1Jɔ̀ɔŋ 2:16 - WƆŊ FƐ̀Ì EBÒ SÌÀŊ DAYÀA

¹⁶ E nɛ̀ɛ̀ŋ gbiŋ è yaà wèè e ɗuunyaàŋ lɛ, maŋ keì naanààŋ maŋ naiŋ fɔ̀ɔ̀yɛ̀ maŋ jii màŋ, maŋ yè maŋ wo nyuùŋ kpùuŋ naŋ yɛmɛ̀ yèè wò naŋ mɔ̀nɔ̀ŋ wɔŋ nyiiŋ gèeuŋ nɔɔ̀ŋ sùa maŋ, yèè e nɛ̀ɛ̀ŋ gbiŋ wo nyuùŋkpùuŋ naŋ dɛ̀ɛ̀kɛ̀ wuŋ bi weè niŋ e ɗuunyaàŋ lɛɛ̀ sùà lɛ, maŋ bà gbiŋ gò e yìwìà wo Dèdaà sìwè, màŋ gbiŋ naŋ fòlò e ɗuunyaàŋ lɛɛ̀ sùà.

1Jɔ̀ɔŋ 2:16 ပူးပေါင်းရင်းမြစ်များ

Maafiù 4:8

Kpeiŋ wo Sɛ̀tanàaŋ naŋ kɔ̀ɔ̀ wo Jisɛ̀ wɔŋ toò mùŋlaŋ bà dìmɛ̀ yèè wò nauŋ tɔ̀ɔ̀ e tɛ̀ɛ̀tɛ̀ɛ̀ e kànà ɗuunyaàŋ gbiŋ.

Maafiù 5:28

Kɛɛ tɔ̀ miŋ woòiŋ naàŋ e tɔ̀ɔ̀nyaàaŋ kɛ̀, sèè wo nyùùŋ gbiŋ wo yɛ̀mɛ̀ wo jɔùŋ maŋjɛ̀wɛ, yèè wouŋ mànàŋ ke jiiuŋ nɛɛ̀ŋ sùà wèè wo nɔ̀ŋ wo jawèuŋ, kɛ̀ wo nyùùŋ wii wò nyìnìàŋ wo jɔùŋ wii hmɔŋtu ke jiiuŋ nɛɛ̀ŋ sùà.

Luù 4:5

Kpeiŋ wo Sɛ̀tanàaŋ nauŋ kɔ̀ɔ̀ wɔŋ toò mùŋlaŋ bà dìmɛ̀, yèè e teenga kpuu sùà wò nauŋ tɔ̀ɔ̀ e kànà ɗuunyaàŋ gbiŋ.

Luùm 13:14

Nɔ̀ŋ wiìŋ bànèbane wi, wèè wo Kanaà Jisɛ̀ Kulaì yɛmɛ̀ wi diɛŋ e kìlà e nɔ̀iŋ mààŋ wuŋ, wèè kɛ̀ anyuùŋ joo aŋ nyìmàŋ kɛ̀ kiìŋ wò nyùùŋ wò yaà, mààŋ maŋ dèè maŋ è gɔaìŋ maŋ wèè anyùùŋ nyìmàŋ ke gbòòɛ è fòlòìŋ sùà yɛ. Sèè mùŋ nyɛnɛŋ tɛɛ̀, kɛ̀ muŋ naàŋ nyɛ̀nɛ̀ŋ è keì wèè maŋ fɔ̀ɔ̀yɛ̀ kè kpùnaŋ mɔɛ̀ŋ jii.

1 Kɔliìŋ 10:6

Tɛɛ̀ gbiŋ, è yaà e tɔ̀ɔ̀màŋseì ko nɛ̀ɛ̀ŋ wiì wèè e wi kìɛ̀ŋ e gòo, wèè ɓɔ̀ è ɗewèiŋ màŋ keì naanààŋ wèè nyɛ̀nɛŋ, màànààŋ aŋ bà nyiŋ naŋ wa nyɛ̀nɛ̀ŋ lɛ.

Gàla 5:17

E yèɛ maŋ kèìŋ nyuùŋkpùuŋ màŋ manaŋ lɛ̀ tiŋ wo Jìnàŋ Nɛɛmaàŋ naŋ gììyè maŋhɛɛ, yèè e yèɛ wo Jìnàŋ Nɛɛmaàŋ manaŋ lɛ̀ tiŋ maŋ kèìŋ nyuùŋkpùuŋ màŋ naŋ gììyè maŋhɛɛ. Maŋ kèì ɗì tìyèe mɛɛ̀ŋ naŋ wùònò fèemàŋ, yèè màŋ keewàìŋ kùàŋ feìŋ wèè niŋ go nàŋ nyɛ̀nɛ̀ŋ è yèɛ nìŋ naŋ ɗewe wèè naŋ nyɛ̀nɛ̀ŋ lɛ.

Gàla 5:24

E kìlà esàɓù e nɔŋ wilɛ̀ wèè wo Jisɛ̀ Kulaì, è jìwà e ɗèwè yàwi biɛ̀ yèè e ɗèwè maŋ kèìŋ nyuùŋkpùuŋ màŋ.

Ɛfesɔ̀ 2:3

Tɔɔɓaa tiŋ yàwi nààŋ gbiŋ è yaà wa màànààŋ àŋ yaà wa lɛ̀, yèè è yààìŋ wa maŋ kèì è jìì yàwi bi màŋ maŋjɛ̀wɛ, è yaà ko nyìnìè maŋ keì maŋ gbiŋ maŋ gòngo wi màŋ yaà maŋ kpùnaŋ wi màŋ manaŋ wèè eiŋ nyɛ̀nɛ̀ŋ maŋ. È naiŋ sìè Dayà e wùàŋ, yèè wò yaà weè hinie wèè wo wi ngainɓù mààŋ anyuùŋ gbànaŋ nyàŋ gbiŋ.

Taitɔ̀ 2:12

Esàɓù e tɛ̀ɛ̀tɛ̀ɛ̀ Dayàa sùà, wò naŋ wi kaà wèè eiŋ gè kùàŋ maŋ keì naanààŋ sùà e kpùlìà maŋ ɗèwè ɗuunyaŋ naanààŋ maŋ, yèè eiŋ nyìmàŋ e ɗèwè yàwi bi yɛ̀mɛ̀ diɛŋ, eiŋ nɔ̀ŋ tɔ̀ɔ̀nyaàŋ, yèè eiŋ nɔ̀ŋ wɔŋ nyiiŋ gèe e jɔ̀ɔ̀lɔ sùà e ɗuunyaŋ lɛɛ̀,

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

Jìiiŋ 3:15

E jiikɛ̀ɛ mààŋ tɛɛ̀ e fè è yèɛ yewe wò Dayà sìwè lɛ, e jè ke fòolàa e ɗuunyaŋ lɛɛ̀ tii, wo Jìnàŋ Dayàa fè niìŋ sùà e jè Sɛ̀tanàaŋ wuŋ bi tii.

Jìiiŋ 4:16

Kɛɛ nìŋ ɓemàŋ nyɛ̀iŋ bi gbee, naŋ kɛ̀ɛ̀ maŋ nyòùngà. Maŋ nyoungà kɛ̀ɛ mààŋ miiŋ maŋ fè tɛ̀ɛ̀.

1Pììlɛ 1:14

Jɔ̀ɔ̀lɔìŋ Dayà dìì, yèè ɓɔ̀ nìŋ dangè wèè màŋ nyiiŋ màŋ doò kɛ̀ɛ̀ màŋjɛ̀wɛ koɓɛ̀ màŋ ɗèwe gɔu màŋ nìŋ kuwa wa teengaà nìŋ yaà wa jii die sùà lɛ.

1Pììlɛ 2:11

Nyɛ̀iŋ nààŋ dàwiim nyàŋ, nààŋ nìŋ yaà anyùùŋ fuɔŋ joo yèè aŋ nyùnèènyɛiŋ e ɗuunyaŋ lɛɛ̀ sùà lɛ, mìŋ yààìŋ pɔ̀wɔ sùà, ɓɔ̀ nìŋ gbɛ̀ɛ̀ mànɛ̀ŋ mànàŋ màŋ kèìŋ maŋ yè maŋ kuwìà wɔŋ nyììŋ jinàiŋ nɔɔ̀ŋ kè gùuŋ e teenga gbiŋ sùà lɛ.

2Pììlɛ 2:10

kaikai ngèè aŋ yè nyaŋ dè maŋ kpèè kùwà ninaŋ màŋ yaà maŋ kpùnaŋ nyiŋ màŋ sùà maŋ maŋjɛ̀wɛ aŋ kɔ̀ɔ̀yɛ̀ e gaàŋ Dayàa fɛ̀ɛ̀ sùà. Aŋ kààmɔɔŋ tòa nyɛɛ̀ŋ naŋ nyìngè ɗì e kìlà aŋ fè dùàŋ nyùùŋ, aŋ fè kìɛ̀ŋ àŋ jinàŋ kùwìè e gààŋ tòmo nyàŋ ko àìjɛnɛ̀ŋ è ɓɛ̀ɛ̀jàa, àŋ diɛ̀ŋ nyiìŋ.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.