1Jɔ̀ɔŋ 5:19 - WƆŊ FƐ̀Ì EBÒ SÌÀŊ DAYÀA

¹⁹ Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.

1Jɔ̀ɔŋ 5:19 ပူးပေါင်းရင်းမြစ်များ

Luù 4:6

Wo Sɛ̀tanàaŋ naŋ wòò wo Jisɛ̀ wààŋ, “Miŋ doum nàŋ kìɛ̀ŋ e gààŋ yèè e tɛ̀ɛ̀tɛ̀ɛ̀ manɛ̀ŋ mɛɛ̀ŋ gbiŋ. Manɛ̀ŋ mɛɛ̀ŋ gbiŋ màŋ nɔ̀ŋ kìɛŋ miŋ ko nɛ̀ɛ̀ŋ miìŋ, yèè kà miŋ ɓɛ̀nɛ̀ŋ kìɛ̀ŋ wo nyùnɔ̀ɔŋ gbiŋ mìŋ manaŋ wɔ̀.

Jɔ̀ɔŋ 12:31

Kpeiŋ kɛ̀ e teengaà lɛɛ̀ naàŋ wèè wo Dayà wo gbàì anyùùŋ nyaŋ e ɗuunyaàŋ, yèè wo Dayà kòò wò jaa naàŋ wo sìèfèìŋ e ɗuunyaŋ lɛɛ̀ diɛŋ tɛ.

Jɔ̀ɔŋ 14:30

Miŋ naàŋ ɓɛìŋ gbòò kò nɛ̀ɛ̀iŋ niìŋ wèè è teenga mùnlaŋ, esaɓù kɛ̀ wo ɓɛ̀màŋɗì e kànà ɗuunyaŋ lɛɛ̀ kòò wò yaà hinie. Kɛɛ wo kuwà è gààŋ kò diɛim.

Jɔ̀ɔŋ 16:11

È yaà e keì jèèe nyiŋ esaɓù kɛ̀ wo Dayà wò naàŋ hàà e kìtì tɔ̀ɔ̀nyaàŋ wo ɓɛ̀màŋɗì e kànà ɗuunyaŋ lɛɛ̀ diɛŋ.

Jɔ̀ɔŋ 17:15

Dèda, miŋ gòum dawè wèè maŋ gè anyùùŋ màŋjɛ̀wɛ̀im nyàŋ è ɗuunyaŋ lɛɛ̀ sùà, kɛɛ muŋ yɛmɛ̀ nyiŋ diɛŋ e yìwìà wo Sɛ̀tanàaŋ sìwè.

Luùm 8:16

Wo Jìnàŋ Nɛɛmaàŋ toomàŋ aŋ jinàŋ wi nyàŋ kùàŋ sùà wèè wo woò wààŋ è yààìŋ aŋ jɔ̀à Dayà.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

2 Kɔliìŋ 5:1

Èiŋ nyìmàŋ kɛ̀ ke saaŋ yɛɛ̀ è yààìŋ yɛi dìì le tèènè mààŋ kè kpùnaŋ wiɛ̀, sèè kè gɔɛ gɔ̀ɛ̀, è kùwàìŋ ke saaŋ e yìwìà Dayà sìwè. Ke saaŋ gò nyìlìà lè sìwè kè yaà ke saaŋ wèè julɔfɔ ko àìjɛnɛ̀ŋ.

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

Ɛfesɔ̀ 2:2

E teenga lii sùà nìŋ naŋ wa dè maŋ kpèè nàànààŋ ɗuunyaàŋ màŋ maŋjɛ̀wɛ, yèè nìŋ naŋ jɔ̀ɔ̀lɔ̀ wo nyuùŋ gbeeɔ̀ wèè maŋ gààŋ aŋ jìnàŋ nyaŋ ke nyiliɛ̀ sùà wo jinàaŋ sia anyùùŋ nyaŋ gbiŋ feìŋ, aŋ yè nyaŋ fè jɔ̀ɔ̀lɔ̀ Dayà dìì nyaŋ.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

Jìiiŋ 4:4

Nyɛ̀iŋ nààŋ nyuùŋ gò jilɛ̀ŋ nyɛɛ̀ŋ, niŋ nyimààŋ kɛ̀ sèè nìŋ nɔ̀ŋ ànyuùŋ mɔ̀ɔ̀nɔŋ koɓɛ̀ è ɗuunyaàŋ è naŋ tɔɔ̀ kɛ̀ nìŋ yaà àŋ joo koɓɛ̀ Dayài? Wèètii wo nyùnɔ̀ɔŋ gbiŋ naŋ nyɛ̀nɛ̀ŋ e wùànàŋ wèè wo nɔ̀ŋ wo dàwi koɓɛ̀ e ɗuunyaàŋ wɔ, wò mììnè wuŋ bi wo jòò Dayà.

1Jɔ̀ɔŋ 3:14

Sèè e weè nɔ̀ŋ e keì wòo, èiŋ nyìmàŋ kɛ̀ e fèiŋ ɓɛìŋ è fàa dìì. È yààìŋ naàŋ wɔŋ nyiiŋ gèe sùà. Esaɓù kɛ̀, è mànàìŋ anyuùŋ hààwe dàwi wi nyàŋ. Wo nyùnɔ̀ɔŋ gbiŋ manàŋ wo dàwiuŋ nɔɔ̀ŋ wɔ, wò yaà e gààŋ fàa dìì.

1Jɔ̀ɔŋ 3:24

Anyùùŋ nyaŋ jɔɔlɔ̀ ke Sàwà Dayà dìì nyaŋ, àŋ yaà e mìèsùàguùŋ sùà ko fɛ̀ɛ̀fèìŋ Dayà, yèè wo Dayà yaà e mìèsùàguùŋ sùà ko nɛ̀ɛ̀ŋ nyiŋ niìŋ. Yèè e nɛ̀ɛŋ nyɛnɛŋ eiŋ nyìmàŋ kɛ̀ yàwi nààŋ Dayà yààìŋ mìèsùàguùŋ sùà lɛ nàŋ yaà kɛ̀, wò naŋ wi fè wo Jinàuŋ nɔɔ̀ŋ wèè wo wi nɔ̀ŋ maŋjɛ̀wɛ.

1Jɔ̀ɔŋ 5:10

Wo nyùnɔ̀ɔ̀ŋ gbiŋ naŋ sìè e hààwe wo Jɔ̀àfèlàà Dayaà sùà wɔ, wò kuwa ke mìè seìɛ ke jiiuŋ nɛɛ̀ŋ sùà. Kɛɛ wo nyùnɔ̀ɔ̀ŋ gbiŋ gò hààwè wò Dayà wɔ wò mììnè Dayà nyuùŋ tòa, e fèfoo wo gò hààwè kè mìè seìɛ wò Dayà naŋ fè è nyaàiŋ dè wò Jɔ̀àfelaauŋ nɔɔ̀ŋ lɛ.

1Jɔ̀ɔŋ 5:13

Mìŋ naŋ tɛɛ̀ sìngè ko nɛ̀ɛ̀iŋ niìŋ nyɛ̀iŋ nyàŋ naŋ hààwè e dèè Jɔ̀àfèlàà Dayàa sùà nyaŋ, wèè naŋ nyìmàŋ kɛ̀ nìŋ kuwa wɔŋ nyiiŋ gèe gò jùà.

1Jɔ̀ɔŋ 5:15

Wo Dayà komo e mìè nyaàŋ wilɛ̀ e teenga gbiŋ sèè è dawàuŋ. Yèè nààŋ è naiŋ nyìmè kɛ̀ tɛɛ̀ yaà e tɔɔɓaa, eiŋ ɓɛìŋ nyìmàŋ kɛ̀ e nɛ̀ɛ̀ŋ gbiŋ è dawàuŋ wèè niŋ lɛ̀ wò kiɛ̀ŋ wiì nìŋ.

1Jɔ̀ɔŋ 5:18

Èiŋ nyìmàŋ kɛ̀ aŋ jɔ̀à Dayà fè nɔŋ nɔ̀ŋ nyɛ̀nɛ̀ŋ sùà màŋ keì naanààŋ keleiŋ, esaɓù kɛ̀ wo Jɔ̀àfèlàà Dayàa yɛmɛ̀ nyiìŋ diɛŋ, yèè wo Nyuùŋ kɛ̀ɛ̀nɛ̀ŋ ke Kpèè naanààaŋ fè nyiŋ jàà keì nyìnga.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 20:3

Wo màikàa nauŋ gbìɛ̀ŋ ko golo zutùùiŋ, wouŋ sìà kpòò, yèè wò naŋ wuŋ hàà e fèè yìla wɔŋ nyààŋ, wèè kɛ̀ wo go wa ɓɛìŋ nàŋ zùwò anyùùŋ maŋ fuɔŋ màŋ sùà e jèèsùà maŋ doa tààsùùŋ guùŋ maŋ jùà. Eɓìèmàŋjɛ̀wɛ̀ tii, àŋ douŋ nàŋ filè wèè e teenga kpuu.