1Pììlɛ 1:9 - WƆŊ FƐ̀Ì EBÒ SÌÀŊ DAYÀA

⁹ e fèfoo kɛ̀ maŋ nyiiiŋ màŋ yaà yɛ̀mɛ sùà e jòèye, e yèɛ do nàŋ hɛɛnɛ̀ŋ sàɓù hààweɛ̀ nìŋ nauŋ hààwè sùà lɛ.

1Pììlɛ 1:9 ပူးပေါင်းရင်းမြစ်များ

Luùm 6:22

Niŋ fè ɓɛìŋ è gààŋ màŋ jùumù dìì, nàŋ naàŋ kìlà aŋ ɗo koɓɛ̀ Dayài. E nàfaiŋ nɛ̀ nàŋ yaà wɔŋ nyììŋ gè nɛɛmaŋ ko nɛ̀ɛ̀uŋ niìŋ, yèè e jìwààjɛ̀wɛ̀ɛ nàŋ yaà wɔŋ nyiiŋ gèe gò jùà.

Hiɓu 11:13

E yìwìà e hààwe sùà anyùùŋ nyɛɛ̀ŋ gbiŋ naŋ wa fɔ̀. Aŋ gò wa yɛ̀mɛ̀ mànɛ̀ŋ maŋ wò Dayà naŋ wa jɔ̀ɔ̀ è ɗààhiì kɛ̀ wò do nyiŋ wa nàŋ kiɛ̀ŋ lɛ, kɛɛ àŋ naŋ miŋ wa yɛmɛ̀ koɓɛ̀ dii yèè àŋ naŋ miŋ ɓeè, yèè àŋ naŋ nyimèè kɛ̀ àŋ yaà wa nɔŋ aŋ nyùùnèènyɛiŋ yèè anyùùŋ fuɔŋ joo e dììɛ diɛŋ.

Jìiiŋ 1:21

Weètii gèeìŋ maŋ nyɛ̀nɛŋ kùwà niŋ naŋ màŋ yaà maŋ kpèè naanààiŋ màŋ gbiŋ kùàŋ sùà maŋ yè maŋ anyùùŋ nyaŋ yaà nyinie màŋ. Yèè maŋ miè gbìaŋ màŋ wo Dayà naiŋ gbìɛ̀ŋ maŋ jiio sùà maŋ, jɔ̀ɔ̀lɔìŋ miŋ dìì yèè niŋ nyɛ̀nɛ̀ŋ e nɛ̀ɛŋ màŋ naŋ woò lɛ. Esaɓù kɛ̀ ke miè gbìaŋ yii kuwa gààŋ wèè ke jòèyè wɔŋ nyiiŋ mɔɔ̀ŋ.

1Pììlɛ 3:20

Aŋ jinàŋ nyɛɛ̀ŋ nàŋ yaà wa aŋ jìnàŋ anyùùŋ nyaŋ gò wa jɔ̀ɔ̀lɔ̀ Dayà dìì nààŋ wò naŋ wa kùwò ke jii wò yaà nyiìŋ fòla sùà e teengaà wo Nòa yaà wa bàne sùà wɔŋ meeèɔ lɛ̀. Anyùùŋ nɔɔnɔŋ lè taai nɔŋ naŋ wa jɔ̀ wɔŋ meeèɔ sùà, yèè nyiŋ nɔŋ naŋ wa jòèyè e yìwìà e wuiyè jòwaà sùà.