1Jɔ̀ɔŋ 2:24 - WƆŊ FƐ̀Ì EBÒ SÌÀŊ DAYÀA

²⁴ Ke miè gbìaàŋ nìŋ naŋ wa kòmò e yìwìà e teengaà nìŋ naŋ wa nɔ̀ŋ anyuùŋ hààwe ko tɔ̀ɔ̀tù e ɗuunyaàŋ lɛ, jàaiŋ ke miè gbìaàŋ bi jii. Sèè nìŋ naŋ jàà ke mìè gbiàŋ bi jii, nìŋ do nàŋ nɔ̀ŋ aŋ bàwibà wo Jɔ̀àfelaaà yaà wo Dèdaà sùà.

1Jɔ̀ɔŋ 2:24 ပူးပေါင်းရင်းမြစ်များ

Luù 1:2

Aŋ ɓɔìjɔ̀à bi naŋ wa tomo wèè wo Dayà, nààŋ àŋ naŋ wa kàà anyùùŋ ke miè gbìaàŋ e nyaàiŋ dè wo Kanaà Jisɛ̀. Anyùùŋ nyaŋ zimgbe nyiŋ naŋ wa kòmò e nɛ̀ɛŋ àŋ naŋ nyiŋ wa kaà lɛ, naŋ sìngè maŋ keì maŋ wo Jisɛ̀ naŋ nyɛ̀nɛ̀ŋ weè wi e yìwìà e teengaà wò naŋ wa tɔ̀ɔ̀tù e tòmouŋ nɛ̀ lɛ.

Luù 9:44

“Ɓɔ̀ nìŋ nyɛɛnɛ̀ŋ è yèɛ mìŋ yaà hinie kaiŋ woò lɛ! Miàim wo Jɔ̀àfèlàà Nyuùŋ Kpùnɔɔ̀ŋ àŋ doim nàŋ gè kùàŋ aim fè koɓɛ̀ e gààŋ anyuùŋ kpùuŋ nyàŋ.”

Jɔ̀ɔŋ 14:23

Wo Jisɛ̀ naŋ fasàì wààŋ, “Anyùùŋ nyaŋ mànàìm nyaŋ, do nàŋ nyɛ̀nɛ̀ŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. Tɛɛ̀ do nàŋ nyɛ̀nɛ̀ŋ wo Dèda miɔ̀ŋ wo nyiŋ mànàŋ, wo Dèda miɔ̀ŋ yèè miàŋ bi è do nàŋ hnè ko nɛ̀ɛ̀ŋ nyiŋ niìŋ wèè eiŋ nɔ̀ŋ koɓɛ̀ guùŋ.

Jɔ̀ɔŋ 15:7

Sèè nìŋ jeeà aŋ bàimbà nɔ̀ɔŋ yèè maŋ mìè gbìaim màŋ maŋ jèè maŋ nyiiŋ geiŋ màŋ sùà, kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè wèè woiŋ kiɛ̀ŋ lɛ.

Jɔ̀ɔŋ 6:56

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ doim nàŋ nyìnìè wɔŋ nyiiŋ gèe nyiŋ nɔɔ̀ŋ ko sùà, yèè wɔŋ nyiiŋ gèe miɔ̀ŋ do nyiŋ nàŋ nɔ̀ŋ ko sùà.

Jɔ̀ɔŋ 8:25

Aŋ Juùù nyaŋ naŋ dàwè wo Jisɛ̀ nyààŋ, “Ɓòò nàŋ yààùm?” Yèè wo Jisɛ̀ naŋ nyiŋ fasàì wààŋ, “E kèì guùŋ nɛ nɔŋ mìŋ naiŋ woò ko tɔɔtuì lɛ tiŋ nɔŋ mìŋ yààìŋ woo kɛ̀ tɔɔɓaa ɓòò nàŋ yààìm .

Fèle 4:15

Nyɛ̀iŋ nààŋ nyùùŋ Fèlepì nyaŋ, nàŋ nyìmàŋ kɛ̀ dièsɔa maŋ keì kààìŋ kii màŋ yaà wa, yèè nyɛ̀iŋ nɔŋ naŋ wa nɔ̀ŋ aŋ bàiŋbà ke gbòò anyuùŋ hààwe nyàŋ tɛɛ, wèè naŋ kìɛ̀ŋ e kpùùmaŋ e teengaà mìŋ naŋ wa tɔ̀ɔ̀tù wòò Ebò Siaàŋ ko Mɛ̀sèdonià lɛ.

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

Hiɓu 2:1

Esaɓùɛ lɛɛ̀ è kuwa eiŋ gbìàŋ e gòngo wilɛ̀ gbiŋ koɓɛ̀ e tɔ̀ɔ̀nyaàaŋ è naiŋ kòmò lɛ maŋjɛ̀wɛ, wèè kɛ̀ e goiŋ niŋ nàŋ fè jɛwɛ.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

1Jɔ̀ɔŋ 1:7

Kɛɛ sèè eiŋ kààìŋ e gbolòùŋ nɛ sùà, màànààŋ wo Dayà yaà e gbolòuŋ sùà lɛ, kɛ̀ è doiŋ nàŋ nɔ̀ŋ ke gbòò Dayà zòòloɛ̀ sùà, yèè maŋ sɛ̀ìŋ Jisɛ̀ maŋ, wo Jɔ̀àfèlàà Dayàa, do naŋ gùò maŋ jùumù wi maŋ gbiŋ.

1Jɔ̀ɔŋ 2:7

Dàwi mànaim nyàŋ, ke sàwàa mìŋ yaà sìnga sùà yɛ ke fè kè jɛi nyiŋ, kè yaà ke sàwà gɔu ke yèɛ nìŋ naŋ wa kòmò e yìwìà ko tɔ̀ɔ̀tù e ɗuunyaàŋ lɛ, ke sàwà gɔu bi nàŋ yaà ke mie gbìaàŋ nìŋ naŋ wa kòmò yɛ.

1Jɔ̀ɔŋ 3:24

Anyùùŋ nyaŋ jɔɔlɔ̀ ke Sàwà Dayà dìì nyaŋ, àŋ yaà e mìèsùàguùŋ sùà ko fɛ̀ɛ̀fèìŋ Dayà, yèè wo Dayà yaà e mìèsùàguùŋ sùà ko nɛ̀ɛ̀ŋ nyiŋ niìŋ. Yèè e nɛ̀ɛŋ nyɛnɛŋ eiŋ nyìmàŋ kɛ̀ yàwi nààŋ Dayà yààìŋ mìèsùàguùŋ sùà lɛ nàŋ yaà kɛ̀, wò naŋ wi fè wo Jinàuŋ nɔɔ̀ŋ wèè wo wi nɔ̀ŋ maŋjɛ̀wɛ.

1Jɔ̀ɔŋ 4:13

Wo Dayà naŋ wi kìɛ̀ŋ wo Jinàuŋ nɔɔ̀ŋ. Tɛɛ̀ naŋ nyɛ̀nɛ̀ŋ è naiŋ nyìmè kɛ̀ è yààìŋ anyùùŋ guùŋ wo Dayà sùà, màànààŋ nɔŋ wò yaà wo nyùùŋ guùŋ wò yaà wì sùà lɛ̀.

1Jɔ̀ɔŋ 4:15

Wo nyùnɔ̀ɔŋ gbiŋ naŋ woò kɛ̀ wo Jisɛ̀ nàŋ yaà wo Jɔ̀àfèlàà Dayàa wɔ̀, wo Dayà douŋ nàŋ nɔ̀ŋ sùà yèè wuŋ pɛɛ do nàŋ nɔ̀ŋ wo Dayà sùà.

1Jɔ̀ɔŋ 4:16

Yèè yàwi bi èiŋ nyìmàŋ e kìlà èiŋ hààwè e mànaàŋ wo Dayà kuwa weè wilɛ̀. Wo Dayà nàŋ yaà e mànaŋ, yèè aŋ yè nyaŋ nɔ̀ŋ e mànaŋ sùà nyaŋ, àŋ yaà wo Dayà sùà yèè wo Dayà yaà nyiìŋ sùà.

2Jɔ̀ɔŋ 1:2

È mànàìŋ esaɓù kɛ̀ e tɔ̀ɔ̀nyaàŋ yaà naàŋ maŋ jii wi màŋ sùà, yèè è doo nàŋ jeè wèè julɔfɔ.

2Jɔ̀ɔŋ 1:9

Wo nyùnɔ̀ɔŋ gbiŋ gò jèè è kàà kìì Kulaì lɛɛ̀ diɛŋ wɔ̀, kɛɛ wo nììnyàŋ e kàà kii bi wɔ̀, wo kuwà Dayà kè jiiuŋ nɛɛ̀ŋ sùà. Wo nyùnɔ̀ɔŋ gbiŋ naŋ jèè e kàa kii lɛɛ̀ diɛŋ wɔ̀ wò kuwa wo Dèdaà yèè wo Jɔ̀àfelaauŋ nɔɔ̀ŋ ke jiiuŋ nɛɛ̀ŋ sùà.

3Jɔ̀ɔŋ 1:3

Mìŋ yaà wa e zɔlɔ̀ gbee sùà nààŋ anyuùŋ hààwe nyàŋ bà nyiŋ naŋ hnè yèè àŋ naìm wòò e ɗeweɛ̀ nìŋ kuwa hààwe e tɔ̀ɔ̀nyaàŋ sùà, màànààŋ nɔŋ nìŋ yaà e tɔ̀ɔ̀nyaàŋ wɔŋ nyiiŋ gèeɔ̀ sùà lɛ.

Maŋ kèì nyɛɛnɛŋ 3:11

Mìŋ yaà hinie e teenga kpuu sùà. Weètii e hààweɛ̀ nìŋ kùwàìm sùà lɛ, sɔɔ̀ naŋ niŋ kùwà kpaŋ, wèè kɛ̀ wo nyùùŋ bà goiŋ nàŋ gè e jìwààjɛ̀wɛ̀ɛ nìŋ yɛmɛ̀ mààŋ ke ɓɔ̀ɗì kanaà yɛ sìwè.

Maŋ kèì nyɛɛnɛŋ 3:3

Kɛ̀ɛ̀nɛìŋ jii jàa wèè e nɛ̀ɛŋ àŋ naiŋ wa kaà yèè e nɛ̀ɛŋ nìŋ naŋ wa kòmò lɛ. Jɔ̀ɔ̀lɔìŋ niŋ dìì e kìlà niŋ fè maŋ tùwo naanààiŋ màŋ jɛwɛ. Sèè nìŋ go yèwà dìì naŋ nyɛ̀nɛ̀ŋ e hààweiŋ nɛ̀ e kɛ̀ɛ̀nɛ̀ŋ gààŋ, mìŋ do nàŋ hnè ko nɛ̀ɛ̀iŋ niìŋ ke ɗɔɔɛ̀ niŋ naàim nɔ̀ɔ̀ŋ yɛ̀ɛ̀mɛ̀ dòmaŋ, màànààŋ wo nyuùŋ wùa nyɛnɛŋ lɛ̀.