1Jɔ̀ɔŋ 3:16 - WƆŊ FƐ̀Ì EBÒ SÌÀŊ DAYÀA

¹⁶ E ɗeweɛ̀ wo Jisɛ̀ Kulaì naŋ wa fɔ̀ lɛ naŋ wi tɔɔ̀ kɛ̀ kiìŋ nàŋ yaà e mànaŋ. Wo Kulaì naŋ wa hèè wɔŋ nyiiuŋ nɔɔ̀ŋ dìì e weè wi, yèè sɔɔ̀ eiŋ hàà maŋ nyiiŋ wi màŋ dìì wèè àŋ wùìya wi nyàŋ.

1Jɔ̀ɔŋ 3:16 ပူးပေါင်းရင်းမြစ်များ

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Jɔ̀ɔŋ 10:11

“Miàŋ nàŋ yaà wo nyuùŋ tùnìàŋ aŋ ɓaawaa siaàŋ, yèè mìŋ naŋ nyimèè wèè ka kìɛ̀ŋ wɔŋ nyiiŋ miɔ̀ŋ wèè aŋ ɓaawaa nyàŋ.

Jɔ̀ɔŋ 13:34

Yèè mìŋ yààìŋ naàŋ kìɛ̀ŋ sùà ke sàwà jɛi. Mànaìŋ aŋ dàwiiŋ nyàŋ màànààŋ nɔŋ mìŋ naiŋ wa mɔ̀nɔ̀ŋ lɛ.

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

Luùm 16:4

Anyùùŋ nyɛɛ̀ŋ naŋ jàà maŋ nyiiŋ nyiŋ màŋ sɛɛ e weèim. Maŋ jii wi màŋ naŋ fɔ̀ weè nyiŋ, miàŋ yèè ke gbòò anyuùŋ hààwe nyàŋ gbiŋ maŋ sààŋ zòòlò anyùùŋ nyaŋ fè àŋ Juùù nyaŋ dìì.

Luùm 5:8

Kɛɛ wo Dayà wò wi tɔ̀ɔ̀ e mànaàŋ wò kuwa weè wilɛ̀, nààŋ wò naŋ nyimèè wèè wo Jisɛ̀ Kulaì wo fà weè wi, jòòpɛɛ è yààìŋ wa anyùùŋ maŋ jùumù.

2 Kɔliìŋ 4:12

Tɛɛ̀ naŋ tɔɔ̀ kɛ̀ e fàa yaà wì sùà è yaà toomo, kɛɛ wɔŋ nyiiŋ yààìŋ sùà wɔ̀ŋ yaà toomo.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Ɛfesɔ̀ 5:25

Felaa kùwìè jɔùŋ nyaŋ, mànaìŋ aŋ jawèiŋ nyàŋ màànààŋ wo Jisɛ̀ Kulaì naŋ mɔ̀nɔ̀ŋ ke gbòò anyuùŋ hààwe nyàŋ e jèèsùà wo fè wɔŋ nyiiuŋ nɔɔ̀ŋ e weè nyiŋ lɛ̀.

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Fèle 2:30

esaɓù kɛ̀ wò naŋ joo tòloò wèè wo fà wèè e tòmò Dayàa wò yaà nyinie wèè wo Jisɛ̀ Kulaì lɛ, yèè wò naŋ jàà wɔŋ nyiiuŋ nɔɔ̀ŋ sɛɛ wèè woim kìɛ̀ŋ e kpùùmaàŋ nyɛ̀iŋ bi nìŋ fèim weè nàŋ kiɛ̀ŋ lɛ.

1Tɛsè 2:8

Esàɓù e mànaàŋ è kuwa weèiŋ nɛ̀ nyɛ̀iŋ nààŋ wùìya mànaŋ wi nyàŋ, wèètii è naŋ wa banebànè wèè e nyɛ̀nɛ̀ŋ naŋ nyìmàŋ e kèì Ebò Siaàŋ è yewe Dayà sìwè lɛ, sèè weè pɛɛ maŋ nyiiŋ wi màŋ maiŋ jèè maŋjɛ̀wɛ. È kuwa e mànaŋ zimgbe weèiŋ.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

1Pììlɛ 1:18

Nàŋ nyìmàŋ kɛ̀ kiìŋ wo Dayà naŋ paawà, wèè woiŋ dangè wèè foo e yìwìà maŋ nyiiŋ gèe foofòò maŋ aŋ nèwàènèweiŋ nyàŋ naiŋ jùùyè sùà maŋ. E fè wa è nɛ̀ŋ bà è yèɛ nyùùŋ naŋ ɓɛ̀nɛ̀ŋ pɔ̀ɔ lɛ̀, mààŋ è kaiŋ fua ɔ̀ɔ̀ è gòoò.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Jɔ̀ɔŋ 2:6

Wo nyùnɔ̀ɔŋ gbiŋ naŋ woò wààŋ wò naŋ hààwè wo Dayà wɔ, wò kuwa wo dè e tɔ̀ɔ̀màŋsèì ke kpèè Jisɛ̀ Kulaìɛ maŋjɛ̀wɛ.

1Jɔ̀ɔŋ 2:9

Sèè eiŋ woò wìàà è yààìŋ e gbolòuŋ sùà, kɛɛ è naiŋ wùɔ̀ŋ aŋ wùìyà wi nyàŋ, kɛ̀ kòò è yààìŋ nɔŋ kpɛ ke nyìwìɛ sùà sààmɛ pɛɛ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 5:9

Àŋ naŋ dàà wɔŋ nuùŋ jɛ̀ì nyààŋ, “Mùŋ yaà tɛ̀ɛ̀ wèè maŋ ɓèmè wɔŋ fɛi fùngò fungoɔ̀ yèè maŋ yìlè e fèè manɛ̀ŋ yìlia màŋ yàa wuùŋ maŋ, esaɓù kɛ̀ àŋ naum wa jìwè, yèè e yìwìà maŋ sɛ̀ìŋ muàŋ bi màŋ, mùŋ naŋ bìlɛ̀ŋ anyùùŋ wèè Dayà, anyùùŋ e yìwìà e ziì gbiŋ sùà, maŋ kàìŋ gbiŋ sùà, wɔŋ fuɔŋ gbiŋ sùà, yèè anyuùŋ kpùuŋ ziì gbiŋ.