1Jɔ̀ɔŋ 5:21 - WƆŊ FƐ̀Ì EBÒ SÌÀŊ DAYÀA

²¹ Nyɛ̀iŋ nààŋ jɔ̀àim nyàŋ, yɛ̀mɛìŋ nyɛ̀iŋ bi diɛŋ wèè aŋ dayà joo nyàŋ.

1Jɔ̀ɔŋ 5:21 ပူးပေါင်းရင်းမြစ်များ

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

1 Kɔliìŋ 10:14

E wèètii nyɛ̀iŋ nààŋ wùìyaim nyàŋ, ɓɔ̀ nìŋ gbɛ̀ɛ̀ è kèè àŋ dayà joo zòòlo è kɔɔ.

1 Kɔliìŋ 10:7

Ɓɔ̀ è zoolòiŋ maŋ gòò, nààŋ aŋ bà nyiŋ naŋ wa nyɛ̀nɛ̀ŋ lɛ. Nààŋ fɛ̀ì Dayàa naŋ woò lɛ, “Anyùùŋ nyaŋ naŋ jɛi wèè aŋ jènɛ̀ŋ e kìlà aŋ tìà e dèènè ɗaa gèe sùà yèè àŋ nyɛ̀nɛ̀ŋ gbana wèè aŋ jɔɔlɔ̀ aŋ dayà joo dìì.”

1Tɛsè 1:9

Anyùùŋ nyiiŋ gbiŋ woà e kèè e ɗeweɛ̀ nìŋ naŋ wi jàà kùàŋ dìì e teengaà è naiŋ jaamè lɛ, yèè e ɗeweɛ̀ nìŋ naŋ gè kùàŋ kèè aŋ dayà joo zòòlo sùà wèè naŋ tomo wèè wo Dàyà tɔ̀ɔ̀nyaàaŋ wo yèɔ yaà wɔŋ nyiiŋ gèeɔ̀ sùà wɔ,

1Jɔ̀ɔŋ 2:1

Mìŋ yaà tɛɛ̀ sìngà sùà ko nɛ̀ɛ̀ŋ niìŋ, nyɛ̀iŋ nààŋ jɔ̀àim nyàŋ, wèè kɛ̀ ɓɔ̀ nìŋ nyɛ̀nɛ̀ŋ màŋ kèì jùumù, kɛɛ sèè wo nyùnɔ̀ɔŋ gbiŋ naŋ nyɛ̀nɛ̀ŋ maŋ kei jùumù wɔ, è kùwàìŋ wo nyùùŋ wèè wo pɔ̀wɔ̀ wo Dèdaà e wèè wi, wo nyùùŋ bi nàŋ yaà wo Jisɛ̀ Kulaì wo nyùùŋ tɔ̀ɔ̀nyaàaŋ.

Maŋ kèì nyɛɛnɛŋ 14:11

Ke kòmò e hmɔ̀ɔ̀ɛŋ do nyiŋ nàŋ kìɛ̀ŋ e keì nyìnga yɛ̀, do nàŋ jòwò ko fùùiŋ wèè julɔfɔ yèè julɔfɔ. Anyùùŋ nyaŋ do nàŋ zòòlò wo yilì kùùnoɔ̀ yaà wo dayà joouŋ nɔɔ̀ŋ nyaŋ, aŋ naàŋ pɛɛ gè nyiiŋ wèè è teenga kpuu è keì nyìnga nyiŋ nɛ̀ sùà maŋ dùùm yèè maŋ gɔɛɛ, nààŋ àŋ naŋ nyimèè wèè wo nyiŋ sìngà e deèuŋ nɛ̀.”

Maŋ kèì nyɛɛnɛŋ 9:20

Anyuùŋ ziì gbànaŋ nyàŋ gbiŋ, aŋ yè nyaŋ maŋ keì nyìnga mɛɛ̀ŋ gò wa jìwà nyaŋ, aŋ gò wa kìlà koɓɛ̀ Dayài wèè aŋ dàngè àŋ dayà joo zòòlo nyàŋ nyiŋ bi naŋ wa banè nyaŋ. Àŋ hewa zòòlò aŋ jinàŋ naanààŋ, aŋ dayà joo bàànè gòoò, e kaiŋ fua, maŋ kàì, le dùò, yèè maŋ kùù, maŋ yè maŋ fè kòmàŋ màŋkàìŋ, maŋ fè yɛ̀mɛ̀ dìì ɔ̀ɔ̀ maŋ kaaìŋ.