1Pììlɛ 2:15 - WƆŊ FƐ̀Ì EBÒ SÌÀŊ DAYÀA

¹⁵ Wo Dayà manaŋ wèè maŋ kpèè siaŋ sìàiŋ màŋ nɔ̀ŋ esaɓù wèè anyùùŋ ɓàaɓàa gò nyìmàŋ keì fèemàŋ nyɛɛ̀ŋ aŋ hɔ̀ànè gbòa.

1Pììlɛ 2:15 ပူးပေါင်းရင်းမြစ်များ

Maafiù 25:2

Àŋ nɔɔnɔŋ yaà wa anyùùŋ ɓàaɓàa, yèè àŋ nɔɔnɔŋ kuwa wa jiikɛ̀ɛ.

Maafiù 7:26

“Kɛɛ wo nyùnɔ̀ɔŋ gbiŋ naŋ kòmò maŋ miè gbìaim mɛɛ̀ŋ yèè wò naŋ gè maŋhɛɛ wèè wo miŋ jɔ̀ɔ̀lɔ̀ dìì wɔ, wò yaà mààŋ wo nyuùŋ gò kɛ̀ɛ̀nɛ̀ŋ jiikɛ̀ɛɔ̀ wò yèɔ naŋ nyɛ̀lɛ̀ ke saauŋ nɛɛ̀ŋ e heiyɛɛ̀ sùà wɔ.

Luùm 1:21

Àŋ nyìmàŋ wo Dayà, kɛɛ aŋ fòuŋ kìɛ̀ŋ è ɓɛ̀ɛ̀jàa ɔ̀ɔ̀ auŋ gè sɛ̀. Maŋ gòngo nyiŋ màŋ yaà wèè foo, yèè maŋ jiikɛ̀ɛ gò kɛɛnɛ̀ŋ nyiŋ màŋ naŋ nyɛ̀nɛ̀ŋ àŋ nɔ̀ŋ ke nyìwì sùà.

Gàla 3:1

Nyɛ̀iŋ nààŋ nyùùŋ Gàlatìà ɓàaɓàa nyɛɛ̀ŋ! Ɓòò naiŋ gbìɛ̀ŋ e nɛ̀ŋ dàà nyùùŋ? Nyɛ̀iŋ bi ko fɛ̀ɛ̀fèìŋ mìŋ naiŋ wòò e ɗeweɛ̀ àŋ naŋ wa jìwìè wo Jisɛ̀ Kulaì wɔŋ vànèkpaa diɛŋ lɛ̀!

1Tɛsè 4:3

Wo Dayà manaŋ wèè naŋ nɔ̀ŋ e nɛɛmaŋ sùà, e kìlà e kèì nàànààŋ hmɔŋtu nyɛ̀nɛŋ gbiŋ ɓɔ̀ è gbɛ̀ɛ̀iŋ kɔɔ.

1Tɛsè 5:18

Gèeìŋ Dayà sɛ̀ e keì gbiŋ sùà. Tii nàŋ yaà e nɛ̀ɛŋ wò mànàìŋ sìwè wɔŋ nyiiŋ gèeiŋ nɔɔ̀ŋ sùà nààŋ nìŋ yaà aŋ bàiŋbà wo Jisɛ̀ Kulaìɛ sùà lɛ.

1Time 1:13

jòòpɛɛ mìŋ naŋ wa gbòò naanààŋ e nyaàìŋ euŋ dè, yèè mìŋ nauŋ ngainɓù e kìlà kauŋ wòò maŋ mìè ɓɛ̀ɛ̀pɔ̀ɔ. Kɛɛ wo Dayà naŋ wa tɔ̀ɔ̀ ke nyowo esaɓù è hààwe gò kɛɛnɛ̀ŋ mɛ̀, yèè miŋ nyimààŋ wa kɛ̀ kiìŋ mìŋ yaà nyinie.

Taitɔ̀ 2:8

Tòòmoò maŋ mìè gbòa sengèì maŋ yè maŋ wo nyùùŋ gbiŋ fè ɓɛ̀nɛ̀ŋ gè màŋ pɛɗì lɛ, wèè e sàngè kùwà aŋ jooum nyàŋ, esaɓù kɛ̀ aŋ kuwà è keì bà gbiŋ wèè aŋ woò fàà è naanààŋ sùà è weè wi.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.

1Pììlɛ 3:17

È yaà tɛ̀ɛ̀ wèè maŋ kà e keì nyìnga dìì wèè e keì sìàŋ nyɛ̀nɛŋ sèè tii naŋ ɓɛ̀nɛ̀ŋ nɔ̀ŋ e ɗèweɛ̀ wèè Dayà, tii siaŋ e wèè e nɛ̀ɛŋ nyɛ̀nɛ̀ŋ naŋ nyɛ̀nɛ̀ŋ keì naanààŋ lɛ.

1Pììlɛ 4:2

Weètii, wɔŋ nyiiŋ gèe gbànaiŋ nɔɔ̀ŋ maŋ kèìŋ maŋ sùà, fè ɓɛìŋ è gòngò nyuùŋkpùuŋ dìi. Wɔ̀ŋ yaà naàŋ e gààŋ Dayàa dìì.

2Pììlɛ 2:12

Aŋ kààmɔ̀ɔ̀ŋ tòa nyɛɛ̀ŋ yaà mààŋ aŋ yìlì ɓie gò kùwìè jiikɛ̀ɛ. Aŋ fè jàà keì jii. Àŋ kòmò nyiìŋ nɔ̀ŋ wèè anyuùŋ kpùuŋ aŋ nyiŋ jìwà. Àŋ fè maŋ mìè ɓɛ̀ɛ̀pɔ̀ɔ koɓɛ̀ e keì gbiŋ e yèɛ aŋ nyimààŋ keì bà wèè nyaàiŋ dè keì bi lɛ̀. Kɛɛ maŋ kpèè nàànààŋ nyiŋ bi màŋ do nyiŋ nàŋ jìwè.

Juù 1:10

Kɛɛ anyùùŋ nyɛɛ̀ŋ àŋ diɛ̀ŋ e nɛ̀ŋ gbiŋ e yèɛ fè nyiŋ dìkà jiikɛ̀ɛ lɛ̀, e kpùlìà manɛ̀ŋ maŋ àŋ kuwa jiikɛ̀ɛ weè miŋ màŋ, àŋ yaà mààŋ aŋ yìlì, yèè manɛ̀ŋ guùŋ miiŋ nàŋ jìwè nyiìŋ.