1Jɔ̀ɔŋ 3:14 - WƆŊ FƐ̀Ì EBÒ SÌÀŊ DAYÀA

¹⁴ Sèè e weè nɔ̀ŋ e keì wòo, èiŋ nyìmàŋ kɛ̀ e fèiŋ ɓɛìŋ è fàa dìì. È yààìŋ naàŋ wɔŋ nyiiŋ gèe sùà. Esaɓù kɛ̀, è mànàìŋ anyuùŋ hààwe dàwi wi nyàŋ. Wo nyùnɔ̀ɔŋ gbiŋ manàŋ wo dàwiuŋ nɔɔ̀ŋ wɔ, wò yaà e gààŋ fàa dìì.

1Jɔ̀ɔŋ 3:14 ပူးပေါင်းရင်းမြစ်များ

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Luù 15:24

Esaɓù kɛ̀ wo jɔ̀àfelaaim wɛɛ̀ naŋ wa fɔ̀, kɛɛ wò yaà naàŋ wɔŋ nyiiŋ gèeɔ̀ sùà. Wò naŋ wa go, kɛɛ kàuŋ naàŋ mɛɛ̀ŋ.’ Yèè wɔŋ ɗaaà naŋ tɔɔtù.

Luù 15:32

Kɛɛ è kuwa eiŋ gè zɔlɔ̀ esaɓù kɛ̀ wo wùìyà mɔɔ̀ŋ naŋ mɛ̀iŋ fɔ̀, kɛɛ kòò wò yaà naàŋ wɔŋ nyiiŋ gèeɔ̀ sùà, wò naŋ wa go, èuŋ mɛɛ̀ŋ.’ ”

Luù 7:5

Wo kenàŋ wɛɛ̀ manaŋ anyuùŋ wi nyàŋ yèè ngèè wuŋ bi naŋ fè e nɛɛnɛŋ aŋ nyɛ̀lɛ̀ ke sààŋ zòòlò aŋ Juùù weè wi.”

Jɔ̀ɔŋ 13:35

Sèè nìŋ mɔnɔŋ aŋ dàwiiŋ nyàŋ nyɛ̀iŋ bi e fèemàŋ, anyùùŋ nyaŋ gbiŋ do nàŋ nyìmè kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ.”

Jɔ̀ɔŋ 15:12

Nyɛ̀nɛìŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, wèè kɛ̀ naŋ mànàŋ aŋ dàwiiŋ nyàŋ, màànààŋ nɔŋ mìŋ mànàìŋ lɛ.

Jɔ̀ɔŋ 15:17

Weètii, nyɛ̀nɛìŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, wèè kɛ̀ naŋ mànàŋ aŋ dàwiiŋ nyàŋ.”

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

2 Kɔliìŋ 5:1

Èiŋ nyìmàŋ kɛ̀ ke saaŋ yɛɛ̀ è yààìŋ yɛi dìì le tèènè mààŋ kè kpùnaŋ wiɛ̀, sèè kè gɔɛ gɔ̀ɛ̀, è kùwàìŋ ke saaŋ e yìwìà Dayà sìwè. Ke saaŋ gò nyìlìà lè sìwè kè yaà ke saaŋ wèè julɔfɔ ko àìjɛnɛ̀ŋ.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Ɛfesɔ̀ 1:15

E wèè esaɓù lɛɛ̀, nààŋ kinɛiŋ mìŋ naŋ kòmò e kèè e hààweiŋ nɛ̀ wo Kanaà Jisɛ̀ Kulaì sùà yaà e ɗeweɛ̀ nìŋ kuwa e mànaŋ wèè anyùùŋ nɛɛmaŋ gbànaŋ nyàŋ gbiŋ lɛ̀,

Ɛfesɔ̀ 2:1

E gɔuɛ̀ sùà, nìŋ naŋ wa fɔ̀ wo jinàiŋ nɔɔ̀ŋ sùà esàɓù maŋ keì naanààŋ, yèè maŋ jùumùiŋ màŋ.

Ɛfesɔ̀ 2:5

E teengaà è yààìŋ wa aŋ fà wi wo jinàaŋ sùà esàɓù maŋ keì naanààŋ wi màŋ lɛ, wò naŋ wi kɛ̀lɛ̀ɛ̀ wɔŋ nyiiŋ gèeɔ̀ sùà yàwi nààŋ Jisɛ̀ Kulaì. È naiŋ yɛ̀mɛ̀ e jòèye esàɓù e tɛ̀ɛ̀tɛ̀ɛ̀ Dayàa sùà.

Kòlo 1:4

Èiŋ kòmàŋ e kèè e hààweɛ̀ niŋ kuwa wo Jisɛ̀ Kulaì sùà, yèè e mànaàŋ nìŋ kuwa wèè anyùùŋ nɛɛmaŋ nyàŋ gbiŋ lɛ̀.

1Tɛsè 4:9

Esaɓù bà fè wèè eiŋ sìngà wɔ̀ŋ fɛi, è nyaàiŋ dè è ɗeweɛ̀ nìŋ mɔnɔŋ àŋ dàwiiŋ nyàŋ lɛ, esaɓù kɛ̀ nyɛ̀iŋ bi wo Dayà wòiŋ kàà e ɗeweɛ̀ nìŋ kuwìà e mànaŋ wèè aŋ dàwiiŋ nyàŋ lɛ,

Hiɓu 13:1

Kɛ̀ɛ̀nɛìŋ e mànaŋ wèè aŋ dàwi, màànààŋ anyùùŋ màŋjɛ̀wɛ̀ Kanaà Jisɛ̀ kuwa aŋ nyɛ̀nɛ̀ŋ lɛ.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.

2Pììlɛ 1:7

yèè maŋ nyiiiŋ màŋ kìla koɓɛ̀ Dayà tòòyaìŋ niŋ e kpɛ̀ɛŋ wèè anyuùŋ hààwe dàwiiŋ nyàŋ, yèè e kpɛ̀ɛiŋ nɛ̀ wèè anyuùŋ hààwe dàwiiŋ nyàŋ tòòyaìŋ niŋ e mànaŋ.

1Jɔ̀ɔŋ 2:3

Sèè è naiŋ jɔ̀ɔ̀lɔ̀ maŋ Sàwà Dayà maŋ dìì, è doiŋ nàŋ kùwìè e hààweɛ̀ kɛ̀ eiŋ nyìmàŋ wo Dayà.

1Jɔ̀ɔŋ 3:23

E nɛ̀ɛŋ wo Dayà naŋ wi woò wèè eiŋ nyɛ̀nɛ̀ŋ lɛ nàŋ yaà, wèè eiŋ kɛ̀ɛ̀nɛ̀ŋ e hààwe e dèè wo Jɔ̀àfelaauŋ nɔɔ̀ŋ Jisɛ̀ Kulaì sùà, yèè e mànàŋ aŋ dàwi wi nyàŋ màànààŋ wo Kulaì naŋ wi woò wèè eiŋ nyɛ̀nɛ̀ŋ lɛ.

1Jɔ̀ɔŋ 4:12

Nààŋ gbà wo nyùùŋ gbiŋ kòò yɛ̀mɛ̀ wa wò Dayà, kɛɛ sèè è naiŋ mɔ̀nɔ̀ŋ aŋ dàwi wi nyàŋ, wo Dayà do wi nàŋ nɔ̀ŋ maŋjɛ̀wɛ, yèè tɔɔɓaa e mànauŋ nɛ̀ yaà maŋ jii wi màŋ sùà.

1Jɔ̀ɔŋ 5:13

Mìŋ naŋ tɛɛ̀ sìngè ko nɛ̀ɛ̀iŋ niìŋ nyɛ̀iŋ nyàŋ naŋ hààwè e dèè Jɔ̀àfèlàà Dayàa sùà nyaŋ, wèè naŋ nyìmàŋ kɛ̀ nìŋ kuwa wɔŋ nyiiŋ gèe gò jùà.

1Jɔ̀ɔŋ 5:2

Sèè è mɔ̀nɔ̀ìŋ wo Dayà e kìlà eiŋ jɔ̀ɔ̀lɔ̀ maŋ sàwàuŋ màŋ dìì, èiŋ nyìmàŋ kɛ̀ è doiŋ nàŋ mɔ̀nɔ̀ŋ aŋ jɔ̀àuŋ nyàŋ nyiŋ pɛɛ.