1Pììlɛ 1:12 - WƆŊ FƐ̀Ì EBÒ SÌÀŊ DAYÀA

¹² Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

1Pììlɛ 1:12 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Maafiù 11:27

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Maafiù 16:17

Yèè wo Jisɛ̀ nauŋ woò wààŋ, “E kpùùmaŋ è yaà weèum Saimɔ̀ŋ, jɔ̀àfèlàà Joonàaŋ! Muŋ gò tɛɛ̀ nyìmàŋ e yìwìà kè kpùnàŋ nyuùŋkpùuŋ yèè màŋ sɛ̀ìŋ, kɛɛ wo Dèda miɔ̀ŋ ko àìjɛnɛ̀ŋ naum kìɛ̀ŋ e jiikɛ̀ɛ bi.

Luù 15:10

Tɔ̀ miŋ woòiŋ, yɛi nɔŋ aŋ màìkà Dayà nyaŋ do nàŋ gè zɔlɔ̀ wèè wo nyùùŋ maŋ jùumù wò bà guùŋ wo yèɔ fè maŋ tùwo naanààuŋ màŋ jɛwɛ wɔ̀.”

Luù 2:26

wo Dayà nauŋ wa woò e yìwìà wo Jìnàŋ Nɛɛmaàŋ sùà wààŋ kɛ̀, wo naàŋ fɔ̀ e jèèsùà wo yɛ̀mɛ̀ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.

Luù 9:6

Anyùùŋ màŋjɛ̀wɛ̀ nyaŋ naŋ kɔ̀ yèè àŋ naŋ kɔ̀ɛ̀ maŋ vàa màŋ gbiŋ sùà, àŋ yaà wòò Ebò Siaàŋ e kìlà àŋ yaà sùngìè anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ maŋ tàta màŋ gbiŋ sùà.

Jɔ̀ɔŋ 15:26

“Kpeiŋ mìŋ doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ yewe koɓɛ̀ wo Dèdaà wɔ yèè wò doiŋ nàŋ wòò e tɔ̀ɔ̀nyaàaŋ. Yèè wò doiŋ nàŋ kpuumò woiŋ wòò e tɔ̀ɔ̀nyaàaŋ e nyaàiŋ eim dè.

Nyɛ̀nɛ̀ŋ 10:44

E teengaà wo Pììlɛ yaà wa nɔŋ gbuuye lɛ̀, wo Jìnàŋ Nɛɛmaàŋ naŋ dèyè anyùùŋ nyaŋ gbiŋ yàaùŋ wa kùmìàŋ sùà nyaŋ diɛŋ.

Nyɛ̀nɛ̀ŋ 16:10

Nààŋ wo Pɔɔ̀ naŋ gò e gɔa lɛɛ̀, è naiŋ tɔ̀ɔ̀tù e ɗewe kàme wèè eiŋ kà ko Mɛ̀sèdonià. È naiŋ wa haawè kɛ̀ wo Dayà naŋ wi wa nyààŋ wèè e ka e daanèiŋ Ebò Siaàŋ koɓɛ̀ anyùùŋ nyaŋ koɓɛ̀ bi.

Nyɛ̀nɛ̀ŋ 2:33

Wò naŋ wa nɔ̀ŋ jòòwouŋ wèè wo jɛi wɔŋ kùàŋ jìkà Dayàa, wo Dèdauŋ nɔɔ̀ŋ, e kìlà wò nauŋ kìɛ̀ŋ wo Jìnàŋ Nɛɛmaàŋ, màànààŋ wò naŋ wa jɔ̀ɔ̀ ɗààhiì lɛ. Wo Kanaà Jisɛ̀ nàŋ yaà ɓɛìŋ wo nyùnɔ̀ɔŋ naŋ wi kìɛ̀ŋ wo Jinàaŋ, tiiŋ nàŋ yaà e yèɛ nìŋ yaà yɛɛmɛ yèè nìŋ yaà kumie è yààìŋ woo lɛ̀.

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 4:8

Wo Jìnàŋ Nɛɛmaàŋ naŋ wa dìè wo Pììlɛ sùà, yèè wò naŋ nyiŋ woò wààŋ, “Nyɛ̀iŋ nààŋ nyùùŋ gbèègbèè yèè màmànkùmɛ̀ŋ fuɔŋ nyàŋ,

Nyɛ̀nɛ̀ŋ 8:25

Yèè nààŋ wo Pììlɛ yèè wo Jɔ̀ɔŋ naŋ wa naàŋ kìɛ̀ŋ ke miè gbìaàŋ e nyaàiŋ dè wo Kanaà Dayà, àŋ naŋ kɛ̀ɛ̀ maŋjɛ̀wɛ ko Jùlusɛ̀làm. Àŋ naŋ wòò ke mìè gbìàŋ Ebò Siaàŋ maŋ vàà Sàmilià maŋ zimgbe miŋ sùà nààŋ àŋ yaà wa kɔɔyɛ.

Luùm 1:15

Mìŋ kuwa ka wòò Ebò Siaàŋ koɓɛ̀ anyùùŋ nyaŋ gbiŋ. Weètii mìŋ yaà bànèbaneim wèè ka jààmè nyɛ̀iŋ gbiŋ ko Luùm.

Luùm 1:17

Ebò Siaàŋ woà e ɗeweɛ̀ wo Dayà hiàŋ anyùùŋ koɓɛ̀ wuŋ biì wèè aŋ nɔ̀ŋ anyùùŋ tɔ̀ɔ̀nyaàŋ, e kìlà è yaà nɔŋ esàɓù ke jii tùliaà yaà e hààweɛ̀ anyùùŋ kuwa wo Jisɛ̀ sùà lɛ. Nààŋ wɔŋ fɛ̀ì Dayàa naŋ woò lɛ, “Anyùùŋ nyaŋ wo Dayà hiàŋ wèè aŋ nɔ̀ŋ anyùùŋ tɔ̀ɔ̀nyaàŋ esaɓù e hààweɛ̀ àŋ kuwa lɛ̀, do nàŋ nɔ̀ŋ wɔŋ nyiiŋ gèe siaŋ sùà wèè julɔfɔ.”

Luùm 10:15

Dièsɔa wo nyùùŋ bà naŋ nyiŋ ɓɛ̀nɛ̀ŋ wòò ke miè gbìaàŋ sèè wo Kànà È Gunɔ̀ɔŋ go tùàŋ anyùùŋ ko nɛ̀ɛ̀ŋ nyiŋ niìŋ? Wɔŋ fɛ̀ì Dayàa naŋ woò wààŋ, “È yaà e keì sìàŋ wèè maŋ yɛ̀mɛ̀ wo nyùùŋ bà, wò yaà hinie wèè wo wòò ke mìè gbìàŋ ebò siaàŋ!”

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

1 Kɔliìŋ 2:10

Kɛɛ wo Dayà naŋ nyɛ̀nɛ̀ŋ è naiŋ nyìmè ke gbùnùuŋ nɛɛ̀ŋ esàɓù wo Jinàuŋ nɔɔ̀ŋ sùà. Wo Jinàaŋ fɛlɛfɛ̀lɛ̀ e nɛ̀ɛŋ gbiŋ, e kpùlìà e yèɛ gbiŋ yaà Dayà jiio sùà lɛ.

2 Kɔliìŋ 1:22

wo yèɔ naŋ wi sìè le fee kɛ̀ wuŋ nàŋ kànàŋ wì wɔ, yèè wo yèɔ naŋ wi fè wo Jìnàŋ Dayàa maŋ jii wi màŋ sùà wɔ. Wuŋ naŋ nɔ̀ŋ ke jii nyììneɛ̀ wèè e nɛ̀ɛŋ gbiŋ wo Dayà kuwa ko bàànè hàa weè wilɛ̀.

2 Kɔliìŋ 6:6

E gòiŋ nyɛ̀nɛ̀ŋ kèì sàngè, yèè è naŋ kùwìè jiikɛ̀ɛ, è naŋ kùwò jii, e kìlà è naŋ nyɛ̀nɛ̀ŋ keì sìàŋ. Wo Jìnàŋ Dayàa naŋ wi nɔ̀ŋ maŋjɛ̀wɛ, yèè e mànaŋ wilɛ̀ naŋ nɔ̀ŋ e kɛnɛ niŋ,

Gàla 1:12

Wo nyuùŋkpùuŋ nààŋ goim wa wòò Ebò Siaŋ lɛɛ̀ ɔ̀ɔ̀ wo miŋ kaà. Ke mìè gbìaŋ miɛ̀ŋ naŋ wa yìwìè wo Jisɛ̀ Kulaì wuŋ bi sìwè e teengaà wò naim fòlò feìŋ nɛ.

Gàla 1:16

wèè woim tɔ̀ɔ̀ wo Jɔ̀àfelaauŋ nɔɔ̀ŋ, yèè ka wòò ke mìè gbìàŋ Ebò Siauŋ nɛ̀ koɓɛ̀ anyùùŋ nyaŋ fè àŋ Juùù nyaŋ. Miŋ gò wa kà koɓɛ̀ wò nyùùŋ gbiŋ wèè kè mìè gòo.

Ɛfesɔ̀ 3:10

Wo Dayà do nàŋ tòòmò ke gbòò anyuùŋ hààwe nyàŋ, wèè wo tɔ̀ɔ̀ anyùùŋ gbèègbèè fuɔŋ nyàŋ, yèè anyùùŋ gààŋ nyaŋ ko àìjɛnɛ̀ɛŋ aŋ nyìmàŋ e kèè maŋ jiikɛ̀ɛ gɛ̀wɛɛ̀ maŋ gbiŋ wò kuwa màŋ.

1Tɛsè 2:9

Tɔ̀ɔ̀nyaàŋ wùìyaim nyàŋ, nàŋ jàà jii e tòmo nyìngaà è naiŋ kɔ̀ dìì lɛ! È naiŋ tomo e dùùm yaà maŋ gɔɛ wèè e goiŋ nàŋ hìɛ̀ŋ è keì nyìnga gbiŋ kò diɛŋ è teengaà è yààìŋ wòo sùà Èbò Siaàŋ naŋ yèwè Dayà sìwè lɛ.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

Hiɓu 11:13

E yìwìà e hààwe sùà anyùùŋ nyɛɛ̀ŋ gbiŋ naŋ wa fɔ̀. Aŋ gò wa yɛ̀mɛ̀ mànɛ̀ŋ maŋ wò Dayà naŋ wa jɔ̀ɔ̀ è ɗààhiì kɛ̀ wò do nyiŋ wa nàŋ kiɛ̀ŋ lɛ, kɛɛ àŋ naŋ miŋ wa yɛmɛ̀ koɓɛ̀ dii yèè àŋ naŋ miŋ ɓeè, yèè àŋ naŋ nyimèè kɛ̀ àŋ yaà wa nɔŋ aŋ nyùùnèènyɛiŋ yèè anyùùŋ fuɔŋ joo e dììɛ diɛŋ.

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.

Hiɓu 4:2

È naiŋ wa kòmò Ebò Siaàŋ, màànààŋ nɔŋ àŋ naŋ niŋ wa kòmò lɛ, kɛɛ e gò nyiŋ wa nyìnìàŋ è keì kɛnɛ gbiŋ, esaɓù kɛ̀ àŋ naŋ wa gè maŋhɛɛ wèè aŋ hààwè e yèɛ àŋ naŋ wa kòmò lɛ.

1Pììlɛ 1:25

kɛɛ ke mìè Kànà Dayàa kè jeeyà wèè julɔfɔ.” Ke mìè yɛɛ̀ nàŋ yaà Ebò Siaàŋ àŋ naiŋ daanè lɛ.

1Pììlɛ 4:6

Wèè esaɓù lɛɛ̀, àŋ yaà wòò ebò siaàŋ koɓɛ̀ anyuùŋ fàa nyàŋ nyiŋ pɛɛ, wèè kɛ̀ sèè wo Dayà kpɛɛyɛ̀ nyiìŋ gbààì keì maŋ kèìŋ maŋ sùà wèè manɛ̀ŋ maŋ àŋ naŋ nyɛ̀nɛ̀ŋ nyiiŋ gèe nyiŋ màŋ sùà lɛ, aŋ jinàŋ nyiŋ nyàŋ do nàŋ nɔ̀ŋ nyiiŋ gèe sùà màànààŋ Dayà yaà lɛ.

Maŋ kèì nyɛɛnɛŋ 5:11

Mìŋ naŋ ɓɛìŋ yɛmɛ̀, yèè mìŋ naŋ kòmò maŋ mìè aŋ màikà jika jika aŋ yè nyaŋ wo nyùùŋ fè ɓɛ̀nɛ̀ŋ kpɛ̀nɛŋ nyàŋ! Àŋ naŋ sie àŋ kìlìà ke kpùà kanaà, maŋ ɗòlònɛ̀ŋ tiinàŋ maŋ yaà aŋ màmàŋkùmɛŋ nyàŋ,