1Jɔ̀ɔŋ 3:19 - WƆŊ FƐ̀Ì EBÒ SÌÀŊ DAYÀA

¹⁹ Sèè è mɔ̀nɔ̀ìŋ aŋ dàwi, kɛ̀ èiŋ nyìmàŋ è yààìŋ anyùùŋ tɔ̀ɔ̀nyaàŋ, yèè è doiŋ nàŋ kɛ̀ɛ̀nɛ̀ŋ jii tùlia ko fɛ̀ɛ̀fèìŋ Dayài.

1Jɔ̀ɔŋ 3:19 ပူးပေါင်းရင်းမြစ်များ

Jɔ̀ɔŋ 13:35

Sèè nìŋ mɔnɔŋ aŋ dàwiiŋ nyàŋ nyɛ̀iŋ bi e fèemàŋ, anyùùŋ nyaŋ gbiŋ do nàŋ nyìmè kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ.”

Jɔ̀ɔŋ 18:37

Kpeiŋ wo Paalè nauŋ dawè wààŋ, “Weètii mùŋ yaà wo kana?” Wo Jisɛ̀ naŋ fasàì wààŋ, “Nyɛ̀iŋ naŋ woò nààŋ mìŋ yaà wo kana. Mìŋ naŋ wa hnè e ɗuunyaŋ lɛɛ̀ wèè ka nɔ̀ŋ wo kana, yèè ɓɔɔɓɔɔ wèè ka wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ. Anyùùŋ tɔ̀ɔ̀nyaàŋ nyaŋ komo ke miè miɛ̀ŋ yèè àŋ jɔɔlɔ̀ nyiìŋ dìì nyaŋ.”

Luùm 4:21

Wo Eɓulɔhɛɛ̀ŋ kuwa wa e hààwe sɛmɛ kɛ̀ wo Dayà do nàŋ nyɛ̀nɛ̀ŋ e yèɛ wò naŋ jɔ̀ɔ̀ ɗààhiì wèè wo nyɛ̀nɛ̀ŋ lɛ.

Luùm 8:38

Mìŋ naŋ tùlìè e hààwe mɛ̀ jii kɛ̀ e nɛ̀ŋ gbiŋ fè wèè eim gè è mànàŋ Dayàa sùà. E fè pɛɛ è fàa ɔ̀ɔ̀ wɔ̀ŋ nyiiŋ gèe, aŋ màikà ɔ̀ɔ̀ anyùùŋ gbèègbèè ko àìjɛnɛ̀ŋ nyaŋ yaà maŋ gaàŋ gbeegbèè joo, miŋ dò nàŋ sɔ̀ e jàmaìŋ lɛɛ̀ ɔ̀ɔ̀ e yèɛ do nàŋ hnè lɛ, fèim gè è mànàŋ Dayàa sùà.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

Hiɓu 10:22

Weètii, hnàŋ wiìŋ e gbɛ̀ɛ̀iŋ wo Dayà, maŋ jii tɔ̀ɔ̀nyaàŋ yaà ke jii tùlia gbee e yìwìà hààwe kɛnɛ sùà. È kùwàìŋ naàŋ maŋ jii zɛ̀nɛŋ, e kìlà maŋ fè ɓɛìŋ màŋ keì naanààŋ mɛɛ̀ŋ màŋjɛ̀wɛ, yèè maŋ kpùnaŋ wi màŋ nɔ̀ŋ gùa miŋ e wuiyè sengèì sùà.

Hiɓu 11:13

E yìwìà e hààwe sùà anyùùŋ nyɛɛ̀ŋ gbiŋ naŋ wa fɔ̀. Aŋ gò wa yɛ̀mɛ̀ mànɛ̀ŋ maŋ wò Dayà naŋ wa jɔ̀ɔ̀ è ɗààhiì kɛ̀ wò do nyiŋ wa nàŋ kiɛ̀ŋ lɛ, kɛɛ àŋ naŋ miŋ wa yɛmɛ̀ koɓɛ̀ dii yèè àŋ naŋ miŋ ɓeè, yèè àŋ naŋ nyimèè kɛ̀ àŋ yaà wa nɔŋ aŋ nyùùnèènyɛiŋ yèè anyùùŋ fuɔŋ joo e dììɛ diɛŋ.

1Jɔ̀ɔŋ 1:8

Sèè eiŋ woò kɛ̀ kòò è nyɛ̀nɛ̀ìŋ màŋ jùumù, è naiŋ zùwò yàwi bi, yèè ngèè e tɔ̀ɔ̀nyaàŋ fè màŋ jii wi màŋ sùà.

1Jɔ̀ɔŋ 2:21

E fè mààŋ niŋ nyimààŋ è tɔ̀ɔ̀nyaàaŋ, wèè kaìŋ sìngà wɔ̀ŋ fɛi wɛɛ̀ŋ, kɛɛ nààŋ nìŋ naŋ niŋ nyìmè lɛ, nàŋ nyìmàŋ kɛ̀ e tòa bà gbiŋ e fè è tɔ̀ɔ̀nyaàŋ bi sùà.

1Jɔ̀ɔŋ 3:14

Sèè e weè nɔ̀ŋ e keì wòo, èiŋ nyìmàŋ kɛ̀ e fèiŋ ɓɛìŋ è fàa dìì. È yààìŋ naàŋ wɔŋ nyiiŋ gèe sùà. Esaɓù kɛ̀, è mànàìŋ anyuùŋ hààwe dàwi wi nyàŋ. Wo nyùnɔ̀ɔŋ gbiŋ manàŋ wo dàwiuŋ nɔɔ̀ŋ wɔ, wò yaà e gààŋ fàa dìì.

1Jɔ̀ɔŋ 3:20

Sèè pɛɛ maŋ jii wi màŋ maŋ wi jèè e keì wèè maŋ keì naanààŋ wi màŋ è nyɛnɛŋ màŋ, e jùù ɓɔ̀ è nyɛ̀nɛ̀ŋ wi wèè eiŋ sìè wò Dayà fɛɛ̀feìŋ esaɓù kɛ̀ wo Dayà naŋ dɛɛ̀ e nìàŋ maŋ jii wi maŋ, yèè wò nyìmàŋ maŋ keì maŋ gbiŋ.

1Jɔ̀ɔŋ 3:21

Dàwi mànaim nyàŋ, sèè maŋ jii wi màŋ go wi jèè e keì, kɛ̀ e jùù naàŋ wi nyɛ̀nɛ̀ŋ wèè è doiŋ sìè wò Dayà fɛɛ̀feìŋ.