1Jɔ̀ɔŋ 2:20 - WƆŊ FƐ̀Ì EBÒ SÌÀŊ DAYÀA

²⁰ Kɛɛ wèè nyɛ̀iŋ wo Jisɛ̀ Kulaì naiŋ sìè wo Jìnàŋ Nɛɛmaàŋ sùà, yèè nyɛ̀iŋ gbiŋ nàŋ nyìmàŋ e tɔ̀ɔ̀nyaàaŋ.

1Jɔ̀ɔŋ 2:20 ပူးပေါင်းရင်းမြစ်များ

Maafiù 13:11

Wo Jisɛ̀ naŋ nyiŋ woò wààŋ, “Wèè yɛ̀iŋ, wo Dayà wòiŋ nyɛ̀nɛ̀ŋ nàŋ nyìmàŋ ke gbùnù e Kànà àìjɛnɛ̀ɛŋ, kɛɛ e fè wèè nyiŋ.

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Luù 4:34

“Ee Jisɛ̀ e yìwìà ko Naazɔ̀ɛ̀, kiìŋ mùŋ manaŋ maŋ wi nyiniàŋ? Mùŋ naŋ hnè wèè maŋ wi pɔɔpɔ̀ɔ̀? Kà nyìmàŋ kɛ̀ ɓòò nàŋ yààùm! Muàŋ nàŋ yaà wo Kèèlà Nɛɛmaàŋ wèè wo Dayà.”

Jɔ̀ɔŋ 14:26

Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.

Jɔ̀ɔŋ 16:13

Wo Jìnàaŋ tɔɔ̀ e tɔ̀ɔ̀nyaàaŋ wɔ̀, yèè wò do nàŋ kaikpɔ hnè wèè woiŋ yɛ̀mɛ̀ diɛŋ e tɔ̀ɔ̀nyaàŋ kɛnɛɛ̀ sùà. Wo Jinàaŋ fè gbòà è gààŋ wuŋ biɛ̀ sùà. Wò do nàŋ wòò e yèɛ gbiŋ wò naŋ kòmò mìŋ naŋ woò lɛ. Yèè wò doiŋ nàŋ wòò e yèɛ yaà hinie e kaaìŋ lɛ.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 3:14

Wò naŋ wa kìɛ̀ŋ wuŋ bi koɓɛ̀ Dayài yèè wò naŋ wa nyɛ̀nɛ̀ŋ e yèɛ wo Dayà naŋ woò kɛ̀ è yaà wa tɛ̀ɛ̀ lɛ, kɛɛ nìŋ naŋ wa wòò e keì naanààŋ weèuŋ. Nìŋ naŋ wa dàwè wo Paalè wèè wo daŋgè wo nyuùŋ jìwà nyùnɔ̀ɔŋ wo ka, kɛɛ nààŋ wo Paalè jìwà wo Kanaà Jisɛ̀, wo yèɔ yaà wa e nɛɛmaŋ e kìlà wò yaà tɔ̀ɔ̀nyaàŋ wɔ.

1 Kɔliìŋ 2:15

Wo nyùnɔ̀ɔŋ gbiŋ kuwa wo Jìnàŋ Dayàa wɔ̀, wò ɓɛ̀nɛ̀ŋ gbàì gbììŋ gbììŋ nɛ wèè e keì gbiŋ, kɛɛ wo nyùùŋ gbiŋ fòuŋ ɓɛ̀nɛ̀ŋ tùàŋ màŋ nɔnɔŋ.

Hiɓu 1:9

Mùŋ manaŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè mùŋ naŋ wùɔ̀ŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ maŋ kpèè naanààŋ. Esaɓùɛ lɛɛ̀ miàim wo Dayà mɔɔ̀ŋ wo yèɔ mùŋ zoolà wɔ naum tàeɗùù, e kìlà kàum kìɛ̀ŋ ɓɛ̀ɛ̀jàa e yèɛ do nyɛ̀nɛ̀ŋ e zɔlɔ̀ zimgbe eum nɔ̀ŋ e nìàŋ e yèɛ mìŋ naŋ kìɛ̀ŋ aŋ dàwium nyàŋ lɛ.”

Hiɓu 8:11

Wo bà guùŋ pɛɛ naàŋ kɛ̀ɛ̀nɛ̀ŋ èsaɓù wèè wo kàà wò wùìyauŋ nɔɔ̀ŋ, ɔ̀ɔ̀ wo wòò ànyuùŋ kpùuŋ dàwi nyiŋ nyàŋ nyààŋ, ‘Nyìmaìŋ wo Kanaà.’ Aŋ gbiŋ doim nàŋ nyìmè, e yìwìà wo tòloòɔ e kà koɓɛ̀ wo gbeeɔ̀.

1Jɔ̀ɔŋ 2:27

Kɛɛ nyɛ̀iŋ nyɛɛ̀ŋ, wo Jisɛ̀ naiŋ wa gbìɛ̀ŋ wo Jinàuŋ nɔɔ̀ŋ maŋ jiio sùà. Yèè e teengaà wo Jinààŋ yààìŋ maŋ jiio sùà lɛ, niŋ naàŋ ɓɛìŋ mɔ̀nɔ̀ŋ wèè wò nyùùŋ ba doiŋ kaà. Efèfoo wo Jinàaŋ wòiŋ kàà e nɛ̀ɛŋ gbiŋ, yèè e yèɛ gbiŋ wò naìŋ kaà lɛ, è yaà tɔɔɓaaà, e fè tòa. Jɔ̀ɔ̀lɔìŋ e kàà wo Jinàaŋ dìì, yèè niŋ jeeè aŋ bàiŋbà nɔ̀ɔŋ wo Jisɛ̀ Kulaìɛ sùà.

1Jɔ̀ɔŋ 4:13

Wo Dayà naŋ wi kìɛ̀ŋ wo Jinàuŋ nɔɔ̀ŋ. Tɛɛ̀ naŋ nyɛ̀nɛ̀ŋ è naiŋ nyìmè kɛ̀ è yààìŋ anyùùŋ guùŋ wo Dayà sùà, màànààŋ nɔŋ wò yaà wo nyùùŋ guùŋ wò yaà wì sùà lɛ̀.

Juù 1:5

Jòòpɛɛ nàŋ nyìmàŋ tɛɛ̀ gbiŋ, kɛɛ, mìŋ manaŋ ka kɛ̀lɛ̀ɛ̀ maŋ jiiiŋ màŋ koɓɛ̀ e ɗeweɛ̀ wo Kanaà Dayà naŋ wa jòèyè anyùùŋ ko Ezɔ̀ɛ̀ nyaŋ e yìwìà e dìì fùɔ̀ŋ Ijèɛ diɛŋ lɛ̀, tii naŋ mààŋ, yèè wò naŋ pɔ̀ɔ̀pɔ̀ɔ̀ aŋ yè nyaŋ gò wa haawè nyaŋ.

Maŋ kèì nyɛɛnɛŋ 3:7

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Fèlèdɛfià. “Ke miè gbìaàŋ kɛɛ̀ e yìwìà wo yèɔ yaà nɛɛmaŋ yèè e tɔ̀ɔ̀nyaàŋ sùà wɔ. Wuŋ nàŋ kuwa e jììŋ Kanaà Dèèweɛ̀, yèè sèè wò yilà wɔŋ gbemgbee, wo nyùùŋ gbiŋ fè wuŋ yìlà, yèè sèè wò yìlè wuùŋ, wo nyùùŋ gbiŋ fè wuŋ ɓɛ̀nɛ̀ŋ yìle.

Maŋ kèì nyɛɛnɛŋ 4:8

Maŋ ɗòlònɛ̀ŋ tiinàŋ mɛɛ̀ŋ bà guùŋ gbiŋ kuwa wa maŋ gbàŋ nɔɔnɔŋ dièguùŋ, yèè àŋ kuwa le fɛ̀ɛ̀ e kɔɔ nyiŋ nɛ̀ gbiŋ. E dùùm yèè maŋ gɔɛɛ ke ɗɔɔ gbiŋ sùà, aŋ gò wa hɔ̀ànè gbèème àŋ woà nyààŋ, “Nɛɛmaŋ, nɛɛmaŋ, nɛɛmaŋ, nàŋ yaà Kanaà wo Dàyà Gaàŋ Gbeeɔ̀, wo yèɔ yaào wa wɔ̀, yèè wo yèɔ do nàŋ hnè wɔ.”