1Jɔ̀ɔŋ 3:4 - WƆŊ FƐ̀Ì EBÒ SÌÀŊ DAYÀA

⁴ Wo nyùnɔ̀ɔŋ gbiŋ naŋ nyɛ̀nɛ̀ŋ maŋ kèì jùumù wɔ wò naŋ pɔ̀ɔ̀ ke Sàwà Dayà, e fèfoo maŋ kèì jùumù màŋ yaà ke Sàwà pɔ̀ɔ.

1Jɔ̀ɔŋ 3:4 ပူးပေါင်းရင်းမြစ်များ

Maafiù 5:19

Weètii, wo nyùnɔ̀ɔŋ gbiŋ naŋ gè maŋhɛɛ wèè wo nyɛ̀nɛ̀ŋ e yèɛ ke sàwàa naŋ pɛɛ tèènè wɔŋ kɔmɔŋ miaŋ naŋ woò lɛ, yèè wo nyɛ̀nɛ̀ŋ anyuùŋ joo bà aŋ nyɛ̀nɛ̀ŋ e kèì guùŋ bi, wò do naŋ nɔ̀ŋ mààŋ wɔŋ kɔmɔŋ miaŋ e Kànà àìjɛnɛ̀ɛŋ sùà. Kɛɛ wo nyùnɔ̀ɔŋ do nàŋ nyɛ̀nɛ̀ŋ e yèɛ maŋ sàwà maŋ naŋ woò lɛ e kìlà wò niŋ kàà anyùùŋ wèè aŋ nyɛ̀nɛ̀ŋ e kèì guùŋ bi, wò do wa nàwèè nàŋ kɛ̀ɛ̀nɛ̀ŋ ko jɛ̀i kɛnɛ e Kànà àìjɛnɛ̀ɛŋ sùà.

Nyɛ̀nɛ̀ŋ 23:3

Wo Pɔɔ̀ naŋ kìlè wo yɛ̀mɛ̀ wo Ananaayà yèè wò nauŋ woò wààŋ, “Wo Dayà doum nàŋ hèèfɛ̀ɛ̀, muàum kpèmèè wolofua lɛɛ̀! Mùŋ jaa kià mùŋ yààìm gbài sùà nààŋ ke Sàwà Dayàa naŋ woò lɛ. Kɛɛ e tèèngà guùŋ bi sùà mùŋ naŋ nyɛ̀nɛ̀ŋ anyùùŋ aŋ pɔ̀ɔ̀ ke Sàwàa nààŋ mùŋ naŋ nyiŋ woò wèè aim hàà fɛ̀ɛ̀ nyààŋ.”

Luùm 3:20

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

2 Kɔliìŋ 12:21

E jùù yààìm kɛ̀ sèè mìŋ hnàŋ ɓɛìŋ ko nɛ̀ɛ̀ŋ niìŋ wo Dayà miɔ̀ŋ doim nàŋ sìè sàngè ko fɛɛ̀fenìiŋ, mìŋ do nàŋ gòlò esaɓù kɛ̀ nyɛ̀iŋ nààŋ zimgbe nyiŋ kòò nìŋ kìlè wèè naŋ fè màŋ jùumù gɔugɔ̀ù maŋ nìŋ naŋ wa nyɛ̀ɛ̀nɛ̀ŋ maŋ kùàŋ sùà. Kòò nìŋ yaà nɔŋ nyìnìè maŋ hmɔŋtu naanààŋ, maŋ keì kùwà ninaŋ, yèè maŋ kèì sàngè.

Jìiiŋ 5:15

Yèè e zòòlo kùwìè e hààwe lii do nàŋ jòèyè wo nyuùŋ sàaàŋ, wo Dayà douŋ nàŋ gè dìì, yèè sèè wo weè pɛɛ nyɛ̀nɛ̀ŋ maŋ kèì jùumù wo Kanaà Dayà juuyà maŋ jùumùuŋ màŋ hakɛ̀.

1Jɔ̀ɔŋ 5:17

E keì naanààŋ gbiŋ yaà e jùumù, kɛɛ maŋ jùumù kòò màŋ yaào maŋ yè maŋ fè nyɛ̀nɛ̀ŋ wò nyùùŋ do sòò nɔ̀ŋ wɔ̀ŋ nyiiŋ gèe gò jùàa sùà lɛ.