1Jɔ̀ɔŋ 4:15 - WƆŊ FƐ̀Ì EBÒ SÌÀŊ DAYÀA

¹⁵ Wo nyùnɔ̀ɔŋ gbiŋ naŋ woò kɛ̀ wo Jisɛ̀ nàŋ yaà wo Jɔ̀àfèlàà Dayàa wɔ̀, wo Dayà douŋ nàŋ nɔ̀ŋ sùà yèè wuŋ pɛɛ do nàŋ nɔ̀ŋ wo Dayà sùà.

1Jɔ̀ɔŋ 4:15 ပူးပေါင်းရင်းမြစ်များ

Maafiù 10:32

“Anyùùŋ nyaŋ naŋ wòò ko fɛ̀ɛ̀fèìŋ anyùùŋ nyààŋ àŋ yaà aŋ bàimbà nyaŋ, miàŋ pɛɛ mìŋ do wa nàwèè nàŋ wòò ko fɛ̀ɛ̀fèìŋ wo Dèda miɔ̀ŋ ko àìjɛnɛ̀ŋ kɛ̀ àŋ yaà anyùùŋ màŋjɛ̀wɛ̀im.

Luù 12:8

“Tɔ̀ miŋ woòiŋ e tɔɔɓaà kɛ̀, anyùùŋ nyaŋ naŋ wòò ko fɛɛ̀feìŋ anyùùŋ nyààŋ àŋ yaà aŋ bàimbà nyaŋ, miàim wo Jɔ̀àfèlàà Nyuùŋ Kpùnɔɔ̀ŋ do wa nàwèè nàŋ wòò ko fɛ̀ɛ̀fèìŋ aŋ màìkà Dayà nyaŋ kɛ̀ àŋ yaà anyùùŋ màŋjɛ̀wɛ̀im.

Jɔ̀ɔŋ 6:56

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ doim nàŋ nyìnìè wɔŋ nyiiŋ gèe nyiŋ nɔɔ̀ŋ ko sùà, yèè wɔŋ nyiiŋ gèe miɔ̀ŋ do nyiŋ nàŋ nɔ̀ŋ ko sùà.

Nyɛ̀nɛ̀ŋ 8:37

Wo Felè nauŋ woò wààŋ, “Màŋ ɓɛ̀nɛ̀ŋ nɔ̀ŋ gùaum sèè mùŋ kɛɛnɛ̀ŋ e hààwe ke jii mɔɛ̀ŋ gbiŋ sùà.” Wo nyùùŋ gbèè fuɔɔ̀ŋ naŋ fasàì wààŋ, “Mìŋ kuwa e hààweɛ̀; kà haawè kɛ̀ wo Jisɛ̀ Kulaì nàŋ yaà wo Jɔ̀àfèlàà Dayàa.”]

Luùm 10:9

Sèè mùŋ kilià dèè kɛ̀ wo Jisɛ̀ yàa wo Kana, e kìlà maŋ haawè ke jii mɔɛ̀ŋ sùà kɛ̀ wo Dayà nauŋ gè e fàaà dìì wɔŋ nyiiŋ gèeɔ̀ sùà, wo Dayà doum nàŋ joeyè.

Fèle 2:11

yèè aŋ gbiŋ do nàŋ woò nyààŋ wo Jisɛ̀ Kulaì yaà wo Kana, koɓɛ̀ e jòòwò Dayàa wo Dèdaà.

1Jɔ̀ɔŋ 2:23

Aŋ yè nyaŋ gò jàà wò Jɔ̀àfelaaà kùàŋ dìì nyaŋ, aŋ gò jàà wò Dèdaà kùàŋ dìì. Aŋ yè nyaŋ gbiŋ naŋ jàà wo Jɔ̀àfelaaà kùàŋ dìì nyaŋ, àŋ naŋ jàà wo Dèdaà kùàŋ dìì.

1Jɔ̀ɔŋ 2:24

Ke miè gbìaàŋ nìŋ naŋ wa kòmò e yìwìà e teengaà nìŋ naŋ wa nɔ̀ŋ anyuùŋ hààwe ko tɔ̀ɔ̀tù e ɗuunyaàŋ lɛ, jàaiŋ ke miè gbìaàŋ bi jii. Sèè nìŋ naŋ jàà ke mìè gbiàŋ bi jii, nìŋ do nàŋ nɔ̀ŋ aŋ bàwibà wo Jɔ̀àfelaaà yaà wo Dèdaà sùà.

1Jɔ̀ɔŋ 3:23

E nɛ̀ɛŋ wo Dayà naŋ wi woò wèè eiŋ nyɛ̀nɛ̀ŋ lɛ nàŋ yaà, wèè eiŋ kɛ̀ɛ̀nɛ̀ŋ e hààwe e dèè wo Jɔ̀àfelaauŋ nɔɔ̀ŋ Jisɛ̀ Kulaì sùà, yèè e mànàŋ aŋ dàwi wi nyàŋ màànààŋ wo Kulaì naŋ wi woò wèè eiŋ nyɛ̀nɛ̀ŋ lɛ.

1Jɔ̀ɔŋ 3:24

Anyùùŋ nyaŋ jɔɔlɔ̀ ke Sàwà Dayà dìì nyaŋ, àŋ yaà e mìèsùàguùŋ sùà ko fɛ̀ɛ̀fèìŋ Dayà, yèè wo Dayà yaà e mìèsùàguùŋ sùà ko nɛ̀ɛ̀ŋ nyiŋ niìŋ. Yèè e nɛ̀ɛŋ nyɛnɛŋ eiŋ nyìmàŋ kɛ̀ yàwi nààŋ Dayà yààìŋ mìèsùàguùŋ sùà lɛ nàŋ yaà kɛ̀, wò naŋ wi fè wo Jinàuŋ nɔɔ̀ŋ wèè wo wi nɔ̀ŋ maŋjɛ̀wɛ.

1Jɔ̀ɔŋ 4:12

Nààŋ gbà wo nyùùŋ gbiŋ kòò yɛ̀mɛ̀ wa wò Dayà, kɛɛ sèè è naiŋ mɔ̀nɔ̀ŋ aŋ dàwi wi nyàŋ, wo Dayà do wi nàŋ nɔ̀ŋ maŋjɛ̀wɛ, yèè tɔɔɓaa e mànauŋ nɛ̀ yaà maŋ jii wi màŋ sùà.

1Jɔ̀ɔŋ 4:2

E ɗewe lɛɛ̀ sùà nìŋ do nàŋ nyìmè sèè mààŋ kɛ̀ wò Jìnàŋ Dayà wo. Wo nyùnɔ̀ɔŋ gbiŋ naŋ jàà jii kɛ̀ wo Jisɛ̀ Kulaì naŋ hnè e kɔ̀ɔ̀ nyuùŋkpùuŋ sùà wɔ, wò kuwa wo Jinàaŋ yewe Dayà sìwè wɔ.

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.

1Jɔ̀ɔŋ 5:5

Ɓòò nàŋ kuwa e gààŋ wèè wo gèe e ɗuunyaàŋ? Wo nyùnɔ̀ɔŋ nɔŋ naŋ haawè kɛ̀ wo Jisɛ̀ nàŋ yaà wo Jɔ̀àfèlàà Dayàa lɛ̀.

2Jɔ̀ɔŋ 1:7

Aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà, anyùùŋ nyaŋ kuwà è hààweɛ̀ kɛ̀ wo Jisɛ̀ Kulaì naŋ wa hnè mààŋ wo nyuùŋkpùuŋ wɔ̀. Wo nyùùŋ mààŋ wii wò yaà wo nyuùŋ tòa yèè wo joo wèè Kulaì.