1Jɔ̀ɔŋ 3:9 - WƆŊ FƐ̀Ì EBÒ SÌÀŊ DAYÀA

⁹ Aŋ yè nyaŋ yaà aŋ jɔ̀à Dayà nyaŋ, aŋ fè nɔŋ nɔ̀ŋ màŋ jùumù sùà keleiŋ. Esaɓù nàŋ yaà kɛ̀ ke sɔ̀ŋ Dayàa yaà nyiìŋ sùà. Yèè nààŋ wo Dayà nàŋ yaà wo Dèda nyiŋ nɔɔ̀ŋ lɛ, aŋ fè nyɛ̀nɛ̀ŋ màŋ kèì jùumù keleiŋ.

1Jɔ̀ɔŋ 3:9 ပူးပေါင်းရင်းမြစ်များ

Maafiù 7:18

Ke kuù bɔ̀u fè kòmàŋ kè kuù kòmàŋ naanààŋ, e kìlà ke kuù naanààŋ fè kòmàŋ kè kuù kòmàŋ siaŋ.

Jɔ̀ɔŋ 1:13

Aŋ fè wa àŋ jɔ̀à àŋ yè nyaŋ wò Dayà yaà wò nyuùŋkpùuŋ naŋ kòmò maŋ sɛ̀ìŋ guùŋ sùà nyaŋ. Wo Dayà wuŋ bi naŋ nyiŋ wa nyɛ̀nɛ̀ŋ aŋ jɔ̀àuŋ.

Jɔ̀ɔŋ 3:3

Wo Jisɛ̀ naŋ fasàì yèè wò nauŋ woò wààŋ, “Mìŋ yààùm wòò sùà e tɔɔɓaaà kɛ̀ sɔɔ̀ nɔŋ wò nyùùŋ wo ɓɛìŋ nɔ̀ŋ e kòmauŋ jɛ̀ì paŋgàà wò nɔ̀ŋ wo bàuŋbà e Kànà Dayàa sùà.”

Nyɛ̀nɛ̀ŋ 4:20

Esaɓù e naìŋ hɔ̀ànè wòò e yèɛ è naiŋ yɛmɛ̀ yèè è naiŋ kòmò lɛ.”

Luùm 6:2

Kpele! Ɓɔ̀ è nyɛ̀nɛ̀iŋ yɛi! Maŋ kpèè naanààŋ maŋ yàwì sùà maŋ màŋ fà. Kpeiŋ dièsɔa è naiŋ ɓɛ̀nɛ̀ŋ nɔ̀ɔ̀ŋ nyìnìè màŋ keì naanààŋ tutùtuuŋ màŋ nyiiŋ gèe wi màŋ sùà?

Gàla 5:17

E yèɛ maŋ kèìŋ nyuùŋkpùuŋ màŋ manaŋ lɛ̀ tiŋ wo Jìnàŋ Nɛɛmaàŋ naŋ gììyè maŋhɛɛ, yèè e yèɛ wo Jìnàŋ Nɛɛmaàŋ manaŋ lɛ̀ tiŋ maŋ kèìŋ nyuùŋkpùuŋ màŋ naŋ gììyè maŋhɛɛ. Maŋ kèì ɗì tìyèe mɛɛ̀ŋ naŋ wùònò fèemàŋ, yèè màŋ keewàìŋ kùàŋ feìŋ wèè niŋ go nàŋ nyɛ̀nɛ̀ŋ è yèɛ nìŋ naŋ ɗewe wèè naŋ nyɛ̀nɛ̀ŋ lɛ.

Taitɔ̀ 1:2

e yèɛ nyaàiŋ naŋ dè ke jii tùlia wèè nyiiŋ gèe gò jùà. Wo Dayà, wo yèɔ fè tòà wɔ, naŋ wa ɓèmè e ɗààhiì pangàà ko tɔ̀ɔ̀tù e ɗuunyaàŋ,

1Pììlɛ 1:23

Esaɓù ke mìè nyiiŋ gèe gò jùà Dayàa sùà, naŋ nyɛ̀nɛ̀ŋ nìŋ naŋ ɓɛìŋ nɔ̀ŋ e kòmaiŋ jɛ̀ì mààŋ aŋ jɔ̀à wo nyuùŋ kòmaàŋ wo yèɔ fè fà wɔ.

1Jɔ̀ɔŋ 2:29

Nàŋ nyìmàŋ kɛ̀ wo Jisɛ̀ Kulaì yaà wo nyùùŋ tɔ̀ɔ̀nyaàŋ. Kpeiŋ nìŋ kuwa naŋ nyìmàŋ kɛ̀, wo nyùnɔ̀ɔ̀ŋ gbiŋ naŋ nyɛ̀nɛ̀ŋ e yèɛ yaà e tɔ̀ɔ̀nyaàŋ lɛ wò yaà jɔ̀à Dayà.

1Jɔ̀ɔŋ 3:6

Wo nyùnɔ̀ɔŋ gbiŋ yaà wo bàuŋbà wèè wo Jisɛ̀ Kulaì sùà wɔ wo fè nɔŋ nɔ̀ŋ nyìnìè màŋ kèì jùumù keleiŋ. Kɛɛ wo nyùnɔ̀ɔŋ gbiŋ naŋ nyɛ̀nɛ̀ŋ maŋ kèì jùumù keleiŋ wɔ̀, kòò wò yɛ̀mɛ̀ Kulaì ɔ̀ɔ̀ wo nyimààuŋ.

1Jɔ̀ɔŋ 4:7

Dàwi mànaim nyàŋ, mànàŋ wiìŋ aŋ dàwi wi nyàŋ, esaɓù e mànaŋ yewe wo Dayà sìwè. Wo nyùnɔ̀ɔŋ gbiŋ kɛɛnɛ̀ŋ e mànaŋ wɔ̀, wò yaà wo jɔ̀à Dayà yèè wò nyìmàŋ wo Dayà.

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.

1Jɔ̀ɔŋ 5:18

Èiŋ nyìmàŋ kɛ̀ aŋ jɔ̀à Dayà fè nɔŋ nɔ̀ŋ nyɛ̀nɛ̀ŋ sùà màŋ keì naanààŋ keleiŋ, esaɓù kɛ̀ wo Jɔ̀àfèlàà Dayàa yɛmɛ̀ nyiìŋ diɛŋ, yèè wo Nyuùŋ kɛ̀ɛ̀nɛ̀ŋ ke Kpèè naanààaŋ fè nyiŋ jàà keì nyìnga.

1Jɔ̀ɔŋ 5:4

Wo jɔ̀à Dayà gbiŋ ɓɛ̀nɛ̀ŋ ɓùlà e ɗuunyaàŋ. Yèè e hààwe wilɛ̀ nàŋ kiɛ̀ŋ wì e gààŋ bi.

3Jɔ̀ɔŋ 1:11

Dàwi mànaŋ miɔ̀ŋ, ɓɔ̀ mùŋ fɔɔnɔ̀ŋ keì naanààŋ, kɛɛ fɔ̀ɔ̀nɔɔ̀ŋ keì sìàŋ. Wo nyùnɔ̀ɔŋ gbiŋ naŋ nyɛ̀nɛ̀ŋ keì sìàŋ wɔ̀, wò yaà wo nyùùŋ Dayà. Wo nyùnɔ̀ɔŋ gbiŋ naŋ nyɛ̀nɛ̀ŋ keì naanààŋ wɔ wo fè wò nyùùŋ Dayà.