1Jɔ̀ɔŋ 4:20 - WƆŊ FƐ̀Ì EBÒ SÌÀŊ DAYÀA

²⁰ Sèè eiŋ woò wìàà è mànàìŋ Dayà kɛɛ è naiŋ wùɔ̀ŋ aŋ wùìya wi nyàŋ, kɛ̀ è yààìŋ anyuùŋ tòa. Esaɓù kɛ̀ e fèiŋ ɓɛ̀nɛ̀ŋ mànàŋ wò Dayà wò yèɔ kòò è yɛ̀mɛ̀ìŋ wɔ sèè è goiŋ mànàŋ aŋ wùìya wi nyàŋ aŋ yè nyaŋ è yɛmɛ̀ìŋ nyaŋ.

1Jɔ̀ɔŋ 4:20 ပူးပေါင်းရင်းမြစ်များ

Jɔ̀ɔŋ 13:35

Sèè nìŋ mɔnɔŋ aŋ dàwiiŋ nyàŋ nyɛ̀iŋ bi e fèemàŋ, anyùùŋ nyaŋ gbiŋ do nàŋ nyìmè kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ.”

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

1Jɔ̀ɔŋ 1:6

Kpeiŋ sèè è naiŋ woò kɛ̀ è yààìŋ ke gbòò Dayà zòòloɛ̀ sùà e kìlà e tèèngà gùuŋ bi è yààìŋ kààìŋ ke nyìwìɛ sùà, kɛ̀ è naiŋ tɔ̀ɔ̀ yèè ngèè e fèìŋ nyìnìè è tɔ̀ɔ̀nyaàŋ.

1Jɔ̀ɔŋ 1:8

Sèè eiŋ woò kɛ̀ kòò è nyɛ̀nɛ̀ìŋ màŋ jùumù, è naiŋ zùwò yàwi bi, yèè ngèè e tɔ̀ɔ̀nyaàŋ fè màŋ jii wi màŋ sùà.

1Jɔ̀ɔŋ 2:11

Wo nyùnɔ̀ɔŋ gbiŋ naŋ wùɔ̀ŋ wo wùìyauŋ nɔɔ̀ŋ wɔ, wò yaà ke nyìwi sùà e kìlà wò yaà kààìŋ ke nyìwì sùà, yèè wo nyimààŋ kɛ̀ kòò wò yaà kɔɔyɛ, e fèfoo ke nyìwìɛ kè nyɛ̀nɛ̀ŋ wò zììlè le fɛ̀ɛ̀.

1Jɔ̀ɔŋ 2:4

Sèè è naiŋ woò wìàà èiŋ nyìmàŋ wo Dayà, kɛɛ e fèiŋ jɔ̀ɔ̀lɔ̀ màŋ Sàwàuŋ màŋ dìì, kɛ̀ è yààìŋ anyuùŋ tòa e kìlà e fèiŋ anyùùŋ tɔ̀ɔ̀nyaàŋ.

1Jɔ̀ɔŋ 2:9

Sèè eiŋ woò wìàà è yààìŋ e gbolòuŋ sùà, kɛɛ è naiŋ wùɔ̀ŋ aŋ wùìyà wi nyàŋ, kɛ̀ kòò è yààìŋ nɔŋ kpɛ ke nyìwìɛ sùà sààmɛ pɛɛ.

1Jɔ̀ɔŋ 3:17

Sèè è naiŋ ɓɛ̀nɛ̀ŋ kɛ̀ɛ̀nɛ̀ŋ e bànè ɗuunyaàŋ è mànàìŋ maŋ nyiiŋ gèe wi màŋ sùà lɛ, e kìlà eiŋ yɛ̀mɛ̀ wo wùìya wiɔ̀ bà wo yèɔ kuwà yèè wò manaŋ è nɛ̀ŋ wɔ, kpeiŋ e gòiŋ tɔ̀ɔ̀ è mànaŋ màŋ jii wi màŋ sùà kòɓɛ̀ wò nyùùŋ bi, kɛ̀ diè è naiŋ ɓɛ̀nɛ̀ŋ wòo kɛ̀ è mànàìŋ wo Dayà?

1Jɔ̀ɔŋ 4:12

Nààŋ gbà wo nyùùŋ gbiŋ kòò yɛ̀mɛ̀ wa wò Dayà, kɛɛ sèè è naiŋ mɔ̀nɔ̀ŋ aŋ dàwi wi nyàŋ, wo Dayà do wi nàŋ nɔ̀ŋ maŋjɛ̀wɛ, yèè tɔɔɓaa e mànauŋ nɛ̀ yaà maŋ jii wi màŋ sùà.