1Jɔ̀ɔŋ 2:18 - WƆŊ FƐ̀Ì EBÒ SÌÀŊ DAYÀA

¹⁸ Jɔ̀àim nyàŋ, e teenga dìàmaàŋ è gbɛ̀ɛ̀! Àŋ naiŋ wa woò kɛ̀ aŋ jòò Jisɛ̀ Kulaì nyaŋ yaà hinie. Aŋ jòò Jisɛ̀ Kulaì nyaŋ zimgbe nyiŋ ngèè àŋ naàŋ hnàŋ tɛ, weètii èiŋ naàŋ nyìmàŋ kɛ̀ e teenga dìàmaàŋ è gbɛ̀ɛ̀.

1Jɔ̀ɔŋ 2:18 ပူးပေါင်းရင်းမြစ်များ

Maafiù 24:11

Kpeiŋ kɛ̀ aŋ wɛ̀ijì tòa zimgbe do nàŋ hnè yèè àŋ do nàŋ zùwò anyuùŋ zimgbe.

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Maafiù 24:5

Anyuùŋ zimgbe do nàŋ hnè e deè mɛ̀ diɛŋ aŋ woò nyààŋ, ‘Miàŋ nàŋ yaà wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ’ e kìlà àŋ do nàŋ zùwò anyuùŋ zimgbe.

Jɔ̀ɔŋ 21:5

Yèè wo Jisɛ̀ naŋ nyiŋ dawè wààŋ, “Dàwim nyàŋ, kòò nìŋ kùwò wò kɛì gbiŋ?” Yèè àŋ nauŋ fasàì nyààŋ, “Kpele, kòò è kùwòìŋ è nɛ̀ŋ gbiŋ.”

Luùm 13:11

Yɛ̀mɛìŋ nyɛ̀iŋ bi diɛŋ, e kìlà niŋ nyɛ̀nɛ̀ŋ maŋ keì mɛɛ̀ŋ gbiŋ, esaɓù kɛ̀ nàŋ nyìmàŋ e teengaà è haì wèè eiŋ kɛɛyɛ̀. Nàŋ nyìmàŋ kɛ̀ ke ɗɔɔɛ̀ wèè wo Dayà wo wi joeyè kè naàŋ gbɛ̀ɛ̀, e nìàŋ e teenga jiɛ̀jiɛ̀ɛ è naiŋ wa sìè e hààwe wilɛ̀ wo Kanaà Jisɛ̀ Kulaì sùà lɛ.

Luùm 13:12

Wɔŋ dùmɔ̀ɔŋ joo tòloò wèè wɔŋ jùà, yèè sààmɛ e nììɛ do nàŋ sìè. Hɔ̀ànè wiìŋ nyɛ̀nɛ̀ŋ maŋ keì maŋ anyùùŋ nyaŋ nyɛnɛŋ ke nyìwìɛ sùà maŋ, yèè e nɔ̀iŋ bànèbane wi wèè e nɔ̀iŋ e gbolòùŋ nɛ sùà.

Hiɓu 1:2

kɛɛ maŋ ɗɔɔ dìàmaŋ mɛɛ̀ŋ sùà, wò naŋ gbòò ko nɛ̀ɛ̀ŋ wiì e yìwìà wo Jɔ̀àfelaauŋ nɔɔ̀ŋ sùà. E saɓùuŋ nɛ̀ sùà wo Dayà naŋ wa bànè ko àìjɛnɛ̀ŋ yaà e ɗuunyaàŋ. Wuŋ wo Dayà naŋ tàeɗùù wèè wo nɔ̀ŋ wo nyuùŋ kɛ̀ɛ̀nɛ̀ŋ manɛ̀ŋ maŋ gbiŋ e teengaà e ɗuunyaàŋ juo wa nàwèè lɛ.

1Pììlɛ 1:20

Wo Dayà nauŋ wa tàeɗùù paŋgàà wò naŋ tɔ̀ɔ̀tù e ɗuunyaàŋ bàne, yèè wò naŋ dàànè ebòuŋ maŋ ɗɔɔ dìàmaŋ mɛɛ̀ŋ sùà, esaɓùiŋ nɛ̀ sùà.

1Pììlɛ 1:5

Nyɛ̀iŋ nàŋ kànà miìŋ maŋ yè maŋ esàɓù hààwe sùà wo Dayà do miŋ nàŋ yɛ̀mɛ̀ diɛŋ e gaàuŋ nɛ̀ sùà wèè e jòèyeɛ̀ e yèɛ yaà bànèbane niŋ wèè wo dàànè ebò niŋ ke ɗɔɔ dìàmaàŋ diɛŋ lɛ̀.

1Pììlɛ 4:7

Ko dìaì wèè manɛ̀ŋ maŋ gbiŋ kò gbɛ̀ɛ̀. Weètii, sìaìŋ ke di yèè niŋ nɔ̀ŋ ɗìòsùà sengei niŋ zoolò.

2Pììlɛ 2:1

E gɔuo sùà aŋ wɛ̀ijì tòa naŋ wa hnè anyùùŋ nyaŋ e tɛɛ, yèè e ɗèwè guùŋ bi sùà aŋ kààmɔɔŋ tòa doiŋ nàŋ hnè e tɛɛ. Àŋ do nàŋ hìɛ̀ŋ e kàa gɔ̀àgɔ̀à keì sùà, e kàa gò kùwìè tɔ̀ɔ̀nyaàŋ, yèè àŋ do nàŋ gììyè wo Kɛ̀ɛ̀nɛŋ nyiŋ nɔɔ̀ŋ naŋ nyiŋ bilɛ̀ŋ wɔ maŋhɛɛ, kɛ̀ àŋ hìàŋ e fàa fòòno nyiŋ bi diɛ̀ŋ.

2Pììlɛ 3:3

E jiɛ̀jiɛ̀ɛ nàŋ yaà, nìŋ kuwa naŋ nyìmàŋ kɛ̀ maŋ ɗɔɔ dìàmaaŋ màŋ sùà anyùùŋ bà do nàŋ hnè aŋ yè nyaŋ naàŋ gòngò è keì bà gbiŋ sɔɔ̀ e ɗèwe naanààaŋ nyiŋ bi kuwa lɛ̀. Àŋ doiŋ nàŋ hiilè

1Jɔ̀ɔŋ 2:22

Ɓòò, kai, nàŋ yaà aŋ nyuùŋ tòa nyàŋ? Aŋ yè nyaŋ naŋ woò nyààŋ wo Jisɛ̀ nààŋ wo fè Kulaìɔ wɔ̀. Anyùùŋ mààŋ nyɛɛ̀ŋ nàŋ yaà aŋ jòò Kulaì nyaŋ, yèè àŋ naŋ gììyè wo Dèdaà yèè wo Jɔ̀àfelaaà maŋhɛɛ.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.

1Jɔ̀ɔŋ 4:3

Kɛɛ wo nyùnɔ̀ɔŋ gbiŋ naŋ gììyè e keì lɛɛ̀ maŋhɛɛ e nyaàiŋ dè Jisɛ̀ Kulaì wɔ, wo kuwà wò Jinàaŋ yewe Dayà sìwè wɔ. Wo jinàaŋ wò kuwa wɔ̀ wò yewe aŋ jòò Jisɛ̀ nyaŋ sùà. Nàŋ wa kòmàŋ kɛ̀ wo jinàŋ tòa wɛɛ̀ do nàŋ hnè, yèè kòò wò yaà naàŋ e ɗuunyaŋ lɛɛ̀ sùà tɛ.

2Jɔ̀ɔŋ 1:7

Aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà, anyùùŋ nyaŋ kuwà è hààweɛ̀ kɛ̀ wo Jisɛ̀ Kulaì naŋ wa hnè mààŋ wo nyuùŋkpùuŋ wɔ̀. Wo nyùùŋ mààŋ wii wò yaà wo nyuùŋ tòa yèè wo joo wèè Kulaì.

Juù 1:18

Àŋ naiŋ wa woò nyààŋ, “Sèè maŋ ɗɔɔ dìàmaaŋ màŋ gbɛɛ wa nàwèè, anyùùŋ bà do nàŋ fòlò aiŋ hiilè, anyùùŋ nyaŋ naŋ dè e ɗèwè Dayà gò nyìmàŋ nyiŋ bi lɛ̀ maŋjɛ̀wɛ nyàŋ.”