1Jɔ̀ɔŋ 3:20 - WƆŊ FƐ̀Ì EBÒ SÌÀŊ DAYÀA

²⁰ Sèè pɛɛ maŋ jii wi màŋ maŋ wi jèè e keì wèè maŋ keì naanààŋ wi màŋ è nyɛnɛŋ màŋ, e jùù ɓɔ̀ è nyɛ̀nɛ̀ŋ wi wèè eiŋ sìè wò Dayà fɛɛ̀feìŋ esaɓù kɛ̀ wo Dayà naŋ dɛɛ̀ e nìàŋ maŋ jii wi maŋ, yèè wò nyìmàŋ maŋ keì maŋ gbiŋ.

1Jɔ̀ɔŋ 3:20 ပူးပေါင်းရင်းမြစ်များ

Jɔ̀ɔŋ 21:17

E dìà taaà wo Jisɛ̀ naŋ ɓɛìŋ dàwè wo Saimɔ̀ŋ wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, kòò mùŋ mànàìm?” Wo Pììlɛ naŋ nɔ̀ŋ ɗoomɛɛŋ ke nyowo sùà nààŋ wo Jisɛ̀ nauŋ dawè e dìà taaà sùà wààŋ, “Kòò mùŋ mànàìm?” Yèè wo Pììlɛ nauŋ woò wààŋ, “Kanaà, màŋ nyìmàŋ maŋ keì maŋ gbiŋ. Màŋ nyìmàŋ kɛ̀ mìŋ mànàùm.” Yèè wo Jisɛ̀ nauŋ ɓɛìŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Jɔ̀ɔŋ 8:9

Nààŋ àŋ naŋ wa kòmò e nɛ̀ɛŋ wò naŋ woò lɛ, e yìwìà wo gbeeɔ̀, aŋ gbiŋ naŋ kɔ̀ guùŋ guùŋ. Àŋ naŋ jòò wo Jisɛ̀ wuŋ guùŋ, wo nìeɔ̀ sia koɓɛ̀i àŋ nauŋ seelè lɛ wo Jisɛ̀ kɔɔ.

Nyɛ̀nɛ̀ŋ 5:33

Nààŋ anyùùŋ gbèègbèè fuɔɔ̀ŋ naŋ wa tɛɛ̀ kòmò, àŋ naŋ wa tuù yèè àŋ manaŋ wa wèè aŋ jìwà aŋ keela tàeɗùù nyaŋ.

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

1 Kɔliìŋ 4:4

Miŋ gò jàà jii wèè è keì naanààŋ gbee bà eim nɔ̀ŋ, kɛɛ tii gò tɔɔ̀ kɛ̀ è keì fèìm. Wo Kanaà nɔŋ nàŋ doim nàŋ tùɔ̀ŋ maŋ nɔnɔŋ.

Taitɔ̀ 3:11

Màŋ nyìmàŋ kɛ̀ anyùùŋ mààŋ nyiiŋ maŋ gòngo nyiŋ màŋ fè tɛ̀ɛ̀, yèè maŋ jùumù nyiŋ màŋ tɔɔ̀ kɛ̀ àŋ jèè nyiŋ bi e keì ko fɛ̀ɛ̀fèìŋ Dayà.

Hiɓu 4:13

E nɛ̀ŋ gbiŋ fè wèè e nɔ̀ŋ kò nyɛɛnɛŋ kò fɛ̀ɛ̀fèìŋ Dayài. Manɛ̀ŋ maŋ gbiŋ e ɗuunyaàŋ màŋ yaà yìle miŋ yèè maŋ hawa janjai ko fɛɛ̀fenùuŋ niìŋ. Ko nɛ̀ɛ̀uŋ niìŋ è kuwa euŋ tɔ̀ɔ̀ e jìwààjɛ̀wɛ̀ e tɔ̀ɔ̀nyaàaŋ è naiŋ nyɛ̀nɛ̀ŋ lɛ.

Hiɓu 6:13

E teengaà wo Dayà naŋ wa jɔ̀ɔ̀ ɗààhiì wèè wo nyɛ̀nɛ̀ŋ e nɛ̀ŋ bà koɓɛ̀ Eɓulɔhɛɛ̀iŋ lɛ̀, wò naŋ wa gboonò e dèè wuŋ biɛ̀ diɛŋ, esaɓù kɛ̀ wo nyùùŋ gbiŋ gò dɛkɛ̀ wò do nìàŋ Dayà.

1Jɔ̀ɔŋ 3:19

Sèè è mɔ̀nɔ̀ìŋ aŋ dàwi, kɛ̀ èiŋ nyìmàŋ è yààìŋ anyùùŋ tɔ̀ɔ̀nyaàŋ, yèè è doiŋ nàŋ kɛ̀ɛ̀nɛ̀ŋ jii tùlia ko fɛ̀ɛ̀fèìŋ Dayài.

1Jɔ̀ɔŋ 3:21

Dàwi mànaim nyàŋ, sèè maŋ jii wi màŋ go wi jèè e keì, kɛ̀ e jùù naàŋ wi nyɛ̀nɛ̀ŋ wèè è doiŋ sìè wò Dayà fɛɛ̀feìŋ.

1Jɔ̀ɔŋ 4:4

Nyɛ̀iŋ nààŋ jɔ̀àim nyàŋ, wo Dayà nàŋ kànàìŋ, yèè nàŋ ɓùlà aŋ wɛ̀ijì tòa nyɛɛ̀ŋ. Esaɓù kɛ̀ wo Jìnàŋ Dayàa yààìŋ sùà yèè wò kuwa gaàŋ zimgbe e nìàŋ wo jinàaŋ yàa e ɗuunyaàŋ sùà wɔ.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.