1Jɔ̀ɔŋ 4:21 - WƆŊ FƐ̀Ì EBÒ SÌÀŊ DAYÀA

²¹ Ke sàwàa wo Jisɛ̀ Kulaì naŋ wi wa fè yɛ nàŋ yaà, kɛ̀ sèè wo nyùnɔ̀ɔŋ gbiŋ mɔnɔŋ Dayà wɔ, sɔɔ̀ wo mànàŋ àŋ wùìyauŋ nyàŋ nyiŋ pɛɛ.

1Jɔ̀ɔŋ 4:21 ပူးပေါင်းရင်းမြစ်များ

Maafiù 5:43

“Nàŋ kòmàŋ e yèɛ àŋ naiŋ wa woò lɛ kɛ̀, ‘Niŋ mànàŋ aŋ dàwiiŋ nyàŋ yèè niŋ wùàŋ aŋ jooiŋ nyàŋ.’

Luù 10:37

Wo kààmɔ̀ɔ̀ŋ maŋ Sàwà Dayàa nauŋ fasàì wààŋ, “Wo nyùnɔ̀ɔŋ nauŋ tɔ̀ɔ̀ ke nyowo wɔ̀.” Kpeiŋ wo Jisɛ̀ naŋ fasàì wààŋ, “Kɛ̀ muàŋ pɛɛ kɔ̀à muŋ nyɛ̀nɛ̀ŋ e kèì guùŋ bi.”

Jɔ̀ɔŋ 15:12

Nyɛ̀nɛìŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, wèè kɛ̀ naŋ mànàŋ aŋ dàwiiŋ nyàŋ, màànààŋ nɔŋ mìŋ mànàìŋ lɛ.

Gàla 5:14

Maŋ Sàwà maŋ gbiŋ màŋ yaà ke Sàwà guùŋ sùà. Ke Sàwà bi nàŋ yaà, “Manàŋ wo nyuùŋkpùuŋ dàwi mɔɔ̀ŋ màànààŋ mùŋ manaŋ muàŋ bi lɛ̀.”

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

1Tɛsè 4:9

Esaɓù bà fè wèè eiŋ sìngà wɔ̀ŋ fɛi, è nyaàiŋ dè è ɗeweɛ̀ nìŋ mɔnɔŋ àŋ dàwiiŋ nyàŋ lɛ, esaɓù kɛ̀ nyɛ̀iŋ bi wo Dayà wòiŋ kàà e ɗeweɛ̀ nìŋ kuwìà e mànaŋ wèè aŋ dàwiiŋ nyàŋ lɛ,

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.

1Pììlɛ 4:8

Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.

1Jɔ̀ɔŋ 2:7

Dàwi mànaim nyàŋ, ke sàwàa mìŋ yaà sìnga sùà yɛ ke fè kè jɛi nyiŋ, kè yaà ke sàwà gɔu ke yèɛ nìŋ naŋ wa kòmò e yìwìà ko tɔ̀ɔ̀tù e ɗuunyaàŋ lɛ, ke sàwà gɔu bi nàŋ yaà ke mie gbìaàŋ nìŋ naŋ wa kòmò yɛ.

1Jɔ̀ɔŋ 3:11

Ke mìè gbìaàŋ kɛɛ̀ nìŋ nàŋ wa kòmò e yìwìà ko tɔ̀ɔ̀tù e ɗuunyaàŋ, kɛ̀ e mànàiŋ aŋ dàwi wi nyàŋ.

1Jɔ̀ɔŋ 3:14

Sèè e weè nɔ̀ŋ e keì wòo, èiŋ nyìmàŋ kɛ̀ e fèiŋ ɓɛìŋ è fàa dìì. È yààìŋ naàŋ wɔŋ nyiiŋ gèe sùà. Esaɓù kɛ̀, è mànàìŋ anyuùŋ hààwe dàwi wi nyàŋ. Wo nyùnɔ̀ɔŋ gbiŋ manàŋ wo dàwiuŋ nɔɔ̀ŋ wɔ, wò yaà e gààŋ fàa dìì.

1Jɔ̀ɔŋ 3:18

Nyɛ̀iŋ nààŋ jɔ̀àim nyàŋ, nìŋ tɔɔ̀ e mànaŋ wèè aŋ dàwi sèè nìŋ kpuumàŋ nyìŋ e tɔ̀ɔ̀nyaàŋ sùà, kɛɛ e fè nɔŋ wèè naŋ niŋ wòò kò nyààŋ.

1Jɔ̀ɔŋ 3:23

E nɛ̀ɛŋ wo Dayà naŋ wi woò wèè eiŋ nyɛ̀nɛ̀ŋ lɛ nàŋ yaà, wèè eiŋ kɛ̀ɛ̀nɛ̀ŋ e hààwe e dèè wo Jɔ̀àfelaauŋ nɔɔ̀ŋ Jisɛ̀ Kulaì sùà, yèè e mànàŋ aŋ dàwi wi nyàŋ màànààŋ wo Kulaì naŋ wi woò wèè eiŋ nyɛ̀nɛ̀ŋ lɛ.

1Jɔ̀ɔŋ 4:11

Dàwi mànaim nyàŋ, sèè mààŋ è ɗeweɛ̀ lɛɛ̀ wo Dayà naŋ wi mɔ̀nɔ̀ŋ, kɛ̀ sɔ̀ɔ̀ eiŋ mànàŋ àŋ dàwi wi nyàŋ.