1Jɔ̀ɔŋ 4:2 - WƆŊ FƐ̀Ì EBÒ SÌÀŊ DAYÀA

² E ɗewe lɛɛ̀ sùà nìŋ do nàŋ nyìmè sèè mààŋ kɛ̀ wò Jìnàŋ Dayà wo. Wo nyùnɔ̀ɔŋ gbiŋ naŋ jàà jii kɛ̀ wo Jisɛ̀ Kulaì naŋ hnè e kɔ̀ɔ̀ nyuùŋkpùuŋ sùà wɔ, wò kuwa wo Jinàaŋ yewe Dayà sìwè wɔ.

1Jɔ̀ɔŋ 4:2 ပူးပေါင်းရင်းမြစ်များ

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

1 Kɔliìŋ 12:3

Wèètii, mìŋ manaŋ wèè naŋ nyìmàŋ kɛ̀ wo nyùnɔ̀ɔŋ gbiŋ wo Jìnàŋ Dayàa yaà maŋjɛ̀wɛ wɔ̀ wo fè woò wààŋ, “E gbòòno yaà wo Jisɛ̀ Kulaì màŋjɛ̀wɛ!” Wo nyùùŋ gbiŋ fè ɓɛ̀nɛ̀ŋ wòo wààŋ, “Jisɛ̀ Kulaì yaà Kana,” è yèɛ wo Jìnàŋ Dayàa fèeùŋ màŋjɛ̀wɛ lɛ̀.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

1Jɔ̀ɔŋ 1:2

Nààŋ wɔŋ nyiiŋ gèeɔ̀ naŋ wi wa fòlò feìŋ, è naiŋ wuŋ yɛmɛ̀, yèè è yààìŋ aŋ sèì wèè e yèɛ è naiŋ yɛmɛ̀ lɛ. Weètii è yààìŋ naàŋ wòò sùà e kèè wɔŋ nyiiŋ gèe gò jùàa wɔŋ yeɔ̀ yaà wa koɓɛ̀ wo Dèdaà yèè wɔ̀ŋ naŋ wi fòlò feìŋ wɔŋ.

1Jɔ̀ɔŋ 2:23

Aŋ yè nyaŋ gò jàà wò Jɔ̀àfelaaà kùàŋ dìì nyaŋ, aŋ gò jàà wò Dèdaà kùàŋ dìì. Aŋ yè nyaŋ gbiŋ naŋ jàà wo Jɔ̀àfelaaà kùàŋ dìì nyaŋ, àŋ naŋ jàà wo Dèdaà kùàŋ dìì.

1Jɔ̀ɔŋ 4:15

Wo nyùnɔ̀ɔŋ gbiŋ naŋ woò kɛ̀ wo Jisɛ̀ nàŋ yaà wo Jɔ̀àfèlàà Dayàa wɔ̀, wo Dayà douŋ nàŋ nɔ̀ŋ sùà yèè wuŋ pɛɛ do nàŋ nɔ̀ŋ wo Dayà sùà.

1Jɔ̀ɔŋ 4:3

Kɛɛ wo nyùnɔ̀ɔŋ gbiŋ naŋ gììyè e keì lɛɛ̀ maŋhɛɛ e nyaàiŋ dè Jisɛ̀ Kulaì wɔ, wo kuwà wò Jinàaŋ yewe Dayà sìwè wɔ. Wo jinàaŋ wò kuwa wɔ̀ wò yewe aŋ jòò Jisɛ̀ nyaŋ sùà. Nàŋ wa kòmàŋ kɛ̀ wo jinàŋ tòa wɛɛ̀ do nàŋ hnè, yèè kòò wò yaà naàŋ e ɗuunyaŋ lɛɛ̀ sùà tɛ.

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.

2Jɔ̀ɔŋ 1:7

Aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà, anyùùŋ nyaŋ kuwà è hààweɛ̀ kɛ̀ wo Jisɛ̀ Kulaì naŋ wa hnè mààŋ wo nyuùŋkpùuŋ wɔ̀. Wo nyùùŋ mààŋ wii wò yaà wo nyuùŋ tòa yèè wo joo wèè Kulaì.