1Jɔ̀ɔŋ 5:18 - WƆŊ FƐ̀Ì EBÒ SÌÀŊ DAYÀA

¹⁸ Èiŋ nyìmàŋ kɛ̀ aŋ jɔ̀à Dayà fè nɔŋ nɔ̀ŋ nyɛ̀nɛ̀ŋ sùà màŋ keì naanààŋ keleiŋ, esaɓù kɛ̀ wo Jɔ̀àfèlàà Dayàa yɛmɛ̀ nyiìŋ diɛŋ, yèè wo Nyuùŋ kɛ̀ɛ̀nɛ̀ŋ ke Kpèè naanààaŋ fè nyiŋ jàà keì nyìnga.

1Jɔ̀ɔŋ 5:18 ပူးပေါင်းရင်းမြစ်များ

Maafiù 5:37

Tɔ̀ e yèɛ nìŋ woà lɛ e nɔ̀ŋ ‘Èèè’ ɔ̀ɔ̀ ‘Kpele.’ Eɓìèmàŋjɛ̀wɛ̀ tɛɛ̀, e yèɛ gbiŋ nìŋ woà naàŋ lɛ è yewe wo Sɛ̀tanàŋ sìwè, wo Nyuùŋ Kɛ̀ɛ̀nɛ̀ŋ ke Kpèè naanààaŋ.

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Jɔ̀ɔŋ 1:13

Aŋ fè wa àŋ jɔ̀à àŋ yè nyaŋ wò Dayà yaà wò nyuùŋkpùuŋ naŋ kòmò maŋ sɛ̀ìŋ guùŋ sùà nyaŋ. Wo Dayà wuŋ bi naŋ nyiŋ wa nyɛ̀nɛ̀ŋ aŋ jɔ̀àuŋ.

Jɔ̀ɔŋ 14:30

Miŋ naàŋ ɓɛìŋ gbòò kò nɛ̀ɛ̀iŋ niìŋ wèè è teenga mùnlaŋ, esaɓù kɛ̀ wo ɓɛ̀màŋɗì e kànà ɗuunyaŋ lɛɛ̀ kòò wò yaà hinie. Kɛɛ wo kuwà è gààŋ kò diɛim.

Jɔ̀ɔŋ 15:4

Jèeìŋ e jààneiŋ ko nɛ̀ɛ̀ŋ miìŋ, yèè miàŋ pɛɛ mìŋ do nàŋ jèè e jààneim ko nɛ̀ɛ̀iŋ niìŋ. Màànààŋ nɔŋ ke kuù kpee fè ɓɛ̀nɛ̀ŋ kòmaŋ kùàŋ kiìŋ bi sɔɔ̀ nɔŋ ke jèè e jààne nyiŋ koɓɛ̀ ke kuùkpù gbeeɛ̀ lɛ, e ɗèwè guùŋ lɛɛ̀ sùà, nyɛ̀iŋ nààŋ nyùùŋ màŋjɛ̀wɛ̀im nyàŋ fè ɓɛ̀nɛ̀ŋ nyɛ̀nɛ̀ŋ è keì gbiŋ wɔ̀ŋ kùàŋ wùùŋ maiŋ sɔɔ̀ naŋ jèè aŋ bàiŋbà nɔ̀ɔŋ ko nɛ̀ɛ̀ŋ miìŋ.”

Jɔ̀ɔŋ 15:7

Sèè nìŋ jeeà aŋ bàimbà nɔ̀ɔŋ yèè maŋ mìè gbìaim màŋ maŋ jèè maŋ nyiiŋ geiŋ màŋ sùà, kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè wèè woiŋ kiɛ̀ŋ lɛ.

Jɔ̀ɔŋ 15:9

Mìŋ mànàìŋ màànààŋ nɔŋ wo Dèda miɔ̀ŋ mànàìm lɛ. Jèeìŋ e hààwe e mànaŋ mɛ̀ sùà.

Nyɛ̀nɛ̀ŋ 11:23

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà.

Jìiiŋ 1:18

Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.

Jìiiŋ 1:27

Wo Dayà wo Dèda wiɔ̀, wo nyùnɔ̀ɔŋ wò naŋ jàà kùàŋ dìì wèè wo nɔ̀ŋ wo nyuùŋ zòòlò tɔ̀ɔ̀nyaàŋ wɔ, yèè wò yaà zɛ̀nɛuŋ e tɔ̀mɛ fèeùŋ wɔ̀, mɛɛ̀ŋ nàŋ yaà maŋ keì maŋ wò kuwa wo nyɛ̀nɛ̀ŋ maŋ, wèè wo kìɛ̀ŋ e kpùùmaŋ koɓɛ̀ aŋ jɔ̀à è dàà nyaŋ yaà aŋ jɔ̀ùŋnèèdàà nyaŋ, e teengaà àŋ yaà e keì nyìnga nyiŋ nɛ̀ sùà lɛ, e kìlà wo yɛmɛ̀ wuŋ bi diɛŋ wèè wo go nàŋ nyɛ̀nɛ̀ŋ màŋ keì nàànààŋ ɗuunyaŋ màŋ.

1Pììlɛ 1:23

Esaɓù ke mìè nyiiŋ gèe gò jùà Dayàa sùà, naŋ nyɛ̀nɛ̀ŋ nìŋ naŋ ɓɛìŋ nɔ̀ŋ e kòmaiŋ jɛ̀ì mààŋ aŋ jɔ̀à wo nyuùŋ kòmaàŋ wo yèɔ fè fà wɔ.

1Jɔ̀ɔŋ 2:29

Nàŋ nyìmàŋ kɛ̀ wo Jisɛ̀ Kulaì yaà wo nyùùŋ tɔ̀ɔ̀nyaàŋ. Kpeiŋ nìŋ kuwa naŋ nyìmàŋ kɛ̀, wo nyùnɔ̀ɔ̀ŋ gbiŋ naŋ nyɛ̀nɛ̀ŋ e yèɛ yaà e tɔ̀ɔ̀nyaàŋ lɛ wò yaà jɔ̀à Dayà.

1Jɔ̀ɔŋ 3:12

Yèè ɓɔ̀ è nɔ̀iŋ mààŋ wo Kiìŋ, wò yaà wo nyùùŋ Sɛ̀tanàŋ, wo yèɔ naŋ wa jìwè wo wùìyà wuŋ biɔ̀ Eɓɛ̀ɛ̀ wɔ. Wèè kiìŋ saɓù wo Kiìŋ naŋ wa jìwè wo Eɓɛ̀ɛ̀? Wò naiŋ wa nyɛ̀nɛ̀ŋ esaɓù kɛ̀ wo nanàuŋ nɔɔ̀ŋ yaà wa wo nyùùŋ tɔ̀ɔ̀nyaàŋ, kɛɛ wuŋ bi wò yaà wa wɔŋ fàà wo Nyùùŋ Kɛ̀ɛ̀nɛ̀ŋ ke kpèè naanààaŋ.

1Jɔ̀ɔŋ 3:3

Wo nyùnɔ̀ɔŋ gbiŋ kuwa ke jii tùlia yɛɛ̀ wo Jisɛ̀ Kulaì sùà wɔ, wò nyɛnɛŋ wuŋ bi sengei màànààŋ wo Jisɛ̀ wuŋ bi yaà sengei lɛ̀.

1Jɔ̀ɔŋ 3:9

Aŋ yè nyaŋ yaà aŋ jɔ̀à Dayà nyaŋ, aŋ fè nɔŋ nɔ̀ŋ màŋ jùumù sùà keleiŋ. Esaɓù nàŋ yaà kɛ̀ ke sɔ̀ŋ Dayàa yaà nyiìŋ sùà. Yèè nààŋ wo Dayà nàŋ yaà wo Dèda nyiŋ nɔɔ̀ŋ lɛ, aŋ fè nyɛ̀nɛ̀ŋ màŋ kèì jùumù keleiŋ.

1Jɔ̀ɔŋ 4:6

È yààìŋ aŋ jɔ̀à Dayà, wo nyùnɔ̀ɔŋ gbiŋ naŋ nyìmè wo Dayà wɔ wò kumìàŋ wì. Kɛɛ wo nyùnɔ̀ɔ̀ŋ gbiŋ nyimààŋ wo Dayà wɔ wo fè wi kumìàŋ. Tɛɛ̀ nàŋ nyɛnɛŋ eiŋ nyìmàŋ e fèèmàŋ Jìnàŋ tɔ̀ɔ̀nyaàaŋ yaà wo jinàŋ tòaà.

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.

1Jɔ̀ɔŋ 5:15

Wo Dayà komo e mìè nyaàŋ wilɛ̀ e teenga gbiŋ sèè è dawàuŋ. Yèè nààŋ è naiŋ nyìmè kɛ̀ tɛɛ̀ yaà e tɔɔɓaa, eiŋ ɓɛìŋ nyìmàŋ kɛ̀ e nɛ̀ɛ̀ŋ gbiŋ è dawàuŋ wèè niŋ lɛ̀ wò kiɛ̀ŋ wiì nìŋ.

1Jɔ̀ɔŋ 5:19

Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

1Jɔ̀ɔŋ 5:21

Nyɛ̀iŋ nààŋ jɔ̀àim nyàŋ, yɛ̀mɛìŋ nyɛ̀iŋ bi diɛŋ wèè aŋ dayà joo nyàŋ.

1Jɔ̀ɔŋ 5:4

Wo jɔ̀à Dayà gbiŋ ɓɛ̀nɛ̀ŋ ɓùlà e ɗuunyaàŋ. Yèè e hààwe wilɛ̀ nàŋ kiɛ̀ŋ wì e gààŋ bi.

Juù 1:21

yèè nyɛ̀iŋ bi niŋ nɔ̀ŋ e mànàŋ Dayàa sùà, niŋ fòlà wo Kana wiɔ̀ Jisɛ̀ Kulaì wo kiɛ̀iŋ wɔŋ nyiiŋ gèe gò jùà e yìwìà ke nyowouŋ nɛɛ̀ŋ sùà.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.

Maŋ kèì nyɛɛnɛŋ 2:13

Kà nyìmàŋ kɛ̀ koɓɛ̀i mùŋ joà lɛ, kuŋ wo Sɛ̀tanàŋ kuwa ke kpùà kanauŋ nɛɛ̀ŋ. Mùŋ yaà e tɔ̀ɔ̀nyaàŋ sùà ko nɛ̀ɛ̀ŋ miìŋ, e kìlà muŋ gò gììyà è hààwe mɔ̀ɛ̀ màŋhɛɛ e deè mɛ̀ sùà, e yìwìà e teengaà pɛɛ àŋ naŋ wa jìwè wo Aŋtipà, wo sèì tɔ̀ɔ̀nyaàŋ miɔ̀ŋ, koɓɛ̀i wo Sɛ̀tanàŋ joà lɛ.