1Pììlɛ 2:16 - WƆŊ FƐ̀Ì EBÒ SÌÀŊ DAYÀA

¹⁶ Niŋ fè è ɗo dìì, kɛɛ e ɗewe gbiŋ sùà, ɓɔ̀ nìŋ ɓemè naàŋ è ɗo gò nɔ̀ŋ dìì bi wèè naŋ niŋ toomò naŋ ɓùwà màŋ keì naanààŋ, kɛɛ nɔ̀iŋ mààŋ aŋ ɗò Dayà.

1Pììlɛ 2:16 ပူးပေါင်းရင်းမြစ်များ

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Jɔ̀ɔŋ 15:22

Sèè mìŋ go wa weè hnàŋ wèè ka gbòà ko nɛ̀ɛ̀ŋ nyiŋ niìŋ, e keì naàŋ nyiŋ weè jeèè wèè màŋ jùumù nyiŋ màŋ. Kɛɛ aŋ kuwà ɓɛìŋ kè kàfaì wèè màŋ jùumù nyiŋ màŋ.

Luùm 6:18

Wo Dayà naiŋ wa gè e gààŋ jùumù dìì yèè nìŋ naŋ kìlè aŋ ɗò tɔ̀ɔ̀nyaàŋ koɓɛ̀ Dayài.

Luùm 6:22

Niŋ fè ɓɛìŋ è gààŋ màŋ jùumù dìì, nàŋ naàŋ kìlà aŋ ɗo koɓɛ̀ Dayài. E nàfaiŋ nɛ̀ nàŋ yaà wɔŋ nyììŋ gè nɛɛmaŋ ko nɛ̀ɛ̀uŋ niìŋ, yèè e jìwààjɛ̀wɛ̀ɛ nàŋ yaà wɔŋ nyiiŋ gèe gò jùà.

1 Kɔliìŋ 7:22

Wo ɗoɔ̀ wo Kanaà naŋ nyààŋ wɔ, wò yaà wo nyuùŋ gè nyààŋ diɛŋ wèè Kanaà, e ɗèwè guùŋ bi sùà, wo nyùnɔ̀ɔŋ àŋ naŋ gè nyààŋ diɛŋ wèè wo ka, yèè wo Jisɛ̀ Kulaì naum nyààŋ wɔ wò yaà wo ɗo wèè Jisɛ̀ Kulaì.

Gàla 5:1

Wo Jisɛ̀ Kulaì naŋ wi gèe e ɗo dìì! Tɛɛ̀ naŋ tɔɔ̀ kɛ̀, èiŋ kaì fòlà e ɗo dìì. Nààŋ wo Jisɛ̀ Kulaì naŋ wi bilɛ̀ŋ e yìwìà e ɗo dìì lɛ, jàà wiìŋ e bìlɛŋ bi kùàŋ dìì, yèè ɓɔ̀ è nɔ̀iŋ ɓɛìŋ è dìkia kè Sàwà àŋ ɗo dìì.

Gàla 5:13

Wùìyaim nyaŋ, àŋ naiŋ wa tàeɗùù wèè naŋ nɔ̀ŋ e bìlɛiŋ e yìwìà e ɗo dìì. Ɓɔ̀ nìŋ toomò è bìlɛiŋ bi e nɔ̀ŋ kè kàfaì wèè naŋ nyɛ̀nɛ̀ŋ è yèɛ nìŋ manaŋ lɛ̀. Tòòmoìŋ niŋ e nɔ̀ŋ keì sìàŋ maŋ kpùnaiŋ màŋ sùà wèè naŋ kìɛ̀ŋ aŋ dàwi e mànaŋ.

Ɛfesɔ̀ 6:6

Nyɛ̀nɛìŋ tɛɛ̀ e teenga gbiŋ sùà wèè e fɔɔyɛ̀ nyiŋ jii, ɓɔ̀ è nɔ̀ŋ nɔŋ sèè àŋ nɔ̀ìŋ yɛɛmɛ. Nìŋ yaà aŋ ɗò Jisɛ̀ Kulaì, e wèètii, e nɛ̀ɛŋ gbiŋ wo Dayà manaŋ wèè naŋ nyɛ̀nɛ̀ŋ lɛ, nyìniaìŋ niŋ ke jiiiŋ nɛɛ̀ŋ gbiŋ.

Kòlo 3:24

Jàaìŋ jii kɛ̀ wo Kanaà Jisɛ̀ Kulaì doiŋ nàŋ kiɛ̀ŋ wèè e nɔ̀ŋ e jìwààjɛ̀wɛ̀ e yìwìà e yèɛ wò naŋ bànè hàa wèè anyunùuŋ nyàŋ lɛ sùà. Wo Jisɛ̀ nàŋ yaà wo Kɛ̀ɛ̀nɛŋ kɛnɛɔ̀ nìŋ jɔɔlɔ̀ dìì wɔ.

1Tɛsè 2:5

Nàŋ nyìmàŋ fo kɛ̀ maŋ mìè gbòà nyuùŋ tɛ̀nɛŋ nààŋ e gò hìàŋ kò nɛ̀ɛ̀ŋ niìŋ, ɔ̀ɔ̀ eiŋ tòòmò màŋ mìè wèè eiŋ nyɛ̀ɛ̀nɛ̀ŋ è kèò nyààŋ nyɛ̀nɛŋ, wo Dayà nàŋ yaà wo seì wiɔ̀!

Jìiiŋ 1:25

Kɛɛ wo nyùnɔ̀ɔŋ naŋ kpɛ̀nɛ̀ŋ ke miè gbìaŋ yɛɛ̀ tɛ̀ɛ̀ wɔ, yèè wo jèè nyìnìè e nɛ̀ɛŋ kè naŋ woò lɛ, wo Dayà do nàŋ kpùùmò wo nyùùŋ mààŋ wii. Yèè ke miè gbìaŋ yii nàŋ yaà, ke sàwà jìlɛɛ̀ŋ joeyà anyùùŋ lɛ.

Jìiiŋ 2:12

Weètii wòò, yèè muŋ nyɛ̀nɛ̀ŋ maŋ keì mààŋ anyùùŋ nyaŋ naŋ nyìmè kɛ̀ wo Dayà do nyiŋ nàŋ gbààì ke sàwàa do nyiŋ nàŋ gè keì sùà lɛ.

2Pììlɛ 2:19

Àŋ naŋ ɓèmè ɗààhiì kɛ̀ àŋ do nyiŋ nàŋ gè e ɗo dìì, e yèɛ nyiŋ bi àŋ yaà aŋ ɗo koɓɛ̀ e tàitài lɛ̀, è nɛ̀ŋ gbiŋ naŋ kùwìè e gààŋ wo nyùùŋ diɛŋ wò yaà wo ɗo koɓɛ̀ e nɛ̀ŋ bi.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.