1Jɔ̀ɔŋ 2:7 - WƆŊ FƐ̀Ì EBÒ SÌÀŊ DAYÀA

⁷ Dàwi mànaim nyàŋ, ke sàwàa mìŋ yaà sìnga sùà yɛ ke fè kè jɛi nyiŋ, kè yaà ke sàwà gɔu ke yèɛ nìŋ naŋ wa kòmò e yìwìà ko tɔ̀ɔ̀tù e ɗuunyaàŋ lɛ, ke sàwà gɔu bi nàŋ yaà ke mie gbìaàŋ nìŋ naŋ wa kòmò yɛ.

1Jɔ̀ɔŋ 2:7 ပူးပေါင်းရင်းမြစ်များ

Maafiù 5:43

“Nàŋ kòmàŋ e yèɛ àŋ naiŋ wa woò lɛ kɛ̀, ‘Niŋ mànàŋ aŋ dàwiiŋ nyàŋ yèè niŋ wùàŋ aŋ jooiŋ nyàŋ.’

Jɔ̀ɔŋ 13:34

Yèè mìŋ yààìŋ naàŋ kìɛ̀ŋ sùà ke sàwà jɛi. Mànaìŋ aŋ dàwiiŋ nyàŋ màànààŋ nɔŋ mìŋ naiŋ wa mɔ̀nɔ̀ŋ lɛ.

Nyɛ̀nɛ̀ŋ 17:19

Kpeiŋ àŋ naŋ kùwò wo Pɔɔ̀ yèè àŋ nauŋ hìɛ̀ŋ koɓɛ̀ ke gbòò aŋ màmàŋkùmɛŋ nyàŋ àŋ nyaaŋ Aliopagɔ̀. Àŋ nauŋ woò nyààŋ, “Wòò wi kɛ̀ kiìŋ e kàa jɛium lɛɛ̀ naŋ fasàì.

Hiɓu 6:9

Jòòpɛɛ èiŋ yɛi wɛ̀i gbòà ko nɛ̀ɛ̀iŋ niìŋ nyɛ̀iŋ nààŋ wùìyaim nyàŋ, kɛɛ tɔɔɓaa èiŋ nyìmàŋ kɛ̀ kòò nìŋ yaà nyìnìè maŋ kèì jii tùlia kɛnɛ màŋ anyùùŋ nyɛnɛŋ sèè wo Dayà joeyà nyiìŋ.

1Jɔ̀ɔŋ 2:24

Ke miè gbìaàŋ nìŋ naŋ wa kòmò e yìwìà e teengaà nìŋ naŋ wa nɔ̀ŋ anyuùŋ hààwe ko tɔ̀ɔ̀tù e ɗuunyaàŋ lɛ, jàaiŋ ke miè gbìaàŋ bi jii. Sèè nìŋ naŋ jàà ke mìè gbiàŋ bi jii, nìŋ do nàŋ nɔ̀ŋ aŋ bàwibà wo Jɔ̀àfelaaà yaà wo Dèdaà sùà.

1Jɔ̀ɔŋ 3:11

Ke mìè gbìaàŋ kɛɛ̀ nìŋ nàŋ wa kòmò e yìwìà ko tɔ̀ɔ̀tù e ɗuunyaàŋ, kɛ̀ e mànàiŋ aŋ dàwi wi nyàŋ.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

1Jɔ̀ɔŋ 3:21

Dàwi mànaim nyàŋ, sèè maŋ jii wi màŋ go wi jèè e keì, kɛ̀ e jùù naàŋ wi nyɛ̀nɛ̀ŋ wèè è doiŋ sìè wò Dayà fɛɛ̀feìŋ.

1Jɔ̀ɔŋ 3:23

E nɛ̀ɛŋ wo Dayà naŋ wi woò wèè eiŋ nyɛ̀nɛ̀ŋ lɛ nàŋ yaà, wèè eiŋ kɛ̀ɛ̀nɛ̀ŋ e hààwe e dèè wo Jɔ̀àfelaauŋ nɔɔ̀ŋ Jisɛ̀ Kulaì sùà, yèè e mànàŋ aŋ dàwi wi nyàŋ màànààŋ wo Kulaì naŋ wi woò wèè eiŋ nyɛ̀nɛ̀ŋ lɛ.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.

1Jɔ̀ɔŋ 4:11

Dàwi mànaim nyàŋ, sèè mààŋ è ɗeweɛ̀ lɛɛ̀ wo Dayà naŋ wi mɔ̀nɔ̀ŋ, kɛ̀ sɔ̀ɔ̀ eiŋ mànàŋ àŋ dàwi wi nyàŋ.

1Jɔ̀ɔŋ 4:21

Ke sàwàa wo Jisɛ̀ Kulaì naŋ wi wa fè yɛ nàŋ yaà, kɛ̀ sèè wo nyùnɔ̀ɔŋ gbiŋ mɔnɔŋ Dayà wɔ, sɔɔ̀ wo mànàŋ àŋ wùìyauŋ nyàŋ nyiŋ pɛɛ.

1Jɔ̀ɔŋ 4:7

Dàwi mànaim nyàŋ, mànàŋ wiìŋ aŋ dàwi wi nyàŋ, esaɓù e mànaŋ yewe wo Dayà sìwè. Wo nyùnɔ̀ɔŋ gbiŋ kɛɛnɛ̀ŋ e mànaŋ wɔ̀, wò yaà wo jɔ̀à Dayà yèè wò nyìmàŋ wo Dayà.