1Pììlɛ 2:21 - WƆŊ FƐ̀Ì EBÒ SÌÀŊ DAYÀA

²¹ Wèè tɛɛ̀ wo Dayà naiŋ nyààŋ, wo Jisɛ̀ Kulaì wuŋ bi naŋ mɔɔnɛ̀ŋ weèiŋ yèè wò naŋ jòò e tɔ̀ɔ̀màŋseì, e wèè naŋ dè e gòlò feeuŋ nɛ̀ maŋjɛ̀wɛ.

1Pììlɛ 2:21 ပူးပေါင်းရင်းမြစ်များ

Maafiù 10:38

Sèè nìŋ go ɓèmè wɔŋ vànèkpaaiŋ nɔɔ̀ŋ yèè naŋ dè kè kpèè miɛ̀ŋ màŋjɛ̀wɛ, kɛ̀ niŋ fè tɛ̀ɛ̀ wèè naŋ nɔ̀ŋ anyùùŋ màŋjɛ̀wɛ̀im.

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Maafiù 16:24

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo ɓèmè wɔŋ vànèkpaauŋ nɔɔ̀ŋ, yèè woim dè maŋjɛ̀wɛ.

Luù 24:26

Niŋ nyimààŋ kɛ̀ wò Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, kuwa wa wo kùwà è keì nyìnga paŋgàà wo wa nɔ̀ŋ jòòwouŋ?”

Jɔ̀ɔŋ 13:15

Kàiŋ tɔ̀ɔ̀ e tɔ̀ɔ̀màŋseìɛ, nìŋ kuwa naŋ nyɛ̀nɛ̀ŋ e kèì guùŋ nɛ màànààŋ nɔŋ mìŋ naŋ niŋ nyɛ̀nɛ̀ŋ lɛ nyɛ̀iŋ bi e fèemàŋ.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Nyɛ̀nɛ̀ŋ 17:3

wèè wo nyiŋ tɔɔ̀ kɛ̀ wo Kulaìɔ wo Dayà naŋ wa tàeɗùù wèè wo jòèyè e ɗuunyaàŋ wɔ kuwa wa wo kà e nimilà dìì yèè wo fà, e kìlà wo yèwà e fàa dìì wɔŋ nyiiŋ gèeo sùà. Wo Pɔɔ̀ naŋ nyiŋ woò wààŋ, “Wo Jisɛ̀ wɛɛ̀ mìŋ yààìŋ yaà wòò e kiiuŋ wɔ̀ nàŋ yaà wo Kulaìɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ.”

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

Luùm 8:29

Anyùùŋ nyaŋ wo Dayà naŋ tàeɗùù nyaŋ, nyiŋ wò naŋ ɗewè yèè wò naŋ jàà e ɓula wèè aŋ nɔ̀ŋ mààŋ wo Jɔ̀àfelaauŋ nɔɔ̀ŋ, wèè kɛ̀ wo Jɔ̀àfelaauŋ nɔɔ̀ŋ wo nɔ̀ŋ wo nyuùŋ jiɛ̀jiɛ̀ɔ anyuùŋ hààwe zimgbe tɛɛ.

1 Kɔliìŋ 11:1

Kpeiŋ kɛ̀ fɔ̀ɔ̀nɔŋ e tɔ̀ɔ̀màŋseìim mɛ̀, màànààŋ mìŋ fɔɔnɔ̀ŋ e tɔ̀ɔ̀màŋsèì Jisɛ̀ Kulaì lɛ.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Fèle 2:5

Kɛ̀ɛ̀nɛìŋ è gòngò guùŋ nɛ wo Jisɛ̀ Kulaì kuwa lɛ̀.

1Tɛsè 3:3

e wèè kɛ̀ nyɛ̀iŋ nɛɛ̀ŋ bà gbiŋ go nàŋ kɛ̀ɛ̀ màŋjɛ̀wɛ èsàɓù màŋ mɔ̀ɔ̀nɛŋ mɛɛ̀ŋ sùà. Nyɛ̀iŋ bì nàŋ nyìmàŋ kɛ̀ maŋ mɔ̀ɔ̀nɛŋ mààŋ mɛɛ̀ŋ màŋ yaà maŋ kèè jìì Dayà maŋ bà weè wi.

1Tɛsè 4:2

Nàŋ nyìmàŋ manɛ̀ŋ nyɛ̀nɛŋ màŋ è naiŋ fè wèè naŋ nyɛ̀nɛ̀ŋ e yìwìà e gààŋ Kanaà Jisɛ̀ɛ sùà lɛ.

2Time 3:12

Wo nyùnɔ̀ɔŋ gbiŋ manaŋ wèè wo nɔ̀ŋ wo nyùùŋ tɔ̀ɔ̀nyaàŋ yèè wo bàuŋbà wo Jisɛ̀ Kulaì sùà wɔ, wò do nàŋ kùwò e nìmìlà e yìwìà anyuùŋ joo sìwè.

Hiɓu 2:10

Wo Dayà nàŋ kanaŋ manɛ̀ŋ bàne màŋ gbiŋ, yèè e gaàuŋ nɛ̀ sùà wò naŋ wa bànè manɛ̀ŋ maŋ gbiŋ. Yèè è yaà wa e kèì tɔ̀ɔ̀nyaàŋ wo Dayà naŋ wa nyɛ̀nɛ̀ŋ, e teengaà wò naŋ nyɛ̀nɛ̀ŋ wo Jisɛ̀ naŋ nɔ̀ŋ wo nyuùŋ tùlìà jii dìà sùà nààŋ wò naŋ wa kɔ̀ e keì nyìnga dìì, wèè wo nyɛ̀nɛ̀ŋ aŋ jɔ̀à Dayà nyaŋ zimgbe nyiŋ aŋ nɔ̀ŋ jòèye nyiŋ, yèè aŋ nɔ̀ŋ aŋ bà nyiŋ bà wèè e jòòwò Dayàa.

1Pììlɛ 1:20

Wo Dayà nauŋ wa tàeɗùù paŋgàà wò naŋ tɔ̀ɔ̀tù e ɗuunyaàŋ bàne, yèè wò naŋ dàànè ebòuŋ maŋ ɗɔɔ dìàmaŋ mɛɛ̀ŋ sùà, esaɓùiŋ nɛ̀ sùà.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Pììlɛ 3:9

Ɓɔ̀ nìŋ giiyà è kpàŋ keì naanààŋ è keì naanààŋ ɔ̀ɔ̀ è kpàŋ gbòòno è gbòòno. Gììyaìŋ niŋ e zòòlo sùà esaɓù kɛ̀ e zòòlo nàŋ yaà e nɛ̀ɛŋ wo Dayà naŋ ɓèmè e ɗààhiì wèè woiŋ kiɛ̀ŋ nààŋ wò naiŋ nyààŋ.

1Pììlɛ 4:1

Wo Jisɛ̀ Kulaì naŋ mɔɔnɛ̀ŋ maŋ kèìŋ maŋ sùà. Weètii sɔɔ̀ nyɛ̀iŋ pɛɛ naŋ banebànè wèè naŋ mɔɔnɛ̀ŋ màànààŋ wò naŋ nyɛ̀nɛ̀ŋ lɛ, e fèfoo e mɔ̀ɔ̀nɛŋ tɔɔ̀ kɛ̀ nàŋ hɔ̀ànè maŋ jùumù nyɛ̀nɛŋ.

1Pììlɛ 4:13

Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.

1Jɔ̀ɔŋ 2:6

Wo nyùnɔ̀ɔŋ gbiŋ naŋ woò wààŋ wò naŋ hààwè wo Dayà wɔ, wò kuwa wo dè e tɔ̀ɔ̀màŋsèì ke kpèè Jisɛ̀ Kulaìɛ maŋjɛ̀wɛ.

1Jɔ̀ɔŋ 3:16

E ɗeweɛ̀ wo Jisɛ̀ Kulaì naŋ wa fɔ̀ lɛ naŋ wi tɔɔ̀ kɛ̀ kiìŋ nàŋ yaà e mànaŋ. Wo Kulaì naŋ wa hèè wɔŋ nyiiuŋ nɔɔ̀ŋ dìì e weè wi, yèè sɔɔ̀ eiŋ hàà maŋ nyiiŋ wi màŋ dìì wèè àŋ wùìya wi nyàŋ.

Maŋ kèì nyɛɛnɛŋ 12:11

Aŋ wùìya wi nyàŋ naŋ ɓùlò wo Sɛ̀tanàŋ, esàɓù maŋ sɛ̀ìŋ wo Ɓaawaaà, yèè esàɓù ke mìè seìɛ àŋ naŋ kiɛ̀ŋ lɛ. È yaà wa e kèì jii nyiŋ wèè aŋ kìɛ̀ŋ maŋ nyiiŋ nyiŋ màŋ e kìlà aŋ fà wèè e tɔ̀ɔ̀nyaàŋ.