1Jɔ̀ɔŋ 5:14 - WƆŊ FƐ̀Ì EBÒ SÌÀŊ DAYÀA

¹⁴ È kùwàìŋ ke jii nyingè ko fɛ̀ɛ̀fèìŋ Dayà, esaɓù èiŋ nyìmàŋ kɛ̀ wò komo ke miè wiɛ̀ sèè è dawàuŋ wèè e keì ɗewe gbiŋ e yìwìà e mànauŋ nɛ̀ sùà wò do wi niŋ nàŋ kiɛ̀ŋ.

1Jɔ̀ɔŋ 5:14 ပူးပေါင်းရင်းမြစ်များ

Maafiù 21:22

Sèè mùŋ kɛɛnɛ̀ŋ e hààwe, wo Dayà doum nàŋ kìɛ̀ŋ e nɛ̀ɛŋ gbiŋ mùŋ dawàuŋ weè niŋ lɛ̀ e zòòlo sùà.”

Jɔ̀ɔŋ 11:42

Kà nyìmàŋ kɛ̀ mùŋ jaa e zòòlo mɛ̀ kùàŋ dìì e teenga gbiŋ, kɛɛ mìŋ naŋ tɛɛ̀ woò wèè esàɓù anyùùŋ nyɛɛ̀ŋ kià, wèè kɛ̀ aŋ haawè kɛ̀ muàŋ naim tùɔ̀ŋ.”

Jɔ̀ɔŋ 14:13

Yèè e nɛ̀ɛŋ gbiŋ nìŋ do nàŋ dawè weè niŋ e deè mɛ̀ sùà lɛ, mìŋ doiŋ niŋ nàŋ kiɛ̀ŋ. Tɛɛ̀ do nàŋ hìɛ̀ŋ e jòòwo koɓɛ̀ Dèdaà esàɓù miàim wo Jɔ̀àfelaaà sùà.

Jɔ̀ɔŋ 15:7

Sèè nìŋ jeeà aŋ bàimbà nɔ̀ɔŋ yèè maŋ mìè gbìaim màŋ maŋ jèè maŋ nyiiŋ geiŋ màŋ sùà, kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè wèè woiŋ kiɛ̀ŋ lɛ.

Jɔ̀ɔŋ 16:24

Kòò nìŋ dàwè wò Dayà wèè wo nyɛ̀nɛ̀ŋ è nɛ̀ŋ gbiŋ weèiŋ è teenga lɛɛ̀ sùà kpɛlɛɛ, kɛɛ kùùno nùuŋ naàŋ dàwè wèè e nɛ̀ɛŋ nìŋ naŋ kpɛɛ̀ŋ weè niŋ lɛ̀ e deè mɛ̀ diɛŋ. Sèè nìŋ nyɛnɛŋ tii, wò doiŋ niŋ nàŋ kiɛ̀ŋ, wèè kɛ̀ niŋ nɔ̀ŋ e zɔlɔ̀ gbee sùà.”

Jɔ̀ɔŋ 9:31

Kà nyìmàŋ kɛ̀ wo Dayà fè kùmìàŋ ànyùùŋ màŋ jùumù. Wò kumiàŋ anyùùŋ nyaŋ kiɛ̀uŋ ɓɛ̀ɛ̀jàa e kìlà àŋ nyɛnɛŋ e yèɛ wò manaŋ àŋ nyɛ̀nɛ̀ŋ lɛ.

Ɛfesɔ̀ 3:12

Wo Jisɛ̀ Kulaì naŋ wi kìɛ̀ŋ ke jii nyingè yèè ke jii tùlia wèè eiŋ hnàŋ koɓɛ̀ Dayài e hààwe sùà.

Hiɓu 10:35

Kɛ̀ɛ̀nɛìŋ maŋ jii nyingè, esaɓù kɛ̀ màŋ doiŋ nàŋ hìɛ̀ŋ e jìwààjɛ̀wɛ̀ siaŋ gbee.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Jìiiŋ 4:3

Nìŋ dawà wo Dayà, kɛɛ wo fèiŋ miŋ kiɛ̀ŋ, esaɓù kɛ̀ nìŋ kuwìà maŋ ɗèwe naanààŋ. Nìŋ dawà wèè manɛ̀ŋ wèè naŋ miŋ gbìàŋ e gbànà nyɛ̀iŋ biɛ̀ sùà.

Jìiiŋ 5:16

Weètii, wòoìŋ maŋ jùumùiŋ màŋ nyɛ̀iŋ bi e fèemàŋ e kìlà niŋ zoolò wèè aŋ dàwiiŋ nyàŋ, wèè niŋ jòèyà. E zòòloɛ̀ nyùùŋ tɔ̀ɔ̀nyaàaŋ kuwa lɛ̀, e gaàŋ gbee yààìŋ sùà yèè è tomàŋ.

1Jɔ̀ɔŋ 2:28

Nyɛ̀iŋ nààŋ jɔ̀àim nyàŋ, jèeìŋ aŋ bàiŋbà wo Jisɛ̀ Kulaì sùà, e wèè sèè wo hnàŋ wa nàwèè eiŋ kɛ̀ɛ̀nɛ̀ŋ ke jii tùlia yèè e naìŋ nyɛ̀ɛ̀nɛ̀ŋ è sàngè sùà kè ɗɔ̀ɔ̀ hnàauŋ nɛɛ̀ŋ diɛŋ.