1Jɔ̀ɔŋ 5:12 - WƆŊ FƐ̀Ì EBÒ SÌÀŊ DAYÀA

¹² Wo nyùnɔ̀ɔŋ gbiŋ naŋ hààwè wo Jɔ̀àfèlàà Dayàa wɔ̀ wò kuwa wɔŋ nyiiŋ gèe, wo nyùnɔ̀ɔŋ gbiŋ zà gò hààwè wò Jɔ̀àfèlàà Dayàa wɔ̀ wo kuwà wɔ̀ŋ nyiiŋ gèeɔ̀.

1Jɔ̀ɔŋ 5:12 ပူးပေါင်းရင်းမြစ်များ

Jɔ̀ɔŋ 1:12

Jòòpɛɛ anyùùŋ nyaŋ bà nyiŋ nauŋ wa jàà kùàŋ dìì yèè àŋ nauŋ sìè e hààwe nyiŋ nɛ̀ sùà. Anyùùŋ bi wò naŋ wa kìɛ̀ŋ e tɔ̀ɔ̀nyaàŋ wèè aŋ nɔ̀ŋ aŋ jɔ̀à koɓɛ̀ Dayài.

Jɔ̀ɔŋ 3:15

Sèè è nɔ̀ŋ yɛi, wo nyùnɔ̀ɔŋ gbiŋ kɛɛnɛ̀ìm e hààwe sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

2Jɔ̀ɔŋ 1:9

Wo nyùnɔ̀ɔŋ gbiŋ gò jèè è kàà kìì Kulaì lɛɛ̀ diɛŋ wɔ̀, kɛɛ wo nììnyàŋ e kàà kii bi wɔ̀, wo kuwà Dayà kè jiiuŋ nɛɛ̀ŋ sùà. Wo nyùnɔ̀ɔŋ gbiŋ naŋ jèè e kàa kii lɛɛ̀ diɛŋ wɔ̀ wò kuwa wo Dèdaà yèè wo Jɔ̀àfelaauŋ nɔɔ̀ŋ ke jiiuŋ nɛɛ̀ŋ sùà.