1Jɔ̀ɔŋ 3:3 - WƆŊ FƐ̀Ì EBÒ SÌÀŊ DAYÀA

³ Wo nyùnɔ̀ɔŋ gbiŋ kuwa ke jii tùlia yɛɛ̀ wo Jisɛ̀ Kulaì sùà wɔ, wò nyɛnɛŋ wuŋ bi sengei màànààŋ wo Jisɛ̀ wuŋ bi yaà sengei lɛ̀.

1Jɔ̀ɔŋ 3:3 ပူးပေါင်းရင်းမြစ်များ

Maafiù 5:48

Nìŋ kuwa naŋ nɔ̀ŋ anyùùŋ tɔ̀ɔ̀nyaàŋ, màànààŋ nɔŋ wo Dèdaiŋ nɔɔ̀ŋ ko àìjɛnɛ̀ŋ yaà lɛ.

Luù 6:36

Kɛ̀ɛ̀nɛìŋ ke nyowo wèè aŋ dàwium nyàŋ, màànààŋ nɔŋ wo Dèdaiŋ nɔɔ̀ŋ kuwa ke nyowo lɛ̀.

Jɔ̀ɔŋ 17:19

Wèè esaɓù nyiŋ nɛ̀ kà jàà miàŋ bi e ɓula ko nɛ̀ɛ̀ŋ muìŋ, wèè kɛ̀ nyiŋ pɛɛ, àŋ naŋ ɓɛ̀nɛ̀ŋ nɔ̀ŋ e ɓula jàa nyiŋ ko nɛ̀ɛ̀ŋ muìŋ wèè e tɔ̀ɔ̀nyaàaŋ.

Nyɛ̀nɛ̀ŋ 15:9

Wo kuwà è tɛɛ gòòno yàwi nyiŋ è fèemàŋ. Àŋ naŋ sìè e hààwe nyiŋ nɛ̀ wo Dayà sùà, yèè wò naŋ nyɛ̀nɛ̀ŋ maŋ jii nyiŋ màŋ maŋ zɛ̀nɛ̀ŋ.

Luùm 15:12

Wo Àzaayà naŋ ɓɛìŋ woò wààŋ, “Wo nyùùŋ e yìwìà ke kpòò Jɛ̀seɛ̀ sùà do nàŋ hnè. Wò do nàŋ hnè wo nɔ̀ŋ wo kana wèè anyùùŋ nyaŋ fè àŋ Juùù nyaŋ diɛŋ, yèè àŋ douŋ nàŋ sìè maŋ jii tùlia nyiŋ màŋ sùà.”

2 Kɔliìŋ 7:1

Nyɛ̀iŋ nààŋ wùìya wi nyàŋ, wo Dayà ɓèmè maŋ ɗààhiì mɛɛ̀ŋ gbiŋ ko nɛ̀ɛ̀ŋ wiì, e wèètii, gùà wiìŋ yàwi bi sengei e gèiŋ maŋ tɔ̀mɛ màŋ gbiŋ yaà maŋ keìŋ wi màŋ sùà yèè aŋ jinàŋ wi nyàŋ sùà lɛ, e nɔ̀iŋ e nɛɛmaŋ sùà kpɛlɛmɛɛŋ esàɓù e jùùɛ yaà wì kɔɔ wèè Dayà lɛ.

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

Taitɔ̀ 3:7

Wò naŋ tɛɛ̀ nyɛ̀nɛ̀ŋ e wèè kɛ̀ esàɓù e tɛ̀ɛ̀tɛ̀ɛ̀ Jisɛ̀ Kulaìɛ sùà, wuŋ Dayà wo wi jàà kùàŋ dìì koɓɛ̀ wuŋ biì mààŋ anyùùŋ tɔ̀ɔ̀nyaàŋ, wèè eiŋ kùwìè ke jii tùliaà kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùàa wo Dayà naŋ wi wa sɔ̀ dèè wɔŋ.

Hiɓu 12:14

Kàmeìŋ ɗewe niŋ nyiniàŋ maŋ nyiiŋ gèeiŋ màŋ ke jii fàa sùà anyùùŋ nyaŋ gbiŋ e fèemàŋ, yèè niŋ nyiniàŋ maŋ nyiiŋ gèeiŋ màŋ nɛɛmaŋ sùà, esaɓù kɛ̀ wo nyùùŋ gbiŋ naàŋ yɛ̀mɛ̀ wò Kanaà sèè wò go niŋ nyɛ̀nɛ̀ŋ.

Hiɓu 6:18

Manɛ̀ŋ ɗì tìyèe mɛɛ̀ŋ nàŋ yaào. Wo Dayà fè tòà, wo fè kìlà kè jiiuŋ nɛɛ̀ŋ julɔfɔ wèè e ɗààhiìɛ wò naŋ jɔ̀ɔ̀ e kìlà wò naŋ gbòònò diɛŋ lɛ̀. Yàwi nyàŋ naiŋ kɔ̀ ko nɛ̀ɛ̀uŋ niìŋ wèè wo wi joeyè nyaŋ, è doiŋ wɛ̀i nàŋ kɛ̀ɛ̀nɛ̀ŋ jii nyingè gbee wèè eiŋ kùwà kpaŋ koɓɛ̀ ke jii tùliaà yàwì ko feìŋ lɛ.

Hiɓu 7:26

Wo Jisɛ̀ nàŋ yaà wo Kànà Sìèfèìŋ Zòòlo Gbee wiɔ̀ wo yèɔ kiɛ̀ŋ wì e nɛ̀ɛŋ gbiŋ è naiŋ kpɛɛ̀ŋ weè niŋ lɛ. Wò yaà wo nyùùŋ nɛɛmaŋ. Wo kuwà è tɔ̀mɛ yèè màŋ jùumù. Wo Dayà nauŋ wa jàà ɓùla è gbà e yìwìà anyùùŋ jùumù nyàŋ fèemàŋ, yèè wò nauŋ joowò wouŋ nyɛ̀nɛ̀ŋ wo ɓɛ̀màŋɗì manɛ̀ŋ maŋ gbiŋ diɛŋ ko àìjɛnɛ̀ŋ.

Jìiiŋ 4:8

Gbɛ̀ɛìŋ Dayà kɔɔ, kɛ̀ wò doiŋ nàŋ gbɛ̀ɛ̀ e kɔɔ. Gùoìŋ le sìwè e yìwìà maŋ jùumùiŋ màŋ sùà, nyɛ̀iŋ nààŋ nyùùŋ màŋ jùumù nyaŋ. Yèè niŋ nyɛ̀nɛ̀ŋ maŋ jiiiŋ màŋ zɛ̀nɛ̀ŋ, nyɛ̀iŋ nààŋ nyuùŋ gò kùwìè jìì guùŋ nyaŋ!

1Pììlɛ 1:15

Kɛɛ, e nɛ̀ŋ gbiŋ nìŋ naŋ nyɛ̀nɛ̀ŋ, nɔ̀ìŋ e nɛɛmaŋ sùà màànààŋ nɔŋ wo Dayàa naiŋ nyààŋ wɔ wò yaà e nɛɛmaŋ sùà lɛ.

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,

2Pììlɛ 1:4

E ɗèwè guùŋ nɛɛ̀ sùà wò wi kìɛ̀ŋ e kìɛ̀ŋ è jii gbeeuŋ nɛ̀ wò naŋ wi sɔ̀ dèè lɛ, e wèè kɛ̀ esàɓù maŋ kìɛŋ mɛɛ̀ŋ sùà, naŋ fòlà maŋ gòngò wùànàŋ keì pɔ̀ɔ̀pɔ̀ɔ̀ sùà maŋ yaà e ɗuunyaàŋ maŋ, yèè naŋ hnàŋ e nɔ̀ŋ kìì Dayàa sùà naŋ nɔ̀ŋ bàiŋbà.

2Pììlɛ 3:14

E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.

1Jɔ̀ɔŋ 2:6

Wo nyùnɔ̀ɔŋ gbiŋ naŋ woò wààŋ wò naŋ hààwè wo Dayà wɔ, wò kuwa wo dè e tɔ̀ɔ̀màŋsèì ke kpèè Jisɛ̀ Kulaìɛ maŋjɛ̀wɛ.

1Jɔ̀ɔŋ 4:17

Sèè tɔɔɓaa eiŋ mànàŋ aŋ dàwi wi nyàŋ yèè e nɔ̀ŋ maŋ nyiiŋ gèe wi màŋ sùà màànààŋ wo Jisɛ̀ Kulaì yaà wa e ɗuunyaàŋ lɛ, e naàìŋ sɛ̀ɛ̀ jii wèè kè ɗɔɔ dìàmaàŋ wa nàwèè.