1Jɔ̀ɔŋ 3:18 - WƆŊ FƐ̀Ì EBÒ SÌÀŊ DAYÀA

¹⁸ Nyɛ̀iŋ nààŋ jɔ̀àim nyàŋ, nìŋ tɔɔ̀ e mànaŋ wèè aŋ dàwi sèè nìŋ kpuumàŋ nyìŋ e tɔ̀ɔ̀nyaàŋ sùà, kɛɛ e fè nɔŋ wèè naŋ niŋ wòò kò nyààŋ.

1Jɔ̀ɔŋ 3:18 ပူးပေါင်းရင်းမြစ်များ

Luù 7:5

Wo kenàŋ wɛɛ̀ manaŋ anyuùŋ wi nyàŋ yèè ngèè wuŋ bi naŋ fè e nɛɛnɛŋ aŋ nyɛ̀lɛ̀ ke sààŋ zòòlò aŋ Juùù weè wi.”

Jɔ̀ɔŋ 17:19

Wèè esaɓù nyiŋ nɛ̀ kà jàà miàŋ bi e ɓula ko nɛ̀ɛ̀ŋ muìŋ, wèè kɛ̀ nyiŋ pɛɛ, àŋ naŋ ɓɛ̀nɛ̀ŋ nɔ̀ŋ e ɓula jàa nyiŋ ko nɛ̀ɛ̀ŋ muìŋ wèè e tɔ̀ɔ̀nyaàaŋ.

Luùm 12:9

Manàŋ aŋ dàwium nyàŋ, e tɔ̀ɔ̀nyaàŋ sùà. Wuàŋ e keì naanààŋ nyɛ̀nɛŋ, dìkià muàŋ bi koɓɛ̀ e keì sìàŋ nyɛ̀nɛŋ.

Gàla 5:13

Wùìyaim nyaŋ, àŋ naiŋ wa tàeɗùù wèè naŋ nɔ̀ŋ e bìlɛiŋ e yìwìà e ɗo dìì. Ɓɔ̀ nìŋ toomò è bìlɛiŋ bi e nɔ̀ŋ kè kàfaì wèè naŋ nyɛ̀nɛ̀ŋ è yèɛ nìŋ manaŋ lɛ̀. Tòòmoìŋ niŋ e nɔ̀ŋ keì sìàŋ maŋ kpùnaiŋ màŋ sùà wèè naŋ kìɛ̀ŋ aŋ dàwi e mànaŋ.

Ɛfesɔ̀ 4:15

Kɛɛ gbàì wiìŋ tɔ̀ɔ̀nyaàŋ e mànaŋ sùà, kɛ̀ è doiŋ nàŋ dɛɛ̀ maŋ dòmaŋ nyaaŋ màŋ gbiŋ sùà koɓɛ̀ Jisɛ̀ Kulaìi, wo yèɔ yaà wo ɓɛ̀èɗìɔ wɔ̀.

1Tɛsè 1:3

Esaɓù kɛ̀ èiŋ jàà jii ko fɛ̀ɛ̀fèìŋ Dayà wo Dèdaà wiɔ̀ e ɗeweɛ̀ nìŋ naŋ gbìɛ̀ŋ e hààweiŋ nɛ̀ e gbèe maŋjɛ̀wɛ yèè eɗewɛ̀ e mànaiŋ nɛ̀ naŋ nyɛ̀nɛ̀ŋ nìŋ naŋ tomo nyìnga, e kìlà e ɗeweɛ̀ ke jii tùliaiŋ nɛɛ̀ŋ wo Kana wiɔ̀ Jisɛ̀ Kulaì sùà naŋ nyìngè sùà lɛ.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Jɔ̀ɔŋ 2:1

Mìŋ yaà tɛɛ̀ sìngà sùà ko nɛ̀ɛ̀ŋ niìŋ, nyɛ̀iŋ nààŋ jɔ̀àim nyàŋ, wèè kɛ̀ ɓɔ̀ nìŋ nyɛ̀nɛ̀ŋ màŋ kèì jùumù, kɛɛ sèè wo nyùnɔ̀ɔŋ gbiŋ naŋ nyɛ̀nɛ̀ŋ maŋ kei jùumù wɔ, è kùwàìŋ wo nyùùŋ wèè wo pɔ̀wɔ̀ wo Dèdaà e wèè wi, wo nyùùŋ bi nàŋ yaà wo Jisɛ̀ Kulaì wo nyùùŋ tɔ̀ɔ̀nyaàaŋ.

1Jɔ̀ɔŋ 3:7

Nyɛ̀iŋ nààŋ jɔ̀àim nyàŋ, ɓɔ̀ nìŋ dangè wò nyùùŋ gbiŋ doiŋ zuwò. Wo nyùnɔ̀ɔŋ gbiŋ naŋ nyɛ̀nɛ̀ŋ tɛ̀ɛ̀ wɔ wò yaà wo nyùùŋ tɔ̀ɔ̀nyaàŋ, màànààŋ wo Jisɛ̀ yaà e tɔ̀ɔ̀nyaàŋ lɛ.

2Jɔ̀ɔŋ 1:1

E yìwìà koɓɛ̀ wo màmàŋkùmɛɔ̀ŋ, wo sìèfeìŋ anyuùŋ hààwe nyàŋ. E kà koɓɛ̀ wo nìe tàeɗùù titi bà yaà aŋ jɔ̀àuŋ nyàŋ. Tɔɔɓaa mìŋ manaŋ nyɛiŋ gbiŋ. Yèè aŋ yè nyaŋ gbiŋ naŋ nyìmè e tɔ̀ɔ̀nyaàaŋ lɛ̀ àŋ mànaìŋ.

3Jɔ̀ɔŋ 1:1

E yìwià koɓɛ̀ wo màmàŋkùmɛɔ̀ŋ, wo sìèfèìŋ anyuùŋ hààwe nyàŋ. E kà koɓɛ̀ wo dàwi miɔ̀ŋ Gayɔ̀i, wo yeɔ̀ mìŋ naŋ kaì mɔ̀nɔ̀ŋ e tɔ̀ɔ̀nyaàŋ sùà wɔ.