1Pììlɛ 1:25 - WƆŊ FƐ̀Ì EBÒ SÌÀŊ DAYÀA

²⁵ kɛɛ ke mìè Kànà Dayàa kè jeeyà wèè julɔfɔ.” Ke mìè yɛɛ̀ nàŋ yaà Ebò Siaàŋ àŋ naiŋ daanè lɛ.

1Pììlɛ 1:25 ပူးပေါင်းရင်းမြစ်များ

Maafiù 5:18

Tɔɔɓaa kɛ̀ɛ̀nɛìŋ jii jàa kɛ̀, ko àìjɛnɛ̀ŋ yaà e ɗuunyaàŋ e wa nàwèè wɛ̀i ɓɛ̀nɛ̀ŋ hàì ko dìa. Kɛɛ e pɛɛ nɔ̀ŋ ke tomi jɔa yèè wɔŋ kɔmɔŋ miaŋ maŋ Sàwà maŋ sùà, ke naàŋ nɔ̀ŋ dao ge nyiŋ. E nɛ̀ɛŋ gbiŋ è yaà sìnga niŋ maŋ Sàwà maŋ sùà lɛ kuwa e hɛɛnɛ̀ŋ.

Luù 16:17

Ko àìjɛnɛ̀ŋ yaà e ɗuunyaàŋ do wa nàwèè nàŋ hàì ko dìa, kɛɛ e pɛɛ nɔ̀ŋ ke tomi jɔa maŋ Sàwà maŋ sùà, ke naàŋ nɔ̀ŋ dao ge nyiŋ.

Jɔ̀ɔŋ 1:1

Wèè paŋ wo Dayà banè wa e ɗuunyaàŋ, wo nyùnɔ̀ɔŋ àŋ nyaaŋ wa ke Mìè gbòauŋ nɛɛ̀ŋ wɔ wò yaào wa tɛ. Wo nyùnɔ̀ɔŋ ke Mìèɛ naŋ wa kɔ̀ɛ̀ ko sùà wɔ wò yaà wa koɓɛ̀ Dayài, yèè ke Mìèɛ nàŋ yaà wa wo Dayà wuŋ bi.

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

1 Kɔliìŋ 2:2

E teengaà mìŋ yaà ko nɛ̀ɛ̀iŋ niìŋ lɛ, mìŋ naŋ wa ɗewè wèè ka nyɛɛnɛ̀ŋ wèè e keì gbiŋ sɔɔ̀ nɔŋ e kèè Jisɛ̀ Kulaì, kai kai ngèè e kèè e jìwauŋ nɛ̀ wɔŋ vànèkpaàa diɛŋ.

Ɛfesɔ̀ 2:17

Wo Jisɛ̀ Kulaì naŋ wa hnè, yèè wò naŋ fè ke mìè gbìàŋ Ebò Siaàŋ e nyaàiŋ dè ke jii fàa koɓɛ̀ nyɛ̀iŋ nyàŋ niŋ fè àŋ Juùù nyaŋ, yèè niŋ gò wa gbɛ̀ɛ̀ Dayà kɔɔ nyàŋ wò naiŋ niŋ woò, yèè wò naŋ niŋ wòò aŋ Juùù nyaŋ naŋ gbɛ̀ɛ̀ Dayà nyàŋ.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Taitɔ̀ 1:3

kpeiŋ wo Dayà, Nyuùŋ Jòèye wiɔ̀ naŋ fè ke miè gbìaŋ yɛɛ̀ e teenga nyiŋ nɛ̀ diɛŋ, wò naim haawè yèè wò naim woò wèè miŋ daanè ebò e nɛ̀ɛŋ wò naŋ woò lɛ.

Hiɓu 6:5

Àŋ nyìmàŋ maŋ jii nyiŋ màŋ sùà kɛ̀, e yèɛ wo Dayà naŋ woò lɛ è siaŋ, e kìlà àŋ nyìmàŋ e kèè e gàaàŋ e nyaàiŋ dè e teengaà, sèè wo Dayà tɔɔtù maŋ tòmò e gaàŋ gbeeuŋ nɛ̀ e ɗuunyaàŋ do nàŋ hnè lɛ diɛŋ.

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

1Pììlɛ 1:23

Esaɓù ke mìè nyiiŋ gèe gò jùà Dayàa sùà, naŋ nyɛ̀nɛ̀ŋ nìŋ naŋ ɓɛìŋ nɔ̀ŋ e kòmaiŋ jɛ̀ì mààŋ aŋ jɔ̀à wo nyuùŋ kòmaàŋ wo yèɔ fè fà wɔ.

1Pììlɛ 2:2

Nɔ̀iŋ mààŋ aŋ jɔaa kòmàŋ jɛ̀ì, e teenga gbiŋ sùà e wùànàŋ maŋ yaà màì gò kɛ̀ɛ̀nɛ̀ŋ tɔ̀mɛ màŋ e gààŋ Jìnàŋ Dayàa sùà e nyɛ̀nɛ̀iŋ, wèè kɛ̀ sèè nìŋ yàà miìŋ naŋ dɛɛ̀ e kìlà wo Dayà woiŋ joeyè.

2Pììlɛ 1:19

Ke mìè gbòà aŋ wɛ̀ijì nyaŋ naŋ ngèè ɓɛìŋ tòòyè jii nyingè wi màŋ. Nìŋ do nàŋ nyɛ̀nɛ̀ŋ tɛ̀ɛ̀ wèè naŋ yɛ̀mɛ̀ e kèì ke mìè gbìaŋ bi dììo sùà, esaɓù kɛ̀ kè yaà mààŋ e laumpò mɛ̀ɛŋ ke nyìwì sùà e jèèsùà e nììɛ sìà, yèè e gbòlòùŋ wɔŋ ɗù màŋ nyiìŋ tɛ̀tɛ̀ɔ e mɛ̀ɛ̀ŋ maŋ jiiiŋ màŋ sùà.

1Jɔ̀ɔŋ 1:1

Ke mìèɛ kiɛ̀ŋ wɔŋ nyiiŋ gèeɔ̀ lɛ, kè yaà wa ko tɔ̀ɔ̀tù e ɗùùnyaàŋ. È naiŋ nyiŋ kòmò kè naŋ gbòò, è naiŋ nyiŋ yɛ̀ɛ̀mɛ̀ le fɛɛ̀ kòmàŋ wilɛ̀, yèè è naiŋ nyiŋ mɛ̀lɛ̀ɛ̀ŋ maŋ kuàŋ wi màŋ.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

Maŋ kèì nyɛɛnɛŋ 14:6

Mìŋ naŋ ɓɛìŋ yɛ̀mɛ̀ wo màikà joo bà wò yaà wuwuie ko fùùiŋ, wo kuwa ke miè gbìaŋ gò kɛ̀ɛ̀nɛ̀ŋ dìaà e nyaàiŋ dè Ebò Siaàŋ, wèè wo dàànè niŋ koɓɛ̀ anyùùŋ nyaŋ gbiŋ maŋ fuɔŋ màŋ sùà e dììɛ diɛŋ, koɓɛ̀ wo nyuùŋkpùuŋ ziì gbiŋ, e ziì gbiŋ, wɔŋ kàìŋ gbiŋ, yaà e ɗuunyaàŋ.