1Pììlɛ 2:12 - WƆŊ FƐ̀Ì EBÒ SÌÀŊ DAYÀA

¹² Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 2:12 ပူးပေါင်းရင်းမြစ်များ

Maafiù 10:25

Weètii wo kààjɔa kuwa wo kɛ̀ɛ̀nɛ̀ŋ ke jii fàa wèè wò nɔ̀ŋ mààŋ wo kààmɔɔuŋ nɔɔ̀ŋ, e kìlà wo ɗo wò nɔ̀ŋ mààŋ wo kɛ̀ɛ̀nɛuŋ nɔɔ̀ŋ. Sèè anyùùŋ aŋ nyààŋ wo ɓɛ̀màŋɗì ke kpooɛ̀ wo Bɛɛziɓù, jàaìŋ jii kɛ̀ àŋ doiŋ nàŋ nyììnyɛ̀ŋ maŋ dèè maŋ gòiŋ teenè maŋ.

Maafiù 5:11

“E zɔlɔ̀ e nɔ̀iŋ sèè anyùùŋ aiŋ diɛ̀ŋ, aiŋ tuwò naanààŋ, e kìlà aiŋ jàà maŋ keì ɓòù e ɗì esaɓù kɛ̀ nìŋ yaà anyùùŋ màŋjɛ̀wɛ̀im.

Maafiù 5:16

E ɗèwè guùŋ lɛɛ̀ sùà, tɔ̀ e gbolòùŋ lɛ mùŋ do nàŋ tɔɔ̀ lɛ e nɔ̀ŋ mɛ̀iŋ niŋ mààŋ e gbòlòùŋ laumpòɛ, e mɛ̀ɛ̀ŋ anyùùŋ nyaŋ fɛɛ̀feìŋ wèè kɛ̀ aŋ yɛmɛ̀ e tòmo sìàaŋ mùŋ naŋ nyɛ̀nɛ̀ŋ lɛ, wèè kɛ̀ aŋ kìɛ̀ŋ wo Dèda mɔɔ̀ŋ e ɓɛ̀ɛ̀jàa ko àìjɛnɛ̀ŋ.

Maafiù 9:8

Nààŋ anyùùŋ nyaŋ naŋ wa tɛɛ̀ yɛmɛ̀, e jùù naŋ nyiŋ nyɛ̀nɛ̀ŋ yèè àŋ naŋ tɛ̀nɛ̀ŋ wo Dayà wèè wo kìɛ̀ŋ e gààŋ mààŋ tɛɛ̀ koɓɛ̀ anyuùŋ kpùuŋ.

Luù 1:68

“Tɛ̀nɛ̀ŋ wiìŋ wo Kanaà, wo Dàyà anyùùŋ Ezɔ̀ɛ̀ nyaŋ! Wò hnàŋ wèè wo joeyè anyunùuŋ nyàŋ.

Luù 19:44

Àŋ doum nàŋ nɛɛlɛ̀ ko dììnaŋ yèè aŋ jìwà anyunùum nyàŋ gbiŋ. Ke dùò guùŋ pɛɛ maŋ saaiŋ màŋ ke naàŋ jèè hàwè kè dàwi nyiŋ nɛɛ̀ŋ diɛŋ. Tɛɛ̀ do nàŋ kaaìŋ esaɓù kɛ̀ niŋ gò yɛmɛ̀ kɛ̀ wò Dayà naŋ hnè wèè woiŋ joeyè.”

Luù 6:22

“E zɔlɔ̀ e nɔ̀iŋ sèè anyùùŋ aiŋ wùàŋ, aiŋ gbàŋ, aiŋ diɛ̀ŋ, e kìlà aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, esaɓù kɛ̀ nìŋ yaà anyùùŋ màŋjɛ̀wɛ̀ miàim wo Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 13:31

E teengaà wo Juɗà naŋ kɔ̀ lɛ, wo Jisɛ̀ naŋ woò wààŋ, “Miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwoim, yèè mìŋ do nàŋ hìɛ̀ŋ e jòòwo koɓɛ̀ Dayài.

Nyɛ̀nɛ̀ŋ 15:14

Wo Saamɔ̀ŋ Piilɛ̀ naŋ wi nɔŋ wòò e ɗeweɛ̀ wo Dayà naŋ wa hnè jɛɛ̀ yèè wò naŋ kìɛ̀ŋ e kpùùmaŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tii nyɛ̀nɛ̀ŋ nààŋ wò naŋ wa tà aŋ bà nyiŋ ɗùù wèè aŋ nɔ̀ŋ anyunùuŋ.

Nyɛ̀nɛ̀ŋ 24:13

Aŋ kuwà kè dòmàŋ tɔ̀ɔ̀nyaàŋ gbiŋ janyai wèè màŋ keì mɛɛ̀ŋ àŋ yààìm yaà gbùwà sùà ɗì maŋ.

Nyɛ̀nɛ̀ŋ 25:7

Nààŋ wo Pɔɔ̀ naŋ hnè ko fɛɛ̀feìŋ, aŋ Juùù nyaŋ nao wa kɔ̀ nyaŋ e yìwìà ko Jùlusɛ̀làm naŋ sie yèè àŋ naŋ gbùwò maŋ keì zimgbe wo Pɔɔ̀ ɗì maŋ yè maŋ aŋ fè wa ɓɛ̀nɛ̀ŋ tɔ̀ɔ janyai è tɔ̀ɔ̀nyaàŋ sùà wèè maŋ nɔ̀ŋ kɛ̀ sɔ̀uŋ.

Nyɛ̀nɛ̀ŋ 28:22

Kɛɛ tɔ̀ e nyìmàŋ kɛ̀ kiìŋ nàŋ yaà e gòngo mɔ̀ɛ̀. Èiŋ nyìmàŋ kɛ̀ anyùùŋ maŋ tàta màŋ gbiŋ sùà yaà wòò e kèè ke gbòò yɛɛ̀ mùŋ sùà yaà lɛ naanààŋ.”

Luùm 12:17

Sèè wo nyùùŋ wò jààùm e nànàŋ, ɓɔ̀ mùŋ giiyàuŋ è kpàŋ keì naanààŋ. Kàmè ɗewe wèè muŋ nyɛ̀nɛ̀ŋ e yèɛ anyùùŋ nyaŋ gbiŋ naŋ gongò kɛ̀ è yaà tɛ̀ɛ̀ lɛ.

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

Luùm 14:18

Sèè mùŋ nɔ̀ŋ wo ɓɔìjɔ̀à wèè wo Jisɛ̀ Kulaì e ɗewe lɛɛ̀ sùà, wo Dayà do nàŋ kɛ̀ɛ̀nɛ̀ŋ ke jii fàa weèum, yèè anyuùŋ zimgbe doum nàŋ jàà kùàŋ dìì.

Luùm 15:9

yèè wèè e nyɛ̀nɛ̀ŋ anyùùŋ nyaŋ fè àŋ Juùù nyaŋ aŋ tɛ̀nɛ̀ŋ wo Dayà, wèè ke nyowoɛ̀ wò naŋ nyiŋ wa tɔɔ̀ lɛ. Wɔŋ fɛ̀ì Dayàa naŋ woò wààŋ, “Mìŋ doum nàŋ tɛnɛ̀ŋ anyùùŋ nyaŋ fè àŋ Juùù nyaŋ e fèemàŋ. Mìŋ do nàŋ tɛ̀nɛ̀ŋ e deè mɔ̀ɛ̀.”

1 Kɔliìŋ 14:25

maŋ gòngò gbùnu nyiŋ màŋ jii nyiŋ màŋ sùà do nàŋ fòlò ko ɓài, e kìlà aŋ gbuwo aŋ zoolò kɛ̀, “Tɔɔɓaa wo Dayà kòò wò yaà nyiìŋ e tɛɛ.”

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 13:7

È zoolà Dayà wèè ɓɔ̀ nìŋ nyɛ̀nɛ̀ŋ keì naanààŋ. E fè yɛi zoolò wèè e tɔ̀ɔ̀ yàwi bi kɛ̀ è nyɛ̀nɛ̀ŋ tɛ̀ɛ̀, kɛɛ è yaà wèè naŋ nyɛ̀nɛ̀ŋ e keì tɔ̀ɔ̀nyaàaŋ àŋ jaa kùàŋ dìì lɛ jòòpɛɛ è yaà guùŋ mààŋ èiŋ soòò.

2 Kɔliìŋ 8:21

Esaɓù wilɛ̀ nàŋ yaà wèè eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè e fè nɔ̀ŋ wèè kò fɛ̀ɛ̀fèìŋ Kanaà wuŋ guùŋ, sɔɔ̀ ko fɛ̀ɛ̀fèìŋ nyuùŋkpùuŋ nyàŋ nyiŋ pɛɛ.

Ɛfesɔ̀ 2:3

Tɔɔɓaa tiŋ yàwi nààŋ gbiŋ è yaà wa màànààŋ àŋ yaà wa lɛ̀, yèè è yààìŋ wa maŋ kèì è jìì yàwi bi màŋ maŋjɛ̀wɛ, è yaà ko nyìnìè maŋ keì maŋ gbiŋ maŋ gòngo wi màŋ yaà maŋ kpùnaŋ wi màŋ manaŋ wèè eiŋ nyɛ̀nɛ̀ŋ maŋ. È naiŋ sìè Dayà e wùàŋ, yèè wò yaà weè hinie wèè wo wi ngainɓù mààŋ anyuùŋ gbànaŋ nyàŋ gbiŋ.

Ɛfesɔ̀ 4:22

Àŋ naiŋ woò kɛ̀ maŋ ɗèwè e ɓàaɓàa màŋ nìŋ kuwa màŋ, doiŋ nàŋ pɔ̀ɔ̀pɔ̀ɔ̀ e wèètii gèeìŋ kùàŋ wɔŋ nyiiŋ gèe gɔuiŋ nɔɔ̀ŋ sùà, yàà maŋ kpèè naanààŋ wuŋ màŋ gbiŋ.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Fèle 4:8

Ko diemeì wèè e yèɛ mìŋ yaà hinie ka woò lɛ, nyɛ̀iŋ nààŋ wùìyaim nyàŋ, jàaìŋ maŋ jiiiŋ màŋ maŋ keì mɛɛ̀ŋ maŋjɛ̀wɛ, e nɛ̀ɛŋ yaà e tɔ̀ɔ̀nyaàŋ lɛ, e yèɛ yaà e nɛ̀ŋ tɛ̀nɛŋ lɛ̀, e yèɛ yaà sengei lɛ̀, e yèɛ yaà nɛɛmaŋ lɛ̀, e yèɛ yaà e nɛ̀ŋ siaŋ lɛ̀, e yèɛ yaà e ɓɛ̀ɛ̀jàa lɛ̀, yèè e nɛ̀ɛŋ gbiŋ siaŋ tɛ̀nɛŋ lɛ̀.

1Tɛsè 4:12

Tɛɛ̀ nàŋ nyɛnɛŋ anyùùŋ nyaŋ kuwà è hààwe nyàŋ, aŋ kùwìè e ɓɛ̀ɛ̀jàa weèiŋ yèè e kìlà niŋ fè yɛ̀mɛ̀ wò nyùùŋ gbiŋ fɛ̀ɛ̀ wèè è nɛ̀ɛŋ nìŋ naŋ kpɛɛ̀ŋ weè niŋ lɛ̀.

1Time 2:2

Zòòloìŋ wèè aŋ kana nyàŋ, yèè aŋ yè nyaŋ yaà e gààŋ sùà nyaŋ aŋ nɔ̀ŋ dìì tɔ̀ùŋ, yèè aŋ kuwiè maŋ jii fàa maŋ nyiiŋ gèe nyiŋ màŋ sùà, nààŋ è zoolàìŋ wo Dayà e tɔ̀ɔ̀nyaàaŋ sùà lɛ.

1Time 4:12

Ɓɔ̀ mùŋ dangè wò nyùùŋ gbiŋ doim nììngè fɛ̀ɛ̀ esaɓù kɛ̀, mùŋ yaà wo nyuùŋ bɔwɔ, kɛɛ nɔ̀ŋ e tɔ̀ɔ̀màŋseì wèè anyuùŋ hààwe nyàŋ maŋ mìè gbòàum màŋ sùà, maŋ kpèèum màŋ sùà, e mànaŋ mɔ̀ɛ̀ sùà, e hààwe mɔ̀ɛ̀ sùà, yèè maŋ kpèè siaŋ sùà.

1Time 5:10

yèè wo nɔ̀ŋ wo nyùnɔ̀ɔŋ àŋ gboo tɛ̀ɛ̀ e nyaàiŋ euŋ dè wèè ke kpèè siaŋ wɔ̀. Wo nɔ̀ŋ wo jɔunɔ̀ɔŋ wo yèɔ naŋ gè aŋ jɔ̀àuŋ nyàŋ dìì tɛ̀ɛ̀ wɔ, wo yèɔ naŋ jàà aŋ nyùnèènyɛiŋ kùàŋ dìì ko gboo noo wɔ̀, wo nɔ̀ŋ nyùnɔ̀ɔŋ deeyà wuŋ bi e tòmò nɛɛmaŋ sùà wèè anyuùŋ hààwe joo wɔ̀, wo kpuumàŋ anyùùŋ nyaŋ yaà maŋ keì nyìnga sùà nyaŋ, yèè wò naŋ gbìɛ̀ŋ ke nyɛ̀nɛ̀uŋ nɛɛ̀ŋ gbiŋ e keì sìàŋ nyɛ̀nɛŋ maŋjɛ̀wɛ wɔ̀.

Hiɓu 13:18

Zòòloìŋ weè wi e teenga gbiŋ. Èiŋ hààwè kɛ̀ è kùwàìŋ maŋ jii sengèì, esaɓù kɛ̀ è manaŋ eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ e teenga gbiŋ.

Hiɓu 13:5

Ɓɔ̀ nìŋ nɔ̀ŋ ànyuùŋ mànàŋ nɛɛnɛŋ zimgbe. Kɛ̀ɛ̀nɛìŋ ke jii fàa wèè e yèɛ nìŋ kuwa lɛ̀. Wo Dayà naŋ woò wààŋ, “Miŋ naàum wa nàwèè jòò, e kìlà miŋ naàum wa nàwèè gììyè kɛ̀ɛ.”

Jìiiŋ 3:13

Ɓòò naŋ kɛ̀ɛ̀jii yèè wò jaa e keì jii e tɛɛiŋ? Tɔ̀ɔ̀ niŋ e yìwìà wɔŋ nyiiŋ gèe siaŋ mɔɔ̀ŋ sùà, yèè maŋ kpèè siaum màŋ mùŋ nyinìàŋ e jɔ̀ɔ̀lɔ dìì e yèɛ folo e jiikɛ̀ɛ sùà lɛ.

1Pììlɛ 2:15

Wo Dayà manaŋ wèè maŋ kpèè siaŋ sìàiŋ màŋ nɔ̀ŋ esaɓù wèè anyùùŋ ɓàaɓàa gò nyìmàŋ keì fèemàŋ nyɛɛ̀ŋ aŋ hɔ̀ànè gbòa.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.

2Pììlɛ 3:11

Nààŋ manɛ̀ŋ mɛɛ̀ŋ gbiŋ do nàŋ yɛ̀mɛ̀ e pɔ̀ɔ̀pɔɔ e ɗewe mààŋ tɛɛ̀ sùà lɛ, kiìŋ ànyuùŋ kpùuŋ ziì nìŋ kuwa wèè naŋ nɔ̀ŋ? Maŋ nyiiŋ màŋ nɔ̀ŋ nɛɛmaŋ sùà, yèè niŋ tulìà miŋ wo Dayà.