1Jɔ̀ɔŋ 4:13 - WƆŊ FƐ̀Ì EBÒ SÌÀŊ DAYÀA

¹³ Wo Dayà naŋ wi kìɛ̀ŋ wo Jinàuŋ nɔɔ̀ŋ. Tɛɛ̀ naŋ nyɛ̀nɛ̀ŋ è naiŋ nyìmè kɛ̀ è yààìŋ anyùùŋ guùŋ wo Dayà sùà, màànààŋ nɔŋ wò yaà wo nyùùŋ guùŋ wò yaà wì sùà lɛ̀.

1Jɔ̀ɔŋ 4:13 ပူးပေါင်းရင်းမြစ်များ

1 Kɔliìŋ 2:12

Kòò è kùwìèìŋ wò jinàŋ wèè è ɗuunyaŋ lɛɛ̀, kɛɛ è kùwàìŋ wo Jìnàŋ Dayàa wò naŋ tùɔ̀ŋ wɔ, wèè eiŋ nyìmàŋ maŋ kìɛŋ màŋ gbiŋ wo Dayà naŋ wi kiɛ̀ŋ maŋ.

1 Kɔliìŋ 6:19

Niŋ nyimààŋ kɛ̀ kè kpùnaiŋ nɛɛ̀ŋ nàŋ yaà kè sààŋ zòòlò Dayàa wèè wò Jìnàŋ Dayàa, yààìŋ sùà wɔ, wo yèɔ wo Dayà naiŋ kiɛ̀ŋ wɔ? Niŋ fè wèè nyɛ̀iŋ bi, nìŋ yaà wèè Dayà.

1Jɔ̀ɔŋ 2:3

Sèè è naiŋ jɔ̀ɔ̀lɔ̀ maŋ Sàwà Dayà maŋ dìì, è doiŋ nàŋ kùwìè e hààweɛ̀ kɛ̀ eiŋ nyìmàŋ wo Dayà.

1Jɔ̀ɔŋ 2:5

Kɛɛ sèè tɔɔɓaa è naiŋ jɔ̀ɔ̀lɔ̀ ke mie Dayàa dìì, è doiŋ nàŋ nɔ̀ŋ aŋ yè nyaŋ wo Dayà naŋ tɔ̀ɔ̀ e mànaùŋ nɛ̀ janjai nyàŋ. Yèè tɛɛ̀ naŋ wi kìɛŋ e hààwe kɛ̀ è yààìŋ aŋ bàwibà wo Dayà sùà.

1Jɔ̀ɔŋ 3:24

Anyùùŋ nyaŋ jɔɔlɔ̀ ke Sàwà Dayà dìì nyaŋ, àŋ yaà e mìèsùàguùŋ sùà ko fɛ̀ɛ̀fèìŋ Dayà, yèè wo Dayà yaà e mìèsùàguùŋ sùà ko nɛ̀ɛ̀ŋ nyiŋ niìŋ. Yèè e nɛ̀ɛŋ nyɛnɛŋ eiŋ nyìmàŋ kɛ̀ yàwi nààŋ Dayà yààìŋ mìèsùàguùŋ sùà lɛ nàŋ yaà kɛ̀, wò naŋ wi fè wo Jinàuŋ nɔɔ̀ŋ wèè wo wi nɔ̀ŋ maŋjɛ̀wɛ.