1Pììlɛ 2:17 - WƆŊ FƐ̀Ì EBÒ SÌÀŊ DAYÀA

¹⁷ Kùwiè e ɓɛ̀ɛ̀jàa wèè nyùùŋ gbiŋ, mànaìŋ ke gbòò aŋ wùìya nyàŋ, niŋ dùàŋ Dayà yèè niŋ kiɛ̀ŋ wo Kànà Gbèè fuɔɔ̀ŋ e ɓɛ̀ɛ̀jàa.

1Pììlɛ 2:17 ပူးပေါင်းရင်းမြစ်များ

Maafiù 22:21

Aŋ naŋ fasàì nyààŋ, “Wo Kanaà Siisɔ̀.” Kpeiŋ wo Jisɛ̀ naŋ nyiŋ woò wààŋ, “Kìɛ̀ŋ koɓɛ̀ wo Kanaà Siisɔ̀ e nɛ̀ɛŋ wò kanaŋ lɛ̀, yèè muŋ kiɛ̀ŋ wo Dayà e nɛ̀ɛŋ wò kanaŋ lɛ̀.”

Jɔ̀ɔŋ 13:35

Sèè nìŋ mɔnɔŋ aŋ dàwiiŋ nyàŋ nyɛ̀iŋ bi e fèemàŋ, anyùùŋ nyaŋ gbiŋ do nàŋ nyìmè kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ.”

Luùm 12:10

Mànaìŋ aŋ dàwi tɛ̀ɛ̀ mààŋ aŋ wùìyà ke kpòò guùŋ. Yèè nɔ̀iŋ e wùànàŋ sùà wèè niŋ tɔɔ̀ e ɓɛ̀ɛ̀jàa koɓɛ̀ aŋ dàwiiŋ nyàŋ.

Luùm 13:7

Kpeiŋ, kìɛìŋ manɛ̀ŋ maŋ gbiŋ nìŋ kuwa e kpàŋ wèè naŋ kiɛ̀ŋ maŋ. Kìɛìŋ e nɛ̀ɛ̀nɛ̀ŋ fuɔŋ wèè manɛ̀ŋ kɛ̀ɛ̀nɛiŋ màŋ yaà manɛ̀ŋ bòliiŋ màŋ ko nɛ̀ɛ̀ŋ nyiŋ niìŋ. Jɔ̀ɔ̀lɔìŋ e kìlà niŋ kiɛ̀ŋ e ɓɛ̀ɛ̀jàa gbee koɓɛ̀ aŋ kana nyàŋ gbiŋ.

2 Kɔliìŋ 7:1

Nyɛ̀iŋ nààŋ wùìya wi nyàŋ, wo Dayà ɓèmè maŋ ɗààhiì mɛɛ̀ŋ gbiŋ ko nɛ̀ɛ̀ŋ wiì, e wèètii, gùà wiìŋ yàwi bi sengei e gèiŋ maŋ tɔ̀mɛ màŋ gbiŋ yaà maŋ keìŋ wi màŋ sùà yèè aŋ jinàŋ wi nyàŋ sùà lɛ, e nɔ̀iŋ e nɛɛmaŋ sùà kpɛlɛmɛɛŋ esàɓù e jùùɛ yaà wì kɔɔ wèè Dayà lɛ.

Ɛfesɔ̀ 5:21

Jɔ̀ɔ̀lɔìŋ aŋ dàwiiŋ nyàŋ dìì esàɓù e dùàŋ Jisɛ̀ Kulaìɛ sùà.

Fèle 2:3

Ɓɔ̀ nìŋ gè lè koo ɔ̀ɔ̀ naŋ ɓèmè nyɛ̀iŋ bi gbee. Dèèyeìŋ nyɛ̀iŋ bi yèè niŋ ɓemè aŋ wùìyaiŋ nyàŋ aŋ nɔ̀ŋ anyùùŋ sɛmɛmaŋ e nìàŋ nyɛ̀iŋ bi.

1Time 6:1

Aŋ yè nyaŋ yaà dìkia nyiŋ e ɗo dìì nyaŋ, aŋ dɛɛkɛ̀ aŋ kana nyiŋ nyàŋ e ɓɛ̀ɛ̀jàa ɗewe gbiŋ sùà, e wèè wo nyùùŋ bà go nàŋ wòò e keì naanààŋ è dèè Dayàa diɛŋ yaà e kàa kii wilɛ̀.

Hiɓu 13:1

Kɛ̀ɛ̀nɛìŋ e mànaŋ wèè aŋ dàwi, màànààŋ anyùùŋ màŋjɛ̀wɛ̀ Kanaà Jisɛ̀ kuwa aŋ nyɛ̀nɛ̀ŋ lɛ.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Pììlɛ 2:13

Esàɓù Kànà è gunɔ̀ɔŋ sùà, jɔ̀ɔ̀lɔìŋ e kànà kɛ̀ɛ̀ nyuùŋkpùuŋ gbiŋ dìì. Wo kanaà kuwa e gaàŋ gbeeɛ̀ wɔ,

1Pììlɛ 5:5

E ɗèwè guùŋ bi sùà nyɛ̀iŋ nààŋ nyuùŋ bɔwɔ nyàŋ sɔɔ̀ naŋ jɔ̀ɔ̀lɔ̀ àŋ màmàŋkùmɛŋ nyaŋ dìì. Nyɛ̀iŋ nààŋ gbiŋ, wo nyùùŋ gbiŋ ɓɔ̀ wò ɓemè wuŋ bi gbee. Màànààŋ wɔŋ fɛ̀ì Dayàa naŋ woò wààŋ, “Wo Dayà giiyà wo nyùnɔ̀ɔŋ ɓemàŋ wuŋ bi gbee wɔ̀ maŋhɛɛ, kɛɛ wò kiɛ̀ŋ wo nyùnɔ̀ɔŋ fè ɓèmè wuŋ bi gbeeɔ̀ e keì sìàŋ.”