1Pììlɛ 2:19 - WƆŊ FƐ̀Ì EBÒ SÌÀŊ DAYÀA

¹⁹ Wo Dayà doiŋ nàŋ gbìɛ̀ŋ e keì sìàŋ maŋjɛ̀wɛ wèè tɛɛ̀, sèè naŋ kɔ̀ɛ̀ e jèlà keì nyìngà kàaɓì dìì, esaɓù kɛ̀ e gòngoiŋ nɛ̀ è yaà koɓɛ̀ Dayài.

1Pììlɛ 2:19 ပူးပေါင်းရင်းမြစ်များ

Luù 6:32

Sèè nìŋ mɔnɔŋ nɔŋ anyùùŋ nyaŋ mànàìŋ nyaŋ, nìŋ gongà kɛ̀ wo Dayà doiŋ nàŋ tɛnɛ̀ŋ wèètii nìŋ naŋ yɛi nyɛ̀nɛ̀ŋ le? Anyùùŋ maŋ jùumù nyaŋ pɛɛ manaŋ anyùùŋ nyaŋ mànàŋ nyiìŋ nyaŋ.

Jɔ̀ɔŋ 15:21

Anyùùŋ doiŋ nàŋ nyìnìè e kèì guùŋ nɛ àŋ naim nyiniè lɛ. Àŋ doiŋ niŋ nàŋ nyiniè esaɓù kɛ̀ nìŋ yaà aŋ bàimbà, e fèfoo aŋ nyimààŋ kɛ̀ ɓòò naim tùɔ̀ŋ.

Nyɛ̀nɛ̀ŋ 11:23

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà.

Luùm 13:5

Wèè esaɓù lɛɛ̀, mùŋ kuwa maŋ jɔ̀ɔ̀lɔ̀ aŋ kana nyaŋ dìì, esaɓù kɛ̀ tɛɛ̀ nàŋ yaà e tɔ̀ɔ̀nyaàaŋ mùŋ kuwa maŋ nyɛ̀nɛ̀ŋ lɛ e yìwìà e gòngo mɔ̀ɛ̀ sùà, yèè e fè nɔŋ wèè wò Dayà woum kìɛ̀ŋ è keì nyìnga.

1 Kɔliìŋ 15:10

Kɛ̀ɛ̀ esàɓù e kèì sìàŋ Dayàa sùà, mìŋ yaà naàŋ wo nyùnɔ̀ɔŋ mìŋ yaà wɔ, yèè e kìɛɛ̀ŋ wò naim kiɛ̀ŋ lɛ e gò nɔ̀ŋ wèè foo. Wɔŋ fàa bàa, mìŋ naŋ tomo nyìnga e nìàŋ aŋ keela tàeɗùù gbànaŋ nyàŋ bà gbiŋ, jòòpɛɛ e gò guùŋ nɔ̀ŋ kè nyɛ̀nɛ̀ŋ miàŋ bi sùà, sɔɔ̀ e kìɛ̀ŋ Dayàa yèɛ yààìm maŋjɛ̀wɛ lɛ̀.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 8:1

Wùìya wi nyàŋ, è manaŋ wèè naŋ nyìmàŋ e nɛ̀ɛŋ e tɛ̀ɛ̀tɛ̀ɛ̀ Dayà naŋ nyɛ̀nɛ̀ŋ è naŋ hɛɛnɛ̀ŋ maŋ gbòò anyuùŋ hààwe nyàŋ sùà ko Mɛ̀sèdonià lɛ.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

Hiɓu 10:2

Anyùùŋ nyaŋ zoolà Dayà nyaŋ, sèè aŋ weè nɔ̀ŋ zɛ̀nɛŋ nyiŋ e yìwìà maŋ jùumù nyiŋ màŋ sùà, aŋ naàŋ weè ɓɛìŋ kɛ̀ɛ̀nɛ̀ŋ gòngo kɛ̀ è keì naŋ nyiŋ jeè èsàɓù màŋ jùumù maŋ àŋ naŋ nyɛ̀nɛ̀ŋ maŋ, anyùùŋ naàŋ weè ɓɛìŋ kìɛ̀ŋ mànɛ̀ŋ saaà.

1Pììlɛ 2:20

Kiìŋ nàŋ yaà ke sɛ̀ gèeɛ̀, sèè nìŋ kuwo e ɓùla wèè maŋ kèì jùumù maŋ nìŋ naŋ nyɛ̀nɛ̀ŋ maŋ? Kɛɛ sèè naŋ tuwò tɛ̀ɛ̀, naŋ kùwà e keì nyìnga wèè e tɛ̀ɛ̀tɛ̀ɛ̀ɛ nìŋ naŋ nyɛ̀nɛ̀ŋ lɛ, wo Dayà doiŋ nàŋ fè keì sìàŋ weè niŋ.

1Pììlɛ 4:15

Sèè nìŋ nɔ̀ŋ kɔ̀ɔ̀yɛ̀ keì nyìnga dìì, ɓɔ̀ è nɔ̀ŋ èsàɓù nyuùŋ jìwa sùà ɔ̀ɔ̀ è wùa ɔ̀ɔ̀ è kààkàà gbài ɔ̀ɔ̀ è woya sùà.