1Jɔ̀ɔŋ 3:7 - WƆŊ FƐ̀Ì EBÒ SÌÀŊ DAYÀA

⁷ Nyɛ̀iŋ nààŋ jɔ̀àim nyàŋ, ɓɔ̀ nìŋ dangè wò nyùùŋ gbiŋ doiŋ zuwò. Wo nyùnɔ̀ɔŋ gbiŋ naŋ nyɛ̀nɛ̀ŋ tɛ̀ɛ̀ wɔ wò yaà wo nyùùŋ tɔ̀ɔ̀nyaàŋ, màànààŋ wo Jisɛ̀ yaà e tɔ̀ɔ̀nyaàŋ lɛ.

1Jɔ̀ɔŋ 3:7 ပူးပေါင်းရင်းမြစ်များ

Maafiù 5:20

Sɔɔ̀ naŋ jɔ̀ɔ̀lɔ̀ màŋ Sàwà Dayà maŋ dìì tɛ̀ɛ̀ e nìàŋ anyùùŋ nyaŋ àŋ nyaaŋ aŋ Fɛlosiì nyaŋ yèè e ɗeweɛ̀ aŋ kààmɔ̀ɔ̀ŋ maŋ Sàwà Dayà nyaŋ jɔɔlɔ̀ mìŋ dìì lɛ. Tɔ̀ miŋ woòiŋ, sèè nìŋ go miŋ jɔ̀ɔ̀lɔ̀ dìì è tɔ̀ɔ̀nyaàŋ sùà, niŋ naàŋ wa nàwèè kɔ̀ è Kànà kò àìjɛnɛ̀ɛŋ sùà.

Luù 1:75

wèè kɛ̀ e nɔ̀iŋ e nɛɛmaŋ yèè anyùùŋ tɔ̀ɔ̀nyaàŋ ko fɛɛ̀fenùuŋ maŋ ɗɔɔ màŋ gbiŋ maŋ nyiiŋ gèe wi màŋ sùà.

Nyɛ̀nɛ̀ŋ 10:35

Anyùùŋ nyaŋ zoolà Dayà yèè àŋ nyɛnɛŋ e yèɛ yaà tɔ̀ɔ̀nyaàŋ lɛ, wo Dayà do nyiŋ nàŋ jàà kùàŋ dìì, wo gò kpɛɛ̀ŋ kɛ̀ kiìŋ wɔŋ fuɔŋ àŋ yewe.

Luùm 2:13

Anyùùŋ nyaŋ komo maŋ Sàwà maŋ nyàŋ, nyiŋ nàŋ wo Dayà fè jàà kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ, sɔɔ̀ anyùùŋ nyaŋ nyɛnɛŋ e yèɛ Sàwà maŋ naŋ woò lɛ.

1 Kɔliìŋ 6:9

Tɔ̀ɔ̀nyaàŋ, nàŋ nyìmàŋ kɛ̀ anyuùŋ naanààŋ gò kùwìè è hààwe nyàŋ, è Kànà Dayàa bà gbiŋ naàŋ wa nàwèè nàŋ nɔ̀ŋ weè nyiŋ. Ɓɔ̀ nìŋ zuwò nyɛ̀iŋ bi, anyùùŋ nyaŋ gbiŋ yaà e kèì nàànààŋ hmɔŋtu sùà, ɔ̀ɔ̀ àŋ zoolà maŋ gòò, ɔ̀ɔ̀ anyuùŋ ɓèmè aŋ jàwè nyùùŋ ɔ̀ɔ̀ aŋ fàìŋ nyùùŋ, ɔ̀ɔ̀ aŋ kpàkòò tìyèe nyɛ̀nɛ̀ŋ ke yɛ̀ɛ̀, ɔ̀ɔ̀ aŋ jɔùŋ tìyèe nyɛ̀nɛ̀ŋ ke yɛ̀ɛ̀

Ɛfesɔ̀ 5:6

Ɓɔ̀ nìŋ nyimèè wèè wò nyùùŋ gbiŋ woiŋ zùùwò màŋ mìè gbòà foo kpàna. Esàɓù maŋ kèì guùŋ mɛɛ̀ŋ sùà, wo Dayà do nàŋ nyìnìè anyùùŋ nyaŋ fòuŋ kòmàŋ è mìè nyaŋ e wùàŋ.

Ɛfesɔ̀ 5:9

E gbolòùŋ nɛ è tɔɔ̀ maŋ nɛ̀ŋ siaŋ e yìwìà maŋ nɛ̀ŋ siaŋ kà tinàŋ gbiŋ sùà, e tɔ̀ɔ̀nyaàŋ, yèè e keì sìàŋ.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Hiɓu 1:8

Wo Dayà naŋ woò e nyaàiŋ dè wo Jɔ̀àfelaauŋ nɔɔ̀ŋ e ɗewe gbio sùà wààŋ, “Oo Dayà, e kana mɔ̀ɛ̀ do nàŋ nɔ̀ŋ wèè julɔfɔ yèè julɔfɔ! E teenga gbiŋ sèè mùŋ haà e kiti anyunùum nyàŋ diɛŋ, mùŋ nyɛ̀nɛ̀ŋ niìŋ e tɔ̀ɔ̀nyaàŋ sùà!

Hiɓu 7:2

Manɛ̀ŋ maŋ gbiŋ wo Eɓulɔhɛɛ̀ŋ kuwa wò naŋ wa gè ko sùmìè ɗùàa màŋ, wò naŋ miŋ goonò ɗì zììyà yèè wò naŋ fè e ɗì guùŋ koɓɛ̀ wo Kanaà Mɛ̀kisiɗɛ̀. E fàsàì e dèèɛ Mɛ̀kisiɗɛ̀ nàŋ yaà, “Wo Kànà Tɔ̀ɔ̀nyaàŋ.” Kɛɛ nààŋ e fàsàì e dèèɛ Salɛ̀m nàŋ yaà “jii fàa lɛ̀,” àŋ nyàaùŋ wa ɓɛìŋ “Wo Kànà Jii Fàa.”

Jìiiŋ 1:22

Ɓɔ̀ nìŋ kòmaŋ nɔŋ kè miè gbìaàŋ nìŋ do kuii dìà, kɛɛ nyɛ̀nɛìŋ e nɛ̀ɛŋ ke miè gbìaàŋ naŋ woò lɛ.

Jìiiŋ 2:19

Mùŋ naŋ haawè kɛ̀ wo Dayà yaà nɔŋ wò guùŋ? Keì sìàŋ le! Aŋ jinàŋ naanààŋ nyaŋ nyiŋ pɛɛ àŋ naŋ niŋ haawè e jèèsùà àŋ jele kɔɔ kpàkpà wèè e jùù.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Jɔ̀ɔŋ 2:1

Mìŋ yaà tɛɛ̀ sìngà sùà ko nɛ̀ɛ̀ŋ niìŋ, nyɛ̀iŋ nààŋ jɔ̀àim nyàŋ, wèè kɛ̀ ɓɔ̀ nìŋ nyɛ̀nɛ̀ŋ màŋ kèì jùumù, kɛɛ sèè wo nyùnɔ̀ɔŋ gbiŋ naŋ nyɛ̀nɛ̀ŋ maŋ kei jùumù wɔ, è kùwàìŋ wo nyùùŋ wèè wo pɔ̀wɔ̀ wo Dèdaà e wèè wi, wo nyùùŋ bi nàŋ yaà wo Jisɛ̀ Kulaì wo nyùùŋ tɔ̀ɔ̀nyaàaŋ.

1Jɔ̀ɔŋ 2:26

Mìŋ yaà sìnga sùà tɛɛ̀ ko nɛ̀ɛ̀ŋ niìŋ wèè e nyaàiŋ dè aŋ yè nyaŋ yaà kààmè ɗewe wèè aiŋ zuwò nyaŋ.

1Jɔ̀ɔŋ 2:29

Nàŋ nyìmàŋ kɛ̀ wo Jisɛ̀ Kulaì yaà wo nyùùŋ tɔ̀ɔ̀nyaàŋ. Kpeiŋ nìŋ kuwa naŋ nyìmàŋ kɛ̀, wo nyùnɔ̀ɔ̀ŋ gbiŋ naŋ nyɛ̀nɛ̀ŋ e yèɛ yaà e tɔ̀ɔ̀nyaàŋ lɛ wò yaà jɔ̀à Dayà.

1Jɔ̀ɔŋ 3:18

Nyɛ̀iŋ nààŋ jɔ̀àim nyàŋ, nìŋ tɔɔ̀ e mànaŋ wèè aŋ dàwi sèè nìŋ kpuumàŋ nyìŋ e tɔ̀ɔ̀nyaàŋ sùà, kɛɛ e fè nɔŋ wèè naŋ niŋ wòò kò nyààŋ.

1Jɔ̀ɔŋ 3:3

Wo nyùnɔ̀ɔŋ gbiŋ kuwa ke jii tùlia yɛɛ̀ wo Jisɛ̀ Kulaì sùà wɔ, wò nyɛnɛŋ wuŋ bi sengei màànààŋ wo Jisɛ̀ wuŋ bi yaà sengei lɛ̀.

1Jɔ̀ɔŋ 4:17

Sèè tɔɔɓaa eiŋ mànàŋ aŋ dàwi wi nyàŋ yèè e nɔ̀ŋ maŋ nyiiŋ gèe wi màŋ sùà màànààŋ wo Jisɛ̀ Kulaì yaà wa e ɗuunyaàŋ lɛ, e naàìŋ sɛ̀ɛ̀ jii wèè kè ɗɔɔ dìàmaàŋ wa nàwèè.