1Jɔ̀ɔŋ 5:11 - WƆŊ FƐ̀Ì EBÒ SÌÀŊ DAYÀA

¹¹ Ke mìè seì bi nàŋ yaà, kɛ̀ wo Dayà naŋ wi kìɛ̀ŋ wɔŋ nyiiŋ gèe gò jùà, yèè wɔŋ nyiiŋ gèe wɛɛ̀ŋ wɔ̀ŋ folo wo Jɔ̀àfelaauŋ nɔ̀ɔ̀ŋ sùà.

1Jɔ̀ɔŋ 5:11 ပူးပေါင်းရင်းမြစ်များ

Maafiù 25:46

Yèè wo Jisɛ̀ naŋ woò wààŋ, àŋ do nàŋ tùɔ̀ŋ anyùùŋ nyɛɛ̀ŋ koɓɛ̀ e keì nyìnga gò jùà, kɛɛ anyùùŋ tɔ̀ɔ̀nyaàŋ nyaŋ do nàŋ kɔ̀ koɓɛ̀ wɔŋ nyiiŋ gèe gò jùà.”

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 1:4

Wuŋ nàŋ yaà wa ko tɔ̀ɔ̀tù wɔŋ nyiiŋ gèeɔ̀, yèè wɔŋ nyiiuŋ nɔɔ̀ŋ nàŋ wa kìɛ̀ŋ e gbolòùŋ koɓɛ̀ anyùùŋ nyaŋ gbiŋ.

Jɔ̀ɔŋ 10:28

Yèè mìŋ do nyiŋ nàŋ kìɛ̀ŋ wɔŋ nyiiŋ gèe gò jùà, yèè kɛ̀ aŋ naàŋ wa nàwèè ɓɛìŋ fɔ̀. Wo nyùùŋ gbiŋ fèim nyiŋ ɓɛ̀nɛ̀ŋ gè kò sìwè.

Jɔ̀ɔŋ 12:50

Kà nyìmàŋ kɛ̀ e yèɛ wò woà lɛ è hiàŋ wɔŋ nyiiŋ gèe gò jùà. Esaɓùɛ lɛɛ̀ mìŋ woàìŋ yèɛ wo Dèdaà ko àìjɛnɛ̀ŋ naim woò kinɛiŋ lɛ̀.”

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 19:35

Èiŋ nyìmàŋ kɛ̀ tɛɛ̀ è yaà e tɔɔɓaa, esaɓù kɛ̀ wo nyùùŋ bà naŋ niŋ wa yɛmɛ̀ e kìlà wò naŋ kìɛ̀ŋ ke mìè seì, wèè kɛ̀ nyɛ̀iŋ pɛɛ niŋ kɛɛnɛ̀ŋ e hààwe.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 4:36

Wo nyùnɔ̀ɔŋ yèɔ kpaa manɛ̀ŋ ɓù maŋ wɔ̀, yɛmɛ̀ e pààwa, e kìlà àŋ gbonàŋ maŋ kùù kòmàŋ wɔŋ nyiiŋ gèe gò jùà, wèè kɛ̀ wo nyuùŋ tòmò ɓùɔ yèè wo nyuùŋ kpàà manɛ̀ŋ ɓùɔ naŋ ɓɛ̀nɛ̀ŋ gììyà e zɔlɔ̀ koɓɛ̀ guùŋ.

Jɔ̀ɔŋ 4:4

È yaà wa esàɓù ke nyɛ̀nɛ̀ŋ Dayàa kɛ̀ wo Jisɛ̀ naŋ wa kɔ̀ɛ̀ ko Sàmilià.

Jɔ̀ɔŋ 5:21

Màànààŋ nɔŋ wo Dèda miɔ̀ŋ gè anyuùŋ fàa nyàŋ dìì yèè wo nyiŋ kìɛ̀ŋ wɔŋ nyiiŋ gèe, yɛi nɔŋ e ɗèwè guùŋ bi sùà miàim wo Jɔ̀àfelaauŋ nɔɔ̀ŋ kiɛ̀ŋ wɔŋ nyiiŋ gèe koɓɛ̀ wo nyùnɔ̀ɔŋ mìŋ manaŋ wɔ̀.

Jɔ̀ɔŋ 5:26

Màànààŋ nɔŋ wo Dèdaà wuŋ bi nàŋ yaà ko tɔ̀ɔ̀tù wɔŋ nyiiŋ gèeɔ̀ lɛ, e ɗèwè guùŋ bi sùà wò naŋ nyɛ̀nɛ̀ŋ miàim wo Jɔ̀àfelaauŋ nɔɔ̀ŋ naŋ nɔ̀ŋ ko tɔ̀ɔ̀tù wɔŋ nyiiŋ gèeɔ̀.

Jɔ̀ɔŋ 6:40

Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”

Jɔ̀ɔŋ 6:47

Mìŋ yààìŋ wòò e tɔɔɓaaà kɛ̀, wo nyùnɔ̀ɔŋ kɛɛnɛ̀ìm e hààwe ko sùà wɔ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 6:68

Kpeiŋ wo Saimɔŋ Piilɛ̀ nauŋ fasàì wààŋ, “Kanaà, sèè è kɛɛ̀ùm maŋjɛ̀wɛ, ɓɛ̀ ɓòò è naiŋ ɓɛ̀nɛ̀ŋ kàa? Tiŋ zà maŋ mìè gbòaum màŋ nàŋ kiɛ̀ŋ wɔŋ nyiiŋ gèe gò jùà.

Luùm 5:21

Kpeiŋ sèè è nɔ̀ŋ yɛi, màànààŋ nɔŋ e jùumù kuwa gààŋ esàɓù e fàa lɛ̀, yɛi nɔŋ pɛɛ è yaà e tɛ̀ɛ̀tɛ̀ɛ̀ Dayàa kuwa gààŋ esàɓù e tɔ̀ɔ̀nyaàŋ, esaɓù kɛ̀ wò wi jàà kùàŋ dìì esàɓù wo Kana wiɔ̀ Jisɛ̀ Kulaì. Tɛɛ̀ naŋ tɔɔ̀ kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùà wèè julɔfɔ.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

1Time 1:16

kɛɛ wo Dayà naim wa tɔ̀ɔ̀ ke nyowo, e wèè wo Jisɛ̀ Kulaì tɔɔ̀ ke jii tɔumtɔ̀ùm nɛɛ̀ŋ, nààŋ maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ lɛ̀, wèè ka nɔ̀ŋ e tɔ̀ɔ̀màŋseì koɓɛ̀ anyùùŋ nyaŋ douŋ nàŋ sìè e hààwe sùà nyaŋ yèè aŋ kɛɛnɛ̀ŋ wɔŋ nyiiŋ gèe gò jùà.

Taitɔ̀ 1:2

e yèɛ nyaàiŋ naŋ dè ke jii tùlia wèè nyiiŋ gèe gò jùà. Wo Dayà, wo yèɔ fè tòà wɔ, naŋ wa ɓèmè e ɗààhiì pangàà ko tɔ̀ɔ̀tù e ɗuunyaàŋ,

1Jɔ̀ɔŋ 2:25

Yèè tɛɛ̀ wo Jisɛ̀ naŋ wa ɓèèmè e ɗààhiì diɛŋ kɛ̀, wò do wi nàŋ kìɛ̀ŋ wɔŋ nyiiŋ gèe gò jùà.

1Jɔ̀ɔŋ 4:10

Tɛɛ̀ nàŋ yaà e mànaŋ, e fè kɛ̀ yàwi naŋ mɔ̀nɔ̀ŋ wo Dayà, kɛɛ kɛ̀ wo Dayà naŋ wi mɔ̀nɔ̀ŋ, wèètii wò naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ e nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya.

1Jɔ̀ɔŋ 4:9

Wo Dayà naŋ wi tɔ̀ɔ̀ e mànaùŋ nɛ̀ esàɓù wo Jɔ̀àfèlàà gunùuŋ nɔɔ̀ŋ wò naŋ wi tùɔ̀ŋ e ɗuunyaàŋ wɔ, wèè e kɛɛnɛ̀iŋ wɔŋ nyiiŋ gèe e saɓùuŋ nɛ̀ sùà.

1Jɔ̀ɔŋ 5:10

Wo nyùnɔ̀ɔ̀ŋ gbiŋ naŋ sìè e hààwe wo Jɔ̀àfèlàà Dayaà sùà wɔ, wò kuwa ke mìè seìɛ ke jiiuŋ nɛɛ̀ŋ sùà. Kɛɛ wo nyùnɔ̀ɔ̀ŋ gbiŋ gò hààwè wò Dayà wɔ wò mììnè Dayà nyuùŋ tòa, e fèfoo wo gò hààwè kè mìè seìɛ wò Dayà naŋ fè è nyaàiŋ dè wò Jɔ̀àfelaauŋ nɔɔ̀ŋ lɛ.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

1Jɔ̀ɔŋ 5:7

Aŋ sèì taai naŋ kìɛ̀ŋ ke mìè seìɛ.

3Jɔ̀ɔŋ 1:12

Aŋ anyùùŋ nyaŋ gbiŋ naŋ fè ke mìè seì tɛ̀ɛ̀ nyaàiŋ dè wo Dɛ̀mɛ̀tiliɔ̀, yèè e tɔ̀ɔ̀nyaàaŋ tiŋ bi naŋ gbòò tɛ̀ɛ̀ e nyaàìŋ euŋ dè. Yèè è naiŋ tìè ke mìè seì bi sɛijɛwɛ nyaàìŋ euŋ dè, yèè nàŋ nyìmàŋ kɛ̀ e yèɛ gbiŋ è woò lɛ è yaà e tɔ̀ɔ̀nyaàŋ.

Juù 1:21

yèè nyɛ̀iŋ bi niŋ nɔ̀ŋ e mànàŋ Dayàa sùà, niŋ fòlà wo Kana wiɔ̀ Jisɛ̀ Kulaì wo kiɛ̀iŋ wɔŋ nyiiŋ gèe gò jùà e yìwìà ke nyowouŋ nɛɛ̀ŋ sùà.

Maŋ kèì nyɛɛnɛŋ 1:2

Wo Jɔ̀ɔŋ naŋ wòò e yèɛ gbiŋ wò naŋ wa yɛmɛ̀ lɛ. E jìwààjɛ̀wɛ̀uŋ nɛ̀ lɛɛ̀ e nyaàiŋ dè ke miè gbìaàŋ e yìwìà wo Dayà sìwè yèè e tɔ̀ɔ̀nyaàaŋ wo Jisɛ̀ Kulaì naŋ gbàì sùà lɛ.

Maŋ kèì nyɛɛnɛŋ 22:1

Wo màikàa naim tɔ̀ɔ̀ e wuiyè gbee e nyaàiŋ dè e wuiyè sengèì kùwìè nyiiŋ gèeɔ̀, e yèɛ folo ke kpùà kanaà dìì ke yèɛ wo Dayà yaà Ɓaawaaà jaà diɛŋ lɛ̀,