1Pììlɛ 1:22 - WƆŊ FƐ̀Ì EBÒ SÌÀŊ DAYÀA

²² Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Pììlɛ 1:22 ပူးပေါင်းရင်းမြစ်များ

Jɔ̀ɔŋ 15:17

Weètii, nyɛ̀nɛìŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, wèè kɛ̀ naŋ mànàŋ aŋ dàwiiŋ nyàŋ.”

Jɔ̀ɔŋ 15:3

E yìwìà e yèɛ mìŋ naiŋ woò lɛ, naŋ nyɛ̀nɛ̀ŋ nìŋ naŋ nɔ̀ŋ zɛ̀nɛiŋ.

Jɔ̀ɔŋ 17:17

Jaà nyiŋ e ɓula wèè muàŋ bi esàɓù e tɔ̀ɔ̀nyaàŋ mɔ̀ɛ̀. Ke miè mɔɛ̀ŋ kè yaà e tɔ̀ɔ̀nyaàŋ.

Jɔ̀ɔŋ 17:19

Wèè esaɓù nyiŋ nɛ̀ kà jàà miàŋ bi e ɓula ko nɛ̀ɛ̀ŋ muìŋ, wèè kɛ̀ nyiŋ pɛɛ, àŋ naŋ ɓɛ̀nɛ̀ŋ nɔ̀ŋ e ɓula jàa nyiŋ ko nɛ̀ɛ̀ŋ muìŋ wèè e tɔ̀ɔ̀nyaàaŋ.

Nyɛ̀nɛ̀ŋ 15:9

Wo kuwà è tɛɛ gòòno yàwi nyiŋ è fèemàŋ. Àŋ naŋ sìè e hààwe nyiŋ nɛ̀ wo Dayà sùà, yèè wò naŋ nyɛ̀nɛ̀ŋ maŋ jii nyiŋ màŋ maŋ zɛ̀nɛ̀ŋ.

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

Luùm 1:5

Wo Dayà naim tàeɗùù yèè wò naim kìɛ̀ŋ e tòmoɛ̀ wèè ka nɔ̀ŋ wo keela. Wò naŋ wa tɛɛ̀ nyɛ̀nɛ̀ŋ esàɓù Jisɛ̀ Kulaìɛ sùà, wo yèɔ wò naŋ tàeɗùù wèè wo joeyè e ɗuunyaàŋ wɔ, wèè kɛ̀ anyùùŋ nyaŋ gbiŋ e ɗuunyaàŋ aŋ kɛɛnɛ̀ŋ hààwe e kìlà aŋ jɔɔlɔ̀uŋ dìì, sèè àŋ haawà ke miè gbìaŋ miɛ̀ŋ e nyaàiŋ euŋ dè.

Luùm 2:8

Anyùùŋ nyaŋ bà nyiŋ manaŋ nɔŋ nyiŋ bi e kìlà àŋ gè maŋhɛɛ wèè aŋ jàà e tɔ̀ɔ̀nyaàaŋ wo Dayà naŋ woò lɛ kùàŋ dìì. Àŋ nyɛnɛŋ maŋ keì maŋ wo Dayà naŋ woò wààŋ maŋ fè tɛɛ maŋ. Wo Dayà do nyiŋ nàŋ tùù sìwè e kìlà wò do nyiŋ nàŋ dèèyè keì nyìnga diɛŋ.

Luùm 8:13

Sèè nìŋ nɔ̀ŋ wɔŋ nyiiŋ gèeɔ̀ sùà wèè naŋ nɔŋ mànàŋ ke kpùnaiŋ nɛɛ̀ŋ, yèè naŋ nyɛ̀nɛ̀ŋ e yèɛ nìŋ manaŋ lɛ̀, nìŋ do nàŋ fɔ̀ɔ̀yɛ̀ maŋ jùumù sùà. Kɛɛ nìŋ do nàŋ nɔ̀ŋ wɔŋ nyiiŋ gèeɔ̀ sùà, sèè è yiwià e kpùùmàŋ wo Jìnàŋ Dayàa nìŋ jiwe maŋ nyɛ̀nɛiŋ màŋ wèè maŋ jùumùiŋ màŋ.

2 Kɔliìŋ 6:6

E gòiŋ nyɛ̀nɛ̀ŋ kèì sàngè, yèè è naŋ kùwìè jiikɛ̀ɛ, è naŋ kùwò jii, e kìlà è naŋ nyɛ̀nɛ̀ŋ keì sìàŋ. Wo Jìnàŋ Dayàa naŋ wi nɔ̀ŋ maŋjɛ̀wɛ, yèè e mànaŋ wilɛ̀ naŋ nɔ̀ŋ e kɛnɛ niŋ,

Gàla 3:1

Nyɛ̀iŋ nààŋ nyùùŋ Gàlatìà ɓàaɓàa nyɛɛ̀ŋ! Ɓòò naiŋ gbìɛ̀ŋ e nɛ̀ŋ dàà nyùùŋ? Nyɛ̀iŋ bi ko fɛ̀ɛ̀fèìŋ mìŋ naiŋ wòò e ɗeweɛ̀ àŋ naŋ wa jìwìè wo Jisɛ̀ Kulaì wɔŋ vànèkpaa diɛŋ lɛ̀!

Gàla 5:5

Ke jii tùliaà è kùwàìŋ lɛ̀ nàŋ yaà kɛ̀, wo Dayà do wi nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè tɛɛ̀ è yiwìà gààŋ Jìnàŋ Nɛɛmaàŋ, e wi toomò e yìwìà e hààwe wi lɛ sùà.

Gàla 5:7

Nìŋ yaà wa nyìnìè e yèɛ yaà tɛ̀ɛ̀ lɛ, kɛɛ ɓòò kai naiŋ wa kèèwè wɔŋ kùàŋ feìŋ yèè nìŋ nauŋ tùlìè jii wèè naŋ hɔ̀ànè e tɔ̀ɔ̀nyaàaŋ jɔ̀ɔ̀lɔ̀ dìì? Dièsɔa wo nyùùŋ bi naiŋ wa kìɛ̀ŋ ke jii nyìngè yɛɛ̀ wèè naŋ hɔ̀ànè e tɔ̀ɔ̀nyaàaŋ jɔ̀ɔ̀lɔ̀ dìì?

Ɛfesɔ̀ 4:3

Fɛ̀ɛìŋ, wèè wo Jìnàŋ Nɛɛmaàŋ gbìàŋ maŋ jiiiŋ màŋ koɓɛ̀ guùŋ. Nyɛ̀nɛìŋ tɛɛ̀ esàɓù ke jii fàaà naiŋ jàànè koɓɛ̀ guùŋ nɛ.

Fèle 1:9

Mìŋ zoolà wèè e mànaiŋ nɛ̀ e dɛɛ̀ sùà zimgbe, e nyɛ̀nɛ̀ŋ niŋ kɛɛnɛ̀ŋ jiikɛ̀ɛ e kìlà niŋ nyìmàŋ e keì fèemàŋ,

1Tɛsè 3:12

Tɔ̀ wo Kanaà nyɛ̀nɛ̀ŋ e mànaàŋ e fèemàiŋ nɛ̀ yèè e wèè anyùùŋ nyaŋ gbiŋ e dɛɛ̀ sùà, e nɔ̀ŋ màànààŋ e mànaàŋ maŋ jii wi màŋ sùà weèiŋ è naŋ dɛɛ̀ lɛ.

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

2Tɛsè 2:13

È kuwa eiŋ gè wo Dayà ke sɛ̀ e teenga gbiŋ e weèiŋ, nyɛ̀iŋ nààŋ wùìya wi nyàŋ, nyɛ̀iŋ nyàŋ wo Kanaà Jisɛ̀ manaŋ nyàŋ. Wo Dayà naiŋ tàeɗùù e yìwìà ko tɔɔtuì wèè naŋ nɔ̀ŋ anyuùŋ jiɛ̀jiɛ̀ naŋ yɛ̀mɛ̀ e jòèye e yìwìà e gààŋ Jinàaŋ Nɛɛmaàŋ sùà wèè woiŋ mììnè anyùùŋ nɛɛmauŋ nyàŋ e gààŋ Jinàaŋ sùà, yèè wèè e hààweiŋ nɛ̀ e tɔ̀ɔ̀nyaàaŋ sùà.

1Time 1:3

Mìŋ manaŋ wèè maŋ jèè ko Ɛfesɔ̀, màànààŋ nɔŋ mìŋ naum wa dawè e teengaà mìŋ yaà wa kɔ̀ɔ̀yɛ̀ ko Mɛ̀sèdonià lɛ. Anyùùŋ kòò àŋ yaào aŋ fè kàa sùà ànyùùŋ nyaŋ è hààwe kɛnɛ, nàaà nyiŋ wèè aŋ hɔanè niŋ nyɛ̀nɛŋ.

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

1Time 4:12

Ɓɔ̀ mùŋ dangè wò nyùùŋ gbiŋ doim nììngè fɛ̀ɛ̀ esaɓù kɛ̀, mùŋ yaà wo nyuùŋ bɔwɔ, kɛɛ nɔ̀ŋ e tɔ̀ɔ̀màŋseì wèè anyuùŋ hààwe nyàŋ maŋ mìè gbòàum màŋ sùà, maŋ kpèèum màŋ sùà, e mànaŋ mɔ̀ɛ̀ sùà, e hààwe mɔ̀ɛ̀ sùà, yèè maŋ kpèè siaŋ sùà.

1Time 5:2

kuwà aŋ jɔùŋ nyuùŋ kàìŋ nyaŋ mààŋ aŋ yèyeum, aŋ jɔùŋ jɔa bɔwɔ nyàŋ, mààŋ aŋ jaaum, ke kpèè siaŋ sùà.

2Time 1:14

E yìwìà e gààŋ Jìnàŋ Nɛɛmaàŋ wo yèɔ yaà wì sùà wɔ, bànè manɛ̀ŋ siaŋ sìàŋ maŋ àŋ naum tùlìè jii weè miŋ màŋ ko hàa.

Hiɓu 11:8

E hààwe naŋ wa nyɛ̀nɛ̀ŋ wo Eɓulɔhɛɛ̀ŋ naŋ jɔɔlɔ̀ e teengaà wo Dayà nauŋ wa nyààŋ wèè wo ka koɓɛ̀ wɔŋ fuɔŋ bà wɔŋ yèɔ wo Dayà naŋ wa jɔ̀ɔ̀ ɗààhiì wèè wouŋ kiɛ̀ŋ wɔŋ. Wo Eɓulɔhɛɛ̀ŋ naŋ wa yèwè wɔŋ fuɔuŋ nɔɔ̀ŋ wèè wo ka koɓɛ̀i wo nyimààŋ lɛ.

Hiɓu 13:1

Kɛ̀ɛ̀nɛìŋ e mànaŋ wèè aŋ dàwi, màànààŋ anyùùŋ màŋjɛ̀wɛ̀ Kanaà Jisɛ̀ kuwa aŋ nyɛ̀nɛ̀ŋ lɛ.

Hiɓu 5:9

E keì nyìngaà wo Jisɛ̀ naŋ wa kɔ̀ dìì lɛ, naŋ nyɛ̀nɛ̀ŋ wò naŋ wa nɔ̀ŋ wo nyuùŋ tùlìà jii dìà sùà, e kìlà wò naŋ nɔ̀ŋ ko tɔɔtuì wèè e jòèyè anyùùŋ nyaŋ jɔɔlɔ̀uŋ dìì nyaŋ,

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.

Jìiiŋ 1:21

Weètii gèeìŋ maŋ nyɛ̀nɛŋ kùwà niŋ naŋ màŋ yaà maŋ kpèè naanààiŋ màŋ gbiŋ kùàŋ sùà maŋ yè maŋ anyùùŋ nyaŋ yaà nyinie màŋ. Yèè maŋ miè gbìaŋ màŋ wo Dayà naiŋ gbìɛ̀ŋ maŋ jiio sùà maŋ, jɔ̀ɔ̀lɔìŋ miŋ dìì yèè niŋ nyɛ̀nɛ̀ŋ e nɛ̀ɛŋ màŋ naŋ woò lɛ. Esaɓù kɛ̀ ke miè gbìaŋ yii kuwa gààŋ wèè ke jòèyè wɔŋ nyiiŋ mɔɔ̀ŋ.

Jìiiŋ 4:8

Gbɛ̀ɛìŋ Dayà kɔɔ, kɛ̀ wò doiŋ nàŋ gbɛ̀ɛ̀ e kɔɔ. Gùoìŋ le sìwè e yìwìà maŋ jùumùiŋ màŋ sùà, nyɛ̀iŋ nààŋ nyùùŋ màŋ jùumù nyaŋ. Yèè niŋ nyɛ̀nɛ̀ŋ maŋ jiiiŋ màŋ zɛ̀nɛ̀ŋ, nyɛ̀iŋ nààŋ nyuùŋ gò kùwìè jìì guùŋ nyaŋ!

1Pììlɛ 1:2

Wo Dayà Dèda wiɔ̀ wa ɗewè gɔu wèè woiŋ tàeɗùù naŋ nɔ̀ŋ anyunùuŋ, yèè wo Jinàuŋ nɔɔ̀ŋ wòiŋ nyɛ̀nɛ̀ŋ naŋ nɔ̀ŋ anyùùŋ nɛɛmaŋ, wèè naŋ jɔ̀ɔ̀lɔ̀ wo Jisɛ̀ Kulaì dìì, yèè maŋ sɛnìuŋ màŋ nyɛ̀nɛ̀ŋ nàŋ zɛ̀nɛ̀ŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yaà ke jii fàa dìa sùà.

1Pììlɛ 2:17

Kùwiè e ɓɛ̀ɛ̀jàa wèè nyùùŋ gbiŋ, mànaìŋ ke gbòò aŋ wùìya nyàŋ, niŋ dùàŋ Dayà yèè niŋ kiɛ̀ŋ wo Kànà Gbèè fuɔɔ̀ŋ e ɓɛ̀ɛ̀jàa.

1Pììlɛ 3:1

Sèè mùŋ nɔ̀ŋ wo jɔùŋ kùwìè felaa, jɔ̀ɔ̀lɔɔ̀ wo faniŋ mɔɔ̀ŋ dìì. Sèè pɛɛ wo gò jɔ̀ɔ̀lɔ̀ kè mìè Dayàa dìì, e jɔ̀ɔ̀lɔ mɔ̀ɛ̀ ko nɛ̀ɛ̀uŋ niìŋ douŋ nàŋ nyɛ̀nɛ̀ŋ wo jɔɔlɔ̀, wo nyùùŋ gbiŋ naùŋ ɓɛìŋ gbòò kɔɔ wèètii.

1Pììlɛ 3:20

Aŋ jinàŋ nyɛɛ̀ŋ nàŋ yaà wa aŋ jìnàŋ anyùùŋ nyaŋ gò wa jɔ̀ɔ̀lɔ̀ Dayà dìì nààŋ wò naŋ wa kùwò ke jii wò yaà nyiìŋ fòla sùà e teengaà wo Nòa yaà wa bàne sùà wɔŋ meeèɔ lɛ̀. Anyùùŋ nɔɔnɔŋ lè taai nɔŋ naŋ wa jɔ̀ wɔŋ meeèɔ sùà, yèè nyiŋ nɔŋ naŋ wa jòèyè e yìwìà e wuiyè jòwaà sùà.

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.

1Pììlɛ 4:17

E tèèngà e gbàiɛ̀ è haì, yèè è do nàŋ tɔ̀ɔ̀tù ko sààŋ Dayài jiɛ̀. Sèè è tɔɔtù wì diɛŋ, diè ko jèè e ɗìi do nàŋ nɔ̀ŋ wèè anyùùŋ nyaŋ gò hààwè kè mìè gbìàŋ Ebò Siaàŋ kè yèɛ yewe Dayà sìwè lɛ?

1Pììlɛ 4:8

Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.

2Pììlɛ 1:7

yèè maŋ nyiiiŋ màŋ kìla koɓɛ̀ Dayà tòòyaìŋ niŋ e kpɛ̀ɛŋ wèè anyuùŋ hààwe dàwiiŋ nyàŋ, yèè e kpɛ̀ɛiŋ nɛ̀ wèè anyuùŋ hààwe dàwiiŋ nyàŋ tòòyaìŋ niŋ e mànaŋ.

1Jɔ̀ɔŋ 3:11

Ke mìè gbìaàŋ kɛɛ̀ nìŋ nàŋ wa kòmò e yìwìà ko tɔ̀ɔ̀tù e ɗuunyaàŋ, kɛ̀ e mànàiŋ aŋ dàwi wi nyàŋ.

1Jɔ̀ɔŋ 3:23

E nɛ̀ɛŋ wo Dayà naŋ wi woò wèè eiŋ nyɛ̀nɛ̀ŋ lɛ nàŋ yaà, wèè eiŋ kɛ̀ɛ̀nɛ̀ŋ e hààwe e dèè wo Jɔ̀àfelaauŋ nɔɔ̀ŋ Jisɛ̀ Kulaì sùà, yèè e mànàŋ aŋ dàwi wi nyàŋ màànààŋ wo Kulaì naŋ wi woò wèè eiŋ nyɛ̀nɛ̀ŋ lɛ.

1Jɔ̀ɔŋ 4:12

Nààŋ gbà wo nyùùŋ gbiŋ kòò yɛ̀mɛ̀ wa wò Dayà, kɛɛ sèè è naiŋ mɔ̀nɔ̀ŋ aŋ dàwi wi nyàŋ, wo Dayà do wi nàŋ nɔ̀ŋ maŋjɛ̀wɛ, yèè tɔɔɓaa e mànauŋ nɛ̀ yaà maŋ jii wi màŋ sùà.

1Jɔ̀ɔŋ 4:20

Sèè eiŋ woò wìàà è mànàìŋ Dayà kɛɛ è naiŋ wùɔ̀ŋ aŋ wùìya wi nyàŋ, kɛ̀ è yààìŋ anyuùŋ tòa. Esaɓù kɛ̀ e fèiŋ ɓɛ̀nɛ̀ŋ mànàŋ wò Dayà wò yèɔ kòò è yɛ̀mɛ̀ìŋ wɔ sèè è goiŋ mànàŋ aŋ wùìya wi nyàŋ aŋ yè nyaŋ è yɛmɛ̀ìŋ nyaŋ.

1Jɔ̀ɔŋ 4:7

Dàwi mànaim nyàŋ, mànàŋ wiìŋ aŋ dàwi wi nyàŋ, esaɓù e mànaŋ yewe wo Dayà sìwè. Wo nyùnɔ̀ɔŋ gbiŋ kɛɛnɛ̀ŋ e mànaŋ wɔ̀, wò yaà wo jɔ̀à Dayà yèè wò nyìmàŋ wo Dayà.

Maŋ kèì nyɛɛnɛŋ 2:4

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Niŋ kuwà naàŋ è mànaŋ weèim, màànààŋ nìŋ mànàìm wa lɛ̀.