1Jɔ̀ɔŋ 3:12 - WƆŊ FƐ̀Ì EBÒ SÌÀŊ DAYÀA

¹² Yèè ɓɔ̀ è nɔ̀iŋ mààŋ wo Kiìŋ, wò yaà wo nyùùŋ Sɛ̀tanàŋ, wo yèɔ naŋ wa jìwè wo wùìyà wuŋ biɔ̀ Eɓɛ̀ɛ̀ wɔ. Wèè kiìŋ saɓù wo Kiìŋ naŋ wa jìwè wo Eɓɛ̀ɛ̀? Wò naiŋ wa nyɛ̀nɛ̀ŋ esaɓù kɛ̀ wo nanàuŋ nɔɔ̀ŋ yaà wa wo nyùùŋ tɔ̀ɔ̀nyaàŋ, kɛɛ wuŋ bi wò yaà wa wɔŋ fàà wo Nyùùŋ Kɛ̀ɛ̀nɛ̀ŋ ke kpèè naanààaŋ.

1Jɔ̀ɔŋ 3:12 ပူးပေါင်းရင်းမြစ်များ

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 13:38

Wɔŋ ɓùɔ naŋ yaà e ɗuunyaàŋ. Ke kuù kòmàŋ sìàaŋ nàŋ yaà anyùùŋ nyaŋ kanaŋ e Kànà àìjɛnɛ̀ɛŋ nyàŋ. Maŋ dɛɛ wuiye naanààŋ maŋ nàŋ yaà anyùùŋ nyaŋ kanaŋ wo nyuùŋ kɛ̀ɛ̀nɛ̀ŋ ke kpèè naanààaŋ.

Maafiù 23:35

Maŋ sɛ̀ìŋ anyùùŋ tɔ̀ɔ̀nyaàŋ nyaŋ nìŋ naŋ wa wùɔ̀ŋ ko dììnaŋ màŋ doiŋ nàŋ gɔ̀àì ɗì, e yìwìà maŋ sɛ̀ìŋ Eɓɛ̀ɛ̀ maŋ e kà koɓɛ̀ maŋ sɛ̀ìŋ Zakalayà maŋ, wo jɔ̀àfèlàà Balakìàa, wo yèɔ nìŋ naŋ wa jìwìè e fèèmàŋ ke Saaŋ Zòòlò Dayàa yèè wɔŋ gbɛ̀gbɛ̀ zòòloɔ̀ wɔ.

Maafiù 27:23

Wo Paalè naŋ nyiŋ ɓɛìŋ dawè wààŋ, “Kiìŋ kè sàwà wò naŋ pɔɔ̀?” Yèè e faaàŋ naŋ ngèè ɓɛìŋ kpààŋ sɛiŋ nyààŋ, “Kpùùnyaàuŋ wɔŋ vànèkpaaà diɛŋ!”

Maafiù 5:37

Tɔ̀ e yèɛ nìŋ woà lɛ e nɔ̀ŋ ‘Èèè’ ɔ̀ɔ̀ ‘Kpele.’ Eɓìèmàŋjɛ̀wɛ̀ tɛɛ̀, e yèɛ gbiŋ nìŋ woà naàŋ lɛ è yewe wo Sɛ̀tanàŋ sìwè, wo Nyuùŋ Kɛ̀ɛ̀nɛ̀ŋ ke Kpèè naanààaŋ.

Luù 11:51

e yìwìà maŋ sɛ̀ìŋ Eɓɛ̀ɛ̀ maŋ e kà koɓɛ̀ maŋ sɛ̀ìŋ Zakalayà maŋ, wo yèɔ nìŋ naŋ wa jìwìè e fèèmàŋ ke Saaŋ Zòòlò Dayàa yèè wɔŋ gbɛ̀gbɛ̀ zòòloɔ̀. Hɛ̀ɛɛ̀ŋ, tɔ̀ miŋ woòiŋ kɛ̀, maŋ keì nyìnga mɛɛ̀ŋ gbiŋ do nàŋ kààìŋ anyùùŋ nyaŋ gbiŋ yaà nàaŋ wɔŋ nyiiŋ gèeɔ̀ sùà nyaŋ.”

Jɔ̀ɔŋ 10:32

Wo Jisɛ̀ naŋ nyiŋ woò wààŋ, “Kàiŋ tɔ̀ɔ̀ maŋ keì sìàŋ zimgbe maŋ yè maŋ wo Dèda miɔ̀ŋ naim tùɔ̀ŋ wèè ka nyɛ̀nɛ̀ŋ maŋ. Wèè esàɓù maŋ keì mɛɛ̀ŋ, kòò miŋ nìŋ manaŋ naim hɔ̀wà weè miŋ?”

Jɔ̀ɔŋ 8:40

Kɛɛ wèè niŋ go niŋ nàŋ jàà kùàŋ dìì, nìŋ manaŋ naim jìwà e fòfoo mìŋ yààìŋ wòò sùà e tɔ̀ɔ̀nyaàaŋ wo Dayà naim kiɛ̀ŋ lɛ. Wo Eɓulɔhɛɛ̀ŋ gò wa nyɛ̀nɛ̀ŋ è keì mààŋ tii.

Jɔ̀ɔŋ 8:41

Nìŋ yaà nyìnìè e nɛ̀ŋ guùŋ nɛ aŋ dèdaiŋ nyàŋ naŋ wa nyɛ̀nɛ̀ŋ lɛ.” Anyùùŋ nyaŋ naŋ fasàì nyààŋ, “Ɓɔ̀ mùŋ woò wi mààŋ è yààìŋ àŋ jɔ̀à hmɔŋtu. Wo Dayà wuŋ bi nàŋ yaà nɔŋ wo Dèdaà è kùwàìŋ wɔ.”

Nyɛ̀nɛ̀ŋ 7:52

Wo kèèlà Dayà bà gbiŋ wa hnàŋ wo yèɔ aŋ nèwàènɛweiŋ nyàŋ aŋ gò wa nimilà wɔ? Àŋ naŋ wa jìwè aŋ kèèlà Dayà nyaŋ naŋ wa wòò e kèè e hnàŋ wo Ɓɔ̀ìjɔ̀à Nɛɛmauŋ nɔɔ̀ŋ. Nìŋ nàuŋ maàŋ e kìlà nàuŋ jìwà.

1Tɛsè 2:14

Nyɛ̀iŋ nààŋ wùìya wi nyàŋ, e nɛ̀ŋ guùŋ nɛ naiŋ kaaìŋ lɛ tiŋ naŋ kààìŋ koɓɛ̀ ke gbòò anyuùŋ hààwe Dayà nyàŋ ko Jùdià, koɓɛ̀ anyùùŋ nyaŋ wo Jisɛ̀ Kulaì kanaŋ nyàŋ. Nìŋ naŋ mɔ̀ɔ̀nɛ̀ŋ maŋ mɔ̀ɔ̀nɛŋ guùŋ bi dìì anyùùŋ nyɛ̀iŋ bi nyàŋ sìwè, màànààŋ àŋ naŋ wa mɔɔnɛ̀ŋ e yìwìà aŋ Juùù nyaŋ sìwè lɛ,

Hiɓu 11:4

E hààwe naŋ wa nyɛ̀nɛ̀ŋ wo Eɓɛ̀ɛ̀ naŋ kìɛ̀ŋ wo Dayà e nɛ̀ŋ saaà kɛnɛ e nìàŋ e yèɛ wo Kiìŋ naŋ wa kiɛ̀ŋ lɛ. E yìwìà e hààweuŋ nɛ̀ sùà wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ, esaɓù kɛ̀ wo Dayà wuŋ bi naŋ wa jàà kùàŋ dìì wèè e nɛ̀ŋ kìɛuŋ nɛ̀. Esàɓù e hààweuŋ nɛ̀ sùà wo Eɓɛ̀ɛ̀ kòò wò yaà nɔŋ gbuuye, jòòpɛɛ wo fè ɓɛìŋ wɔ̀ŋ nyiiŋ gèeɔ̀ sùà.

Hiɓu 12:24

Nàŋ hnàŋ koɓɛ̀ Jisɛ̀i, wo yèɔ sia e fèèmàŋ e ɗààhìì e mìèsùàgùùŋ jɛ̀ì Dayàa ko nɛ̀ɛ̀ŋ wiì wɔ. Yèè maŋ sɛiŋ nùuŋ màŋ àŋ naŋ vaaì maŋ, naŋ jɔ̀ɔ̀ e ɗààhiì kɛnɛ ko nɛ̀ɛ̀ŋ wiì e nìàŋ maŋ sɛ̀ìŋ Eɓɛ̀ɛ̀ maŋ.

1Pììlɛ 4:4

È do nàŋ fòònò anyuùŋ gò hààwè Dayà nyaŋ àŋ gè gòngo kɛ̀ wèè kiìŋ niŋ fè nyiìŋ ɓɛìŋ màŋjɛ̀wɛ nìŋ gè kìlia ko nyìnìè maŋ keì nàànààŋ guùŋ maŋ, wèètii àŋ fèìŋ maŋ mìè ɓɛ̀ɛ̀pɔ̀ɔ weè niŋ.

1Jɔ̀ɔŋ 3:8

Wo nyùnɔ̀ɔŋ gbiŋ nyɛnɛŋ maŋ kèì jùumù keleiŋ wɔ̀, wò yaà wo nyùùŋ Sɛ̀tanàŋ, e fèfoo wo Sɛ̀tanàŋ wò wa nyɛ̀nɛ̀ŋ maŋ kèì jùumù e yìwìà ko tɔ̀ɔ̀tù e ɗuunyaàŋ. Wèè esàɓù guùŋ lɛɛ̀ wo Jɔ̀àfèlàà Dayàa naŋ wa hnè, wèè wo pɔɔpɔ̀ɔ̀ e tòmoɛ̀ wo Sɛ̀tanàŋ naŋ nyɛ̀nɛ̀ŋ lɛ.

Juù 1:11

Wo Dayà do nyiŋ nàŋ nimilà nyìnga, àŋ naŋ dè ke dòmaàŋ wo Kiìŋ naŋ wa ɓemè yɛ diɛŋ. Àŋ fɔ̀ɔ̀nɔ̀ŋ e wùànàŋ nɛɛnɛŋ àŋ gbìàŋ nyiŋ bi e keì ɓàaà wo kèèlà Dayàa Bàlaàŋ naŋ wa nyɛ̀nɛ̀ŋ lɛ sùà. Àŋ gangà màànààŋ wo Kolà naŋ wa gangà lɛ, yèè àŋ pɔɔpɔ̀ɔ̀ màànààŋ wò naŋ wa pɔɔpɔ̀ɔ̀ lɛ.

Maŋ kèì nyɛɛnɛŋ 17:6

Mìŋ naŋ wa yɛmɛ̀ kɛ̀ maŋ mùàŋ naŋ wa kùwò wo nìeɔ̀ e yìwìà maŋ sɛ̀ìŋ anyùùŋ nɛɛmaŋ nyàŋ yèè maŋ sɛ̀ìŋ anyùùŋ nyaŋ àŋ naŋ wa jìwè nyaŋ, esaɓù kɛ̀ àŋ yaà wa aŋ seì yèè àŋ naŋ kìɛ̀ŋ maŋ nyiiŋ nyiŋ màŋ wèè Jisɛ̀. E teengaà mìŋ nauŋ wa yɛmɛ̀ lɛ, è naim wa foonò kpɛlɛmɛɛŋ.