1Jɔ̀ɔŋ 2:10 - WƆŊ FƐ̀Ì EBÒ SÌÀŊ DAYÀA

¹⁰ Sèè èiŋ mànàŋ aŋ wùìyà wi nyàŋ, kɛ̀ è yààìŋ e gbolòùŋ sùà, yèè e nɛ̀ŋ bà gbiŋ fè wì sùà wèè e nyɛ̀nɛ̀ŋ wò nyùùŋ do sɛ̀ɛ̀ màŋ jùumù sùà.

1Jɔ̀ɔŋ 2:10 ပူးပေါင်းရင်းမြစ်များ

Maafiù 13:21

Kɛɛ ke fè nyiŋ gè lè gùlò màŋ jiio sùà tɛ̀ɛ̀, kè nɔ̀ŋ nyìŋ nɔŋ maŋ jii wèè e teenga kpuu. Kpeiŋ sèè e keì nyìnga hnàŋ nɔŋ ɔ̀ɔ̀ sèè àŋ kɔ̀à e mɔ̀ɔ̀nɛ̀ŋ ke sàwà dìì esàɓù ke mìè Dayàa, àŋ nyiŋ gè kùàŋ dìì àŋ kɛ̀ɛ̀ maŋjɛ̀wɛ fiò.

Maafiù 18:7

E ɗuunyaàŋ kòò è yaà ke dòmàŋ e keì nyìnga diɛŋ wèè e ɗeweɛ̀ è nyɛnɛŋ anyùùŋ aŋ nyɛ̀nɛ̀ŋ e keì naanààŋ lɛ. E nɛ̀ŋ kòò è yaào wèè e nyɛ̀nɛ̀ŋ anyùùŋ aŋ nyɛ̀nɛ̀ŋ e keì naanààŋ, kɛɛ wo nyùnɔ̀ɔŋ do nàŋ nyɛ̀nɛ̀ŋ e keì naanààŋ bi wɔ̀, wò do nàŋ nɔ̀ŋ ke dòmàŋ e keì nyìnga diɛŋ.

Jɔ̀ɔŋ 11:9

Yèè wo Jisɛ̀ naŋ nyiŋ fasàì wààŋ, “Sɔ̀ɔ̀ è kùwàìŋ è hààwà zììyà jɛ̀wɛ̀ tìyèe kè ɗɔɔ gbiŋ sùà? Sèè mùŋ kaaìŋ maŋ gɔɛɛ, mùŋ do nàŋ kààìŋ e gbòlòùŋ e gɔɛɛ mɛ̀ɛɛ̀ŋ e ɗuunyaŋ lɛɛ̀, yèè mùŋ do nàŋ yɛ̀mɛ̀ dìì e kìlà muŋ naàŋ duonò.

Jɔ̀ɔŋ 12:35

Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Jɔ̀ɔŋ 8:31

Wo Jisɛ̀ naŋ ɓɛìŋ wòò Juùù nyaŋ nauŋ haawè nyaŋ wààŋ, “Sèè nìŋ haawà yèè nìŋ jɔɔlɔ̀ e yèɛ mìŋ naiŋ woò lɛ dìì, kɛ̀ tɔɔɓaa nìŋ yaà anyùùŋ màŋjɛ̀wɛ̀im.

Luùm 14:13

Weètii, hɔ̀ànè wiìŋ gbàì aŋ wùìya wi nyàŋ. Kɛɛ kɛ̀ɛ̀nɛɛ̀ŋ e gòngo wèè muŋ go nàŋ nyɛ̀nɛ̀ŋ aŋ wùìyaum nyàŋ aŋ ɓà ke dòmaŋ siaŋ ɔ̀ɔ̀ aŋ sɛ̀ɛ̀ maŋ jùumù sùà.

Fèle 1:10

wèè kɛ̀ nìŋ naŋ ɓɛ̀nɛ̀ŋ tùàŋ maŋ nɔnɔŋ wèè naŋ nyimèè kɛ̀ kiìŋ nàŋ yaà e nɛ̀ŋ kɛnɛ. Tɛɛ̀ do nàŋ nyɛ̀nɛ̀ŋ naŋ nɔ̀ŋ sengei e kìlà e keì gbiŋ e naàìŋ nɔ̀ŋ ke ɗɔɔɛ̀ wo Jisɛ̀ Kulaì do nàŋ hnè lɛ.

2Pììlɛ 1:10

E wèètii nyɛ̀iŋ nààŋ wùìyaim nyàŋ, fɛ̀ɛìŋ niŋ ɓemè e nyàànè Dayàa wò naiŋ nyààŋ yèè wò naiŋ tàeɗùù wèè naŋ nɔ̀ŋ e kèì jiiuŋ nɛ̀, e keì e yèɛ fèiŋ yèwà jii lɛ̀. Sèè nìŋ nɔ̀ŋ yɛi nyinie, niŋ naàŋ duonò wèè naŋ gììyà è hààweiŋ nɛ̀ kɛ̀ɛ.

1Jɔ̀ɔŋ 2:11

Wo nyùnɔ̀ɔŋ gbiŋ naŋ wùɔ̀ŋ wo wùìyauŋ nɔɔ̀ŋ wɔ, wò yaà ke nyìwi sùà e kìlà wò yaà kààìŋ ke nyìwì sùà, yèè wo nyimààŋ kɛ̀ kòò wò yaà kɔɔyɛ, e fèfoo ke nyìwìɛ kè nyɛ̀nɛ̀ŋ wò zììlè le fɛ̀ɛ̀.

1Jɔ̀ɔŋ 3:14

Sèè e weè nɔ̀ŋ e keì wòo, èiŋ nyìmàŋ kɛ̀ e fèiŋ ɓɛìŋ è fàa dìì. È yààìŋ naàŋ wɔŋ nyiiŋ gèe sùà. Esaɓù kɛ̀, è mànàìŋ anyuùŋ hààwe dàwi wi nyàŋ. Wo nyùnɔ̀ɔŋ gbiŋ manàŋ wo dàwiuŋ nɔɔ̀ŋ wɔ, wò yaà e gààŋ fàa dìì.