1Jɔ̀ɔŋ 2:13 - WƆŊ FƐ̀Ì EBÒ SÌÀŊ DAYÀA

¹³ Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ kòmaŋ nyàŋ, e fèfoo nàŋ wa nyìmàŋ kɛ̀ wo Dayà yaà e yìwìà ko tɔ̀ɔ̀tù e ɗuunyaàŋ. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ bɔwɔ nyàŋ, e fèfoo nàŋ gbùwò e gààŋ wo Nyuùŋ Kɛ̀ɛ̀nɛ̀ŋ ke Kpèè naanààaŋ diɛŋ.

1Jɔ̀ɔŋ 2:13 ပူးပေါင်းရင်းမြစ်များ

Maafiù 11:27

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 13:38

Wɔŋ ɓùɔ naŋ yaà e ɗuunyaàŋ. Ke kuù kòmàŋ sìàaŋ nàŋ yaà anyùùŋ nyaŋ kanaŋ e Kànà àìjɛnɛ̀ɛŋ nyàŋ. Maŋ dɛɛ wuiye naanààŋ maŋ nàŋ yaà anyùùŋ nyaŋ kanaŋ wo nyuùŋ kɛ̀ɛ̀nɛ̀ŋ ke kpèè naanààaŋ.

Maafiù 5:37

Tɔ̀ e yèɛ nìŋ woà lɛ e nɔ̀ŋ ‘Èèè’ ɔ̀ɔ̀ ‘Kpele.’ Eɓìèmàŋjɛ̀wɛ̀ tɛɛ̀, e yèɛ gbiŋ nìŋ woà naàŋ lɛ è yewe wo Sɛ̀tanàŋ sìwè, wo Nyuùŋ Kɛ̀ɛ̀nɛ̀ŋ ke Kpèè naanààaŋ.

Luù 10:22

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ kɛ̀ ɓòò nàŋ yaà miàim wò Jɔ̀àfelaaà, sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ kɛ̀ ɓòò nàŋ yaà wò Dèdaà sɔɔ̀ nɔŋ miàim wo Jɔ̀àfelaaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Jɔ̀ɔŋ 14:7

Yèè sèè mààŋ tɔɔɓaa nàim nyìmàŋ, kɛ̀ nàŋ nyìmàŋ wo Dèda miɔ̀ŋ wuŋ pɛɛ. Kpeiŋ sèè è nɔ̀ŋ yɛi, kɛ̀ nàuŋ naàŋ nyìmàŋ, yèè nàuŋ yɛmɛ̀.”

Jɔ̀ɔŋ 14:9

Wo Jisɛ̀ naŋ fàsàì wo Felè wààŋ, “Kàiŋ naàŋ nɔ̀ŋ e tɛɛ wèè e teenga mùŋlaŋ bà. Yèè kòò nìŋ nyìmè nɔ̀ŋ kɛ̀ ɓòò nàŋ yààìm? Sèè nìŋ yɛmɛ̀ìm nɔŋ, kɛ̀ nàŋ yɛ̀mɛ̀ wo Dèdaà ko àìjɛnɛ̀ŋ. Dièsɔa nìŋ naŋ ɓɛ̀nɛ̀ŋ wòo nààŋ, ‘Tɔ̀ɔ̀ wi wo Dèdaà’?

Jɔ̀ɔŋ 16:3

Anyùùŋ bi do tɛɛ̀ nàŋ nyɛ̀nɛ̀ŋ esaɓù kɛ̀ aŋ nyimààŋ wò Dèda miɔ̀ŋ ɔ̀ɔ̀ miàŋ bi.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Jɔ̀ɔŋ 17:21

Dèda, mìŋ zoolà wèè aŋ gbiŋ aŋ nɔ̀ŋ anyùùŋ guùŋ koɓɛ̀ aŋ dàwi nyiŋ nyàŋ, màànààŋ nɔŋ mìŋ yaà wò guùŋ mìŋ yààùm ko sùà lɛ, yèè mùŋ yaà wò guùŋ mùŋ yààìm ko sùà. Kpeiŋ kɛ̀ anyùùŋ nyaŋ e ɗuunyaŋ lɛɛ̀ do nàŋ haawè kɛ̀ muàŋ naim tùɔ̀ŋ.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Jɔ̀ɔŋ 8:19

Àŋ naŋ dàwè wo Jisɛ̀ nyààŋ, “Kòò wo Dèda mɔɔ̀ŋ wò yaà?” Wo Jisɛ̀ naŋ nyiŋ fasàì wààŋ, “Niŋ nyimààìm miŋ dò nàŋ sɔ̀ wo Dèda miɔ̀ŋ. Sèè nìŋ nyìmèìm weè, nìŋ he weè nàŋ nyìmè wo Dèda miɔ̀ŋ wuŋ pɛɛ.”

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

1Time 5:1

Ɓɔ̀ mùŋ gbuuyà wò nyuùŋ kàìŋ wɔ̀ŋ golà mie naanààŋ, kɛɛ wòò nyuùŋ kàìŋ e keì e ɓɛ̀ɛ̀jàa sùà mààŋ wo dèdaum. Kuwà aŋ kɔmɔŋjɔa bɔwɔ nyàŋ mààŋ aŋ wùìyaum,

Taitɔ̀ 2:6

Sià aŋ felaa nyuùŋ bɔwɔ nyàŋ nyiŋ pɛɛ ke di, aŋ nyìmàŋ e ɗèwè nyiŋ bi yɛ̀mɛ̀ diɛŋ.

1Jɔ̀ɔŋ 1:1

Ke mìèɛ kiɛ̀ŋ wɔŋ nyiiŋ gèeɔ̀ lɛ, kè yaà wa ko tɔ̀ɔ̀tù e ɗùùnyaàŋ. È naiŋ nyiŋ kòmò kè naŋ gbòò, è naiŋ nyiŋ yɛ̀ɛ̀mɛ̀ le fɛɛ̀ kòmàŋ wilɛ̀, yèè è naiŋ nyiŋ mɛ̀lɛ̀ɛ̀ŋ maŋ kuàŋ wi màŋ.

1Jɔ̀ɔŋ 2:1

Mìŋ yaà tɛɛ̀ sìngà sùà ko nɛ̀ɛ̀ŋ niìŋ, nyɛ̀iŋ nààŋ jɔ̀àim nyàŋ, wèè kɛ̀ ɓɔ̀ nìŋ nyɛ̀nɛ̀ŋ màŋ kèì jùumù, kɛɛ sèè wo nyùnɔ̀ɔŋ gbiŋ naŋ nyɛ̀nɛ̀ŋ maŋ kei jùumù wɔ, è kùwàìŋ wo nyùùŋ wèè wo pɔ̀wɔ̀ wo Dèdaà e wèè wi, wo nyùùŋ bi nàŋ yaà wo Jisɛ̀ Kulaì wo nyùùŋ tɔ̀ɔ̀nyaàaŋ.

1Jɔ̀ɔŋ 2:12

Miàim Jɔ̀ɔŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ jɔ̀àim nyàŋ, esàɓù e dèè Jisɛ̀ɛ sùà, wo Dayà naŋ jùùyè maŋ jùumùiŋ màŋ e hakɛ̀.

1Jɔ̀ɔŋ 2:14

Mìŋ naŋ sìngè ko nɛ̀ɛ̀iŋ niìŋ, nyɛiŋ nààŋ jɔ̀àim nyàŋ, e fèfoo nàŋ nyìmàŋ wo Dèdaà. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ kòmaŋ nyàŋ, e fèfoo nàŋ wa nyìmàŋ wo Dayà e yìwìà ko tɔ̀ɔ̀tù e ɗuunyaàŋ. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ bɔwɔ nyàŋ, e fèfoo nìŋ kuwa e gààŋ. E kìlà ke mìè Dayàa yaà maŋ jiiŋ màŋ sùà, yèè nìŋ kuwa e gààŋ wo Nyuùŋ Nyɛ̀nɛ̀ŋ keì naanààaŋ diɛŋ.

1Jɔ̀ɔŋ 3:12

Yèè ɓɔ̀ è nɔ̀iŋ mààŋ wo Kiìŋ, wò yaà wo nyùùŋ Sɛ̀tanàŋ, wo yèɔ naŋ wa jìwè wo wùìyà wuŋ biɔ̀ Eɓɛ̀ɛ̀ wɔ. Wèè kiìŋ saɓù wo Kiìŋ naŋ wa jìwè wo Eɓɛ̀ɛ̀? Wò naiŋ wa nyɛ̀nɛ̀ŋ esaɓù kɛ̀ wo nanàuŋ nɔɔ̀ŋ yaà wa wo nyùùŋ tɔ̀ɔ̀nyaàŋ, kɛɛ wuŋ bi wò yaà wa wɔŋ fàà wo Nyùùŋ Kɛ̀ɛ̀nɛ̀ŋ ke kpèè naanààaŋ.

1Jɔ̀ɔŋ 4:4

Nyɛ̀iŋ nààŋ jɔ̀àim nyàŋ, wo Dayà nàŋ kànàìŋ, yèè nàŋ ɓùlà aŋ wɛ̀ijì tòa nyɛɛ̀ŋ. Esaɓù kɛ̀ wo Jìnàŋ Dayàa yààìŋ sùà yèè wò kuwa gaàŋ zimgbe e nìàŋ wo jinàaŋ yàa e ɗuunyaàŋ sùà wɔ.

1Jɔ̀ɔŋ 5:18

Èiŋ nyìmàŋ kɛ̀ aŋ jɔ̀à Dayà fè nɔŋ nɔ̀ŋ nyɛ̀nɛ̀ŋ sùà màŋ keì naanààŋ keleiŋ, esaɓù kɛ̀ wo Jɔ̀àfèlàà Dayàa yɛmɛ̀ nyiìŋ diɛŋ, yèè wo Nyuùŋ kɛ̀ɛ̀nɛ̀ŋ ke Kpèè naanààaŋ fè nyiŋ jàà keì nyìnga.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

Maŋ kèì nyɛɛnɛŋ 12:11

Aŋ wùìya wi nyàŋ naŋ ɓùlò wo Sɛ̀tanàŋ, esàɓù maŋ sɛ̀ìŋ wo Ɓaawaaà, yèè esàɓù ke mìè seìɛ àŋ naŋ kiɛ̀ŋ lɛ. È yaà wa e kèì jii nyiŋ wèè aŋ kìɛ̀ŋ maŋ nyiiŋ nyiŋ màŋ e kìlà aŋ fà wèè e tɔ̀ɔ̀nyaàŋ.

Maŋ kèì nyɛɛnɛŋ 2:7

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, kòmàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ. “Koɓɛ̀ anyùùŋ nyaŋ do nàŋ ɓùlò nyaŋ, e jìwààjɛ̀wɛ̀ nyiŋ nɛ̀ do nàŋ nɔ̀ŋ wèè ka nyiŋ gè nyààŋ diɛŋ aŋ gbìlà ke kuù kòmàŋ yìwìà ke kùlɛ̀ɛ kiɛ̀ŋ wɔŋ nyiiŋ gèe, ke yèɛ sia wɔŋ gbòlò maŋ nyùànɛ̀ŋ Dayà maŋ sùà yɛ.”