1Pììlɛ 1:8 - WƆŊ FƐ̀Ì EBÒ SÌÀŊ DAYÀA

⁸ Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

1Pììlɛ 1:8 ပူးပေါင်းရင်းမြစ်များ

Maafiù 10:37

“Anyùùŋ nyaŋ manaŋ aŋ dèda nyiŋ nyàŋ ɔ̀ɔ̀ aŋ yèye nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im. Yèè anyùùŋ nyaŋ manaŋ aŋ jɔ̀àfelaa ɔ̀ɔ̀ aŋ jɔ̀àjɔùŋ nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im.

Jɔ̀ɔŋ 14:15

Yèè wo Jisɛ̀ naŋ ɓɛìŋ woò wààŋ, “Sèè nìŋ mɔ̀nɔ̀ìm, nìŋ do nàŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ.

Jɔ̀ɔŋ 14:21

“Wo nyùnɔ̀ɔŋ yèɔ gbiŋ mànàìm wɔ, wò do nàŋ nyɛ̀nɛ̀ŋ e yèɛ mìŋ nauŋ woò wèè wo nyɛ̀nɛ̀ŋ lɛ. Yèè wo Dèda miɔ̀ŋ douŋ nàŋ mɔ̀nɔ̀ŋ. Mìŋ do nàŋ mɔ̀nɔ̀ŋ wo nyùùŋ wii miàŋ pɛɛ, yèè mìŋ do nàŋ hnè koɓɛ̀ wo nyùùŋ wii màànààŋ nɔŋ mìŋ yaà lɛ.”

Jɔ̀ɔŋ 14:24

Kɛɛ anyùùŋ nyaŋ yè nyaŋ aŋ manàìm nyaŋ aŋ naàŋ nyɛ̀nɛ̀ŋ è yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. E yèɛ zà àŋ naŋ kòmò mìŋ naŋ woò lɛ gò e yìwìà è gaàŋ mɛ̀ sùà, kɛɛ è yewe e gààŋ Dèdaà naim tùɔ̀ŋ wɔ sùà.”

Jɔ̀ɔŋ 16:22

Nìŋ yaà naàŋ ke nyowo gbee sùà. Kɛɛ mìŋ doiŋ ɓɛìŋ nàŋ yɛmɛ̀, yèè e zɔlɔ̀ do nàŋ nɔ̀ŋ maŋ jiiŋ màŋ sùà, yèè wo nyùùŋ gbiŋ wo naàìŋ ɓɛ̀nɛ̀ŋ gè è zɔlɔ̀ bi màŋ jiiŋ màŋ sùà.

Jɔ̀ɔŋ 20:29

Yèè wo Jisɛ̀ naŋ wòò wo Tàmaŋ wààŋ, “Mùŋ naŋ haawè esaɓù kɛ̀ mùŋ naim yɛmɛ̀? E hààya yèè e zɔlɔ̀ è yaà anyùùŋ nyaŋ kòò àŋ yɛ̀mɛ̀ìm nyaŋ kɛɛ àŋ kuwa e hààwe.”

Jɔ̀ɔŋ 8:42

Wo Jisɛ̀ naŋ nyiŋ fasàì wààŋ, “Sèè wo Dayà wo weè nɔ̀ŋ wo Dèdaiŋ nɔɔ̀ŋ, nìŋ heim weè nàŋ mɔ̀nɔ̀ŋ, esaɓù kɛ̀ mìŋ yewe koɓɛ̀ Dayài yèè kòò mìŋ yààìŋ naàŋ ko fɛɛ̀feìŋ. Wuŋ naim tùɔ̀ŋ. Miŋ gò hnàŋ è gààŋ miàŋ biɛ̀ sùà.

Nyɛ̀nɛ̀ŋ 16:34

Wo felaaà naŋ kɔ̀ɔ̀ wo Pɔɔ̀ yèè wo Silà ko gboouŋ noo yèè wò naŋ nyiŋ kìɛ̀ŋ e nɛ̀ŋje wèè aŋ jè. E zɔlɔ̀ naŋ wa dìè wuŋ yèè anyunùuŋ nyàŋ ko gboouŋ noo, esaɓù kɛ̀ àŋ kuwa wa naàŋ e hààwe wo Dayà sùà.

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

1 Kɔliìŋ 16:22

Wo nyùnɔ̀ɔŋ gbiŋ gò mànàŋ Kanaà wɔ, e gbòòno yaàùŋ maŋjɛ̀wɛ. Kana wiɔ̀ Jisɛ̀, hnaàŋ!

2 Kɔliìŋ 1:22

wo yèɔ naŋ wi sìè le fee kɛ̀ wuŋ nàŋ kànàŋ wì wɔ, yèè wo yèɔ naŋ wi fè wo Jìnàŋ Dayàa maŋ jii wi màŋ sùà wɔ. Wuŋ naŋ nɔ̀ŋ ke jii nyììneɛ̀ wèè e nɛ̀ɛŋ gbiŋ wo Dayà kuwa ko bàànè hàa weè wilɛ̀.

2 Kɔliìŋ 4:18

E gòiŋ jàà fɛ̀ɛ̀ dìì wèè mànɛ̀ŋ maŋ è yɛmɛ̀ìŋ maŋ, sɔɔ̀ maŋ yè maŋ e fèiŋ yɛmɛ̀ maŋ. Manɛ̀ŋ maŋ àŋ yɛmɛ̀ maŋ, màŋ yaà nɔŋ wèè e teenga kpuu, kɛɛ maŋ yè maŋ aŋ fè yɛmɛ̀ maŋ, màŋ yaà wèè julɔfɔ.

2 Kɔliìŋ 5:7

Esàɓù e hààwe sùà è yààìŋ wɔŋ nyiiŋ gèe sùà e fè wèè nɛ̀ɛŋ è yɛmɛ̀ìŋ nɛ.

2 Kɔliìŋ 9:15

Gè wiìŋ wo Dayà ke sɛ̀ wèè e kìɛŋ siaŋ gbeeuŋ nɛ̀ e fèiŋ ɓɛ̀nɛ̀ŋ gbɛ̀ɛ̀nɛ̀ŋ è nɛ̀ŋ gbiŋ lɛ̀!

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Ɛfesɔ̀ 3:19

Tɔ̀ e hɛɛnɛ̀ŋ wèè niŋ nyìmàŋ e mànàŋ Jisɛ̀ Kulaìɛ, jòòpɛɛ wo nyùùŋ fè ɓɛ̀nɛ̀ŋ nyìmàŋ è gbiŋ wèè e jùà jɛ̀wɛ̀, kɛɛ niŋ nɔ̀ŋ e dìaiŋ kpaŋ e nɔ̀ŋ kìì Dayàa gbiŋ sùà.

Ɛfesɔ̀ 6:24

Mìŋ zoolà wèè e tɛ̀ɛ̀tɛ̀ɛ̀ Dayàa e nɔ̀ŋ wèè anyùùŋ nyaŋ kinɛiŋ kuwa e mànaŋ gò jùà e wèè Kana wiɔ̀ Jisɛ̀ Kulaì nyaŋ.

Fèle 1:25

Esaɓùɛ lɛɛ̀ mìŋ kuwa ke jii tùlia, kɛ̀ mìŋ do nàŋ nɔ̀ŋ wɔŋ nyiiŋ gèeɔ̀ sùà wèè kaiŋ kpuumàŋ nàŋ kɛ̀ɛ̀nɛ̀ŋ zɔlɔ̀ e kìlà e hààweiŋ nɛ̀ e dɛ̀kɛ̀ sùà,

Fèle 3:3

Kɛɛ yàwi nàŋ yaà anyuùŋ jàà kpùa kɛnɛ nyàŋ, esaɓù kɛ̀ è zoolàìŋ Dayà e yìwìà e gààŋ Jìnàŋ Nɛɛmaàŋ sùà, yèè è gèìŋ zɔlɔ̀ maŋ nyiiŋ gèe wi màŋ sùà, nààŋ è yààìŋ aŋ bàwibà wo Jisɛ̀ Kulaì sùà. E fèiŋ sìà màŋ jii tùlia wi màŋ kòɓɛ̀ mànɛ̀ŋ maŋ è nyɛ̀nɛ̀ìŋ màŋ kpùnaŋ wi màŋ sùà maŋ.

Fèle 4:4

Nɔ̀iŋ e zɔlɔ̀ sùà e teenga gbiŋ nààŋ nìŋ yaà aŋ bàiŋbà wo Kanaà Jisɛ̀ sùà. Tɔ̀ miŋ woò niŋ ɓɛìŋ, nɔ̀iŋ e zɔlɔ̀ sùà.

Hiɓu 11:1

E hààwe nyɛ̀nɛ̀ŋ wì eiŋ nyìmàŋ manɛ̀ŋ maŋ è kùwàìŋ jii tùlia kɛ̀ è doiŋ nàŋ kɛɛnɛ̀ŋ maŋ, yèè e wi tɔɔ̀ janjai manɛ̀ŋ maŋ e fèiŋ ɓɛ̀nɛ̀ŋ yɛ̀mɛ màŋ.

Hiɓu 11:27

E hààwe naŋ nyɛ̀nɛ̀ŋ wo Mòòze naŋ wa yèwè ko Ijè e yèɛ e jùù gòuŋ wa nyɛ̀nɛ̀ŋ wèè è wùàŋ kànà fuɔɔ̀ŋ. Jòòpɛɛ wo Mòòze gò wa yɛ̀mɛ̀ wò Dayàa wo nyùùŋ gbiŋ fè yɛmɛ̀ wɔ, wò naŋ wa gè maŋhɛɛ wèè wo kɛɛ̀ maŋjɛ̀wɛ.

1Pììlɛ 1:6

Gèeìŋ zɔlɔ̀ wèè tɛɛ̀, jòòpɛɛ è wɔ̀i naàŋ ɓɛ̀nɛ̀ŋ nɔ̀ŋ tɛ̀ɛ̀ wèè naŋ jɛ̀ì e jɛ̀ì ke nyowo sùà wèè e teenga kpàa sùà, esàɓù maŋ wàa kà tinàŋ zimgbe màŋ nìŋ naŋ mɔ̀ɔ̀nɛ̀ŋ dìì maŋ.

1Pììlɛ 2:7

E sɛmɛmaàŋ yaà ke dùò bi sùà lɛ è naŋ dɛɛ̀ wèè nyɛ̀iŋ nyàŋ nìŋ nauŋ hààwè sùà nyaŋ, kɛɛ wèè anyùùŋ nyaŋ aŋ yè nyaŋ kuwà hààwe nyàŋ, “Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà.”

1Pììlɛ 5:4

Kpeiŋ sèè wo kànà anyuùŋ yɛ̀mɛ̀ aŋ ɓaawaa diɛɔ̀ŋ tèènè mààŋ wò Jisɛ̀ Kulaì wò hnàŋ, nìŋ do nàŋ yɛ̀mɛ̀ ke ɓɔ̀ɗì e jòòwo ke yèɛ e zɛ̀nɛŋ nyiŋ nɛ̀ fè go lɛ̀.