɛ̀nɛ̀ŋ ke kpùnàŋ nyuùŋkpùuŋ.

Hiɓu 7:26

Wo Jisɛ̀ nàŋ yaà wo Kànà Sìèfèìŋ Zòòlo Gbee wiɔ̀ wo yèɔ kiɛ̀ŋ wì e nɛ̀ɛŋ gbiŋ è naiŋ kpɛɛ̀ŋ weè niŋ lɛ. Wò yaà wo nyùùŋ nɛɛmaŋ. Wo kuwà è tɔ̀mɛ yèè màŋ jùumù. Wo Dayà nauŋ wa jàà ɓùla è gbà e yìwìà anyùùŋ jùumù nyàŋ fèemàŋ, yèè wò nauŋ joowò wouŋ nyɛ̀nɛ̀ŋ wo ɓɛ̀màŋɗì manɛ̀ŋ maŋ gbiŋ diɛŋ ko àìjɛnɛ̀ŋ.

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

Jìiiŋ 5:16

Weètii, wòoìŋ maŋ jùumùiŋ màŋ nyɛ̀iŋ bi e fèemàŋ e kìlà niŋ zoolò wèè aŋ dàwiiŋ nyàŋ, wèè niŋ jòèyà. E zòòloɛ̀ nyùùŋ tɔ̀ɔ̀nyaàaŋ kuwa lɛ̀, e gaàŋ gbee yààìŋ sùà yèè è tomàŋ.

1Jɔ̀ɔŋ 2:29

Nàŋ nyìmàŋ kɛ̀ wo Jisɛ̀ Kulaì yaà wo nyùùŋ tɔ̀ɔ̀nyaàŋ. Kpeiŋ nìŋ kuwa naŋ nyìmàŋ kɛ̀, wo nyùnɔ̀ɔ̀ŋ gbiŋ naŋ nyɛ̀nɛ̀ŋ e yèɛ yaà e tɔ̀ɔ̀nyaàŋ lɛ wò yaà jɔ̀à Dayà.

1Jɔ̀ɔŋ 3:7

Nyɛ̀iŋ nààŋ jɔ̀àim nyàŋ, ɓɔ̀ nìŋ dangè wò nyùùŋ gbiŋ doiŋ zuwò. Wo nyùnɔ̀ɔŋ gbiŋ naŋ nyɛ̀nɛ̀ŋ tɛ̀ɛ̀ wɔ wò yaà wo nyùùŋ tɔ̀ɔ̀nyaàŋ, màànààŋ wo Jisɛ̀ yaà e tɔ̀ɔ̀nyaàŋ lɛ.

Maŋ kèì nyɛɛnɛŋ 22:2

yèè è deeyà ke dòmaŋ gbeeɛ̀ hawa wa ko jawaà tɛɛì lɛ. Maŋ fàà tìyèe màŋ e wùìyèɛ ɓula, ke kùù zìì gunɛ̀ɛŋ kiɛ̀ŋ wɔŋ nyiiŋ gèeɔ̀ lɛ siao wa, e kìlà kè hewa kòmàŋ e sùà guùŋ wɔŋ wàà gbiŋ, yèè e sùà zììyà jɛ̀wɛ̀ tìyèe wɔŋ doaà sùà. Anyùùŋ nyaŋ maŋ fuɔŋ màŋ sùà hewa tòòmò maŋ tùwa nyiŋ màŋ wèè aŋ sùngà manɛ̀ŋjèla yèè maŋ sàaŋ joo bà.