1Jɔ̀ɔŋ 3:10 - WƆŊ FƐ̀Ì EBÒ SÌÀŊ DAYÀA

¹⁰ E tɛɛ gòòno sengèìɛ e fèèmàŋ aŋ jɔ̀à Dayà nyaŋ yèè anyùùŋ màŋjɛ̀wɛ̀ Sɛ̀tanàŋ nyaŋ nàŋ yaà, aŋ yè nyaŋ nyɛnɛŋ e yèɛ yaà tɔ̀ɔ̀nyaàŋ lɛ, nyiŋ nàŋ yaà aŋ jɔ̀à Dayà nyaŋ, yèè aŋ yè nyaŋ manàŋ àŋ wùìya nyiŋ nyàŋ lɛ naŋ yaà anyùùŋ màŋjɛ̀wɛ̀ Sɛ̀tanàŋ nyaŋ.

1Jɔ̀ɔŋ 3:10 ပူးပေါင်းရင်းမြစ်များ

Maafiù 13:38

Wɔŋ ɓùɔ naŋ yaà e ɗuunyaàŋ. Ke kuù kòmàŋ sìàaŋ nàŋ yaà anyùùŋ nyaŋ kanaŋ e Kànà àìjɛnɛ̀ɛŋ nyàŋ. Maŋ dɛɛ wuiye naanààŋ maŋ nàŋ yaà anyùùŋ nyaŋ kanaŋ wo nyuùŋ kɛ̀ɛ̀nɛ̀ŋ ke kpèè naanààaŋ.

Luù 6:35

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

Jɔ̀ɔŋ 1:12

Jòòpɛɛ anyùùŋ nyaŋ bà nyiŋ nauŋ wa jàà kùàŋ dìì yèè àŋ nauŋ sìè e hààwe nyiŋ nɛ̀ sùà. Anyùùŋ bi wò naŋ wa kìɛ̀ŋ e tɔ̀ɔ̀nyaàŋ wèè aŋ nɔ̀ŋ aŋ jɔ̀à koɓɛ̀ Dayài.

Jɔ̀ɔŋ 11:52

Yèè wo Kaifɔ̀ naŋ ɓɛìŋ woò wààŋ kɛ̀ wo Jisɛ̀ fè wa nɔŋ fà sùà wèè nyiŋ guùŋ. Wò yaà wa fàa sùà wèè wo hìàŋ anyùùŋ Dayà nyaŋ gbiŋ naŋ wa ɓaayè nyaŋ wèè aŋ nɔ̀ŋ mìèsùàguùŋ.

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

Jɔ̀ɔŋ 8:47

Wo nyùnɔ̀ɔŋ gbiŋ yewe koɓɛ̀ Dayài wɔ wò do nàŋ kòmò ke mìè Dayàa. Kɛɛ nìŋ naŋ gè maŋhɛɛ wèè naŋ kòmàŋ ke mièuŋ nɛɛ̀ŋ, esaɓù kɛ̀ niŋ fè wèè wò Dayà.”

Nyɛ̀nɛ̀ŋ 13:10

yèè wò nauŋ woò wààŋ, “Muàum jɔ̀àfèlàà Dɛwìɔ! Mùŋ yaà wo jooɔ̀ wèè e keì jìlɛŋ gbiŋ. Mùŋ naŋ dìè kàaɓì ɗewe gbiŋ, yèè kòò mùŋ yaà kààmè ɗewe e teenga gbiŋ wèè maŋ kìlà e tɔ̀ɔ̀nyààŋ Kanaà koɓɛ̀ e tòa!

Luùm 13:8

Ɓɔ̀ mùŋ nɔ̀ŋ è kpàŋ dìì wèè è nɛ̀ŋ bà gbiŋ kòɓɛ̀ wò nyùùŋ, kɛɛ nɔ̀ŋ e kpàŋ dìì wèè muŋ mànàŋ aŋ dàwiim nyàŋ. Wo nyùnɔ̀ɔŋ gbiŋ nyɛnɛŋ tɛɛ̀ wɔ, wò jɔ̀ɔ̀lɔ̀ ke Sàwà Dayà dìì.

Ɛfesɔ̀ 5:1

Nààŋ nìŋ yaà aŋ jɔ̀à è jìì Dayà lɛ, fɛ̀ɛìŋ niŋ nyɛ̀nɛ̀ŋ mààŋ Dayà nyɛnɛŋ lɛ̀.

Kòlo 3:14

E mànaŋ kuwa e sɛmɛmaŋ e nìàŋ e keì ɗewe gbiŋ. Tiŋ nàŋ jaanàŋ manɛ̀ŋ maŋ gbiŋ koɓɛ̀ guùŋ kpaŋ.

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

1Jɔ̀ɔŋ 2:29

Nàŋ nyìmàŋ kɛ̀ wo Jisɛ̀ Kulaì yaà wo nyùùŋ tɔ̀ɔ̀nyaàŋ. Kpeiŋ nìŋ kuwa naŋ nyìmàŋ kɛ̀, wo nyùnɔ̀ɔ̀ŋ gbiŋ naŋ nyɛ̀nɛ̀ŋ e yèɛ yaà e tɔ̀ɔ̀nyaàŋ lɛ wò yaà jɔ̀à Dayà.

1Jɔ̀ɔŋ 3:1

Yɛ̀mɛìŋ e ɗeweɛ̀ wo Dèdaà naŋ wi mɔ̀nɔ̀ŋ lɛ. E mànaàŋ wò kuwa e weè wi lɛ è naŋ dɛɛ̀, weètii àŋ naŋ wi nyààŋ aŋ jɔ̀à Dayà, yèè ngèè è yààìŋ aŋ jɔ̀à Dayà. Tɛɛ̀ naŋ nyɛ̀nɛ̀ŋ e ɗuunyaàŋ nyimààŋ wì, e fèfoo e ɗuunyaàŋ nyimààŋ wò Dayà.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

1Jɔ̀ɔŋ 4:21

Ke sàwàa wo Jisɛ̀ Kulaì naŋ wi wa fè yɛ nàŋ yaà, kɛ̀ sèè wo nyùnɔ̀ɔŋ gbiŋ mɔnɔŋ Dayà wɔ, sɔɔ̀ wo mànàŋ àŋ wùìyauŋ nyàŋ nyiŋ pɛɛ.

1Jɔ̀ɔŋ 4:6

È yààìŋ aŋ jɔ̀à Dayà, wo nyùnɔ̀ɔŋ gbiŋ naŋ nyìmè wo Dayà wɔ wò kumìàŋ wì. Kɛɛ wo nyùnɔ̀ɔ̀ŋ gbiŋ nyimààŋ wo Dayà wɔ wo fè wi kumìàŋ. Tɛɛ̀ nàŋ nyɛnɛŋ eiŋ nyìmàŋ e fèèmàŋ Jìnàŋ tɔ̀ɔ̀nyaàaŋ yaà wo jinàŋ tòaà.

1Jɔ̀ɔŋ 4:8

Wo nyùnɔ̀ɔŋ gbiŋ gò kɛ̀ɛ̀nɛ̀ŋ è mànaŋ wɔ̀, wo nyimààŋ Dayà, esaɓù kɛ̀ wo Dayà nàŋ yaà e mànaŋ.

1Jɔ̀ɔŋ 5:19

Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.

1Jɔ̀ɔŋ 5:2

Sèè è mɔ̀nɔ̀ìŋ wo Dayà e kìlà eiŋ jɔ̀ɔ̀lɔ̀ maŋ sàwàuŋ màŋ dìì, èiŋ nyìmàŋ kɛ̀ è doiŋ nàŋ mɔ̀nɔ̀ŋ aŋ jɔ̀àuŋ nyàŋ nyiŋ pɛɛ.

3Jɔ̀ɔŋ 1:11

Dàwi mànaŋ miɔ̀ŋ, ɓɔ̀ mùŋ fɔɔnɔ̀ŋ keì naanààŋ, kɛɛ fɔ̀ɔ̀nɔɔ̀ŋ keì sìàŋ. Wo nyùnɔ̀ɔŋ gbiŋ naŋ nyɛ̀nɛ̀ŋ keì sìàŋ wɔ̀, wò yaà wo nyùùŋ Dayà. Wo nyùnɔ̀ɔŋ gbiŋ naŋ nyɛ̀nɛ̀ŋ keì naanààŋ wɔ wo fè wò nyùùŋ Dayà.