1Jɔ̀ɔŋ 5:8 - WƆŊ FƐ̀Ì EBÒ SÌÀŊ DAYÀA

⁸ Aŋ sèì taai nyàŋ nàŋ yaà wo Jinàaŋ Dayàa, e wùìyèɛ, yèè maŋ sɛ̀ìŋ maŋ, yèè nyiŋ taai naŋ wòò e kèì ɗì guùŋ nɛ.

1Jɔ̀ɔŋ 5:8 ပူးပေါင်းရင်းမြစ်များ

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Jɔ̀ɔŋ 15:26

“Kpeiŋ mìŋ doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ yewe koɓɛ̀ wo Dèdaà wɔ yèè wò doiŋ nàŋ wòò e tɔ̀ɔ̀nyaàaŋ. Yèè wò doiŋ nàŋ kpuumò woiŋ wòò e tɔ̀ɔ̀nyaàaŋ e nyaàiŋ eim dè.

Jɔ̀ɔŋ 19:34

Yèè wo kààlòòɗùàa bà guùŋ naŋ zɔ̀ɔ̀lɔ̀ ke kpɛɛuŋ nɛɛ̀ŋ wo Jisɛ̀ e ɓula, yèè maŋ sɛ̀ìŋ yaà e wùìyè nao fòlò.

Nyɛ̀nɛ̀ŋ 15:15

Tɛɛ̀ naŋ nyɛ̀nɛ̀ŋ e yèɛ aŋ wɛ̀ijì nyaŋ naŋ wa sìngè lɛ naŋ hɛɛnɛ̀ŋ. Wɔŋ fɛ̀ì Dayàa naŋ woò wààŋ,

Luùm 8:16

Wo Jìnàŋ Nɛɛmaàŋ toomàŋ aŋ jinàŋ wi nyàŋ kùàŋ sùà wèè wo woò wààŋ è yààìŋ aŋ jɔ̀à Dayà.

2 Kɔliìŋ 1:22

wo yèɔ naŋ wi sìè le fee kɛ̀ wuŋ nàŋ kànàŋ wì wɔ, yèè wo yèɔ naŋ wi fè wo Jìnàŋ Dayàa maŋ jii wi màŋ sùà wɔ. Wuŋ naŋ nɔ̀ŋ ke jii nyììneɛ̀ wèè e nɛ̀ɛŋ gbiŋ wo Dayà kuwa ko bàànè hàa weè wilɛ̀.

Hiɓu 13:12

Wèè esaɓù lɛɛ̀, àŋ naŋ wa gè wo Jisɛ̀ ko jawa gbeeì, auŋ jìwà, wèè maŋ sɛnùuŋ màŋ nyɛ̀nɛ̀ŋ anyùùŋ nyaŋ aŋ nɔ̀ŋ nɛɛmaŋ sùà.

Hiɓu 6:4

Kɛɛ anyùùŋ nyaŋ naŋ fè wo Dayà jɛwɛ nyàŋ, aŋ fè ɓɛìŋ ɓɛ̀nɛ̀ŋ fè maŋ tùwo naanààŋ nyiŋ màŋ jɛwɛ wèè aŋ kìlà kòɓɛ̀ Dayài. Àŋ naŋ wa yɛ̀mɛ̀ e gbòlòùŋ Dayàa e tèèngà guùŋ, yèè aŋ naŋ yɛ̀mɛ̀ e nɛ̀ŋ kìɛ̀ŋ ko àìjɛnɛ̀ɛŋ, e kìlà àŋ naŋ nɔ̀ŋ aŋ bà nyiŋ bà e nyaàiŋ dè wo Jìnàŋ Nɛɛmaàŋ.

1Pììlɛ 3:21

E wuiyè jòwaà naŋ wa nɔ̀ŋ e tɔ̀ɔ̀màŋsèì e gùò Dayàa, naiŋ naàŋ joeyè lɛ. E fè nɔŋ wèè maŋ gùà kèìŋ maŋ è ninaŋ, kɛɛ e ɗààhiìɛ nìŋ ɓemàŋ maŋ gòngò jii sengèì diɛŋ ko fɛ̀ɛ̀fèìŋ Dayà lɛ, esaɓù kɛ̀ wo Dayà naŋ gè Jisɛ̀ Kulaìɛ e fàa dìì,

1Jɔ̀ɔŋ 5:9

È naiŋ hààwè ke mìè sèì nyuùŋ kpùnɔɔ̀ŋ. Kɛɛ ke mìè sèì Dayàa kè kuwa gaàŋ gbee, yèè wò naŋ kìɛ̀ŋ ke mìè seì yɛɛ̀ e nyaàiŋ dè wo Jɔ̀àfelaauŋ nɔɔ̀ŋ.