1Jɔ̀ɔŋ 2:1 - WƆŊ FƐ̀Ì EBÒ SÌÀŊ DAYÀA

¹ Mìŋ yaà tɛɛ̀ sìngà sùà ko nɛ̀ɛ̀ŋ niìŋ, nyɛ̀iŋ nààŋ jɔ̀àim nyàŋ, wèè kɛ̀ ɓɔ̀ nìŋ nyɛ̀nɛ̀ŋ màŋ kèì jùumù, kɛɛ sèè wo nyùnɔ̀ɔŋ gbiŋ naŋ nyɛ̀nɛ̀ŋ maŋ kei jùumù wɔ, è kùwàìŋ wo nyùùŋ wèè wo pɔ̀wɔ̀ wo Dèdaà e wèè wi, wo nyùùŋ bi nàŋ yaà wo Jisɛ̀ Kulaì wo nyùùŋ tɔ̀ɔ̀nyaàaŋ.

1Jɔ̀ɔŋ 2:1 ပူးပေါင်းရင်းမြစ်များ

Luù 10:22

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ kɛ̀ ɓòò nàŋ yaà miàim wò Jɔ̀àfelaaà, sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ kɛ̀ ɓòò nàŋ yaà wò Dèdaà sɔɔ̀ nɔŋ miàim wo Jɔ̀àfelaaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Jɔ̀ɔŋ 13:33

Nyɛ̀iŋ nààŋ nyuùŋ mɔ̀ɔ̀nɔim nyàŋ, mìŋ doiŋ nàŋ nɔ̀ŋ e tɛɛ wèè e teenga jɔa kpàa bà. Nìŋ doim nàŋ kamè, kɛɛ niŋ nàim yɛmɛ̀. Kɛɛ tɔ̀ miŋ woòiŋ naàŋ e yèɛ mìŋ naŋ wa wòò anyùùŋ gbèègbèè aŋ Juùù nyaŋ lɛ̀. ‘Nìŋ fè ɓɛ̀nɛ̀ŋ kà kòɓɛ̀i mìŋ yaà kɔɔyɛ̀ lɛ̀.’

Jɔ̀ɔŋ 14:16

Kpeiŋ mìŋ do nàŋ dàwè wo Dèdaà, yèè wò doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ doiŋ nàŋ kpuumò yèè wo nɔ̀ŋ ko nɛ̀ɛ̀iŋ niìŋ wèè julɔfɔ.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 21:5

Yèè wo Jisɛ̀ naŋ nyiŋ dawè wààŋ, “Dàwim nyàŋ, kòò nìŋ kùwò wò kɛì gbiŋ?” Yèè àŋ nauŋ fasàì nyààŋ, “Kpele, kòò è kùwòìŋ è nɛ̀ŋ gbiŋ.”

Jɔ̀ɔŋ 5:14

Eɓìèmàŋjɛ̀wɛ̀ tii, wo Jisɛ̀ naŋ mɛ̀ɛ̀ŋ wo felaaà ko Saaŋ Zòòlò Dayài yèè wò nauŋ woò wààŋ, “Màŋ naàŋ jòèyà. Kɔ̀à kɛɛ ɓɔ̀ mùŋ nyɛ̀nɛ̀ŋ ɓɛìŋ màŋ kèì jùumù. Sèè mùŋ nyɛnɛŋ ɓɛìŋ e jùumù, e keì naanààŋ bà doum nàŋ kaaìŋ.”

Jɔ̀ɔŋ 5:36

Kɛɛ e yèɛ mìŋ nyɛnɛŋ lɛ̀ tɔɔ̀ janyai kɛ̀ ɓòò nàŋ yààìm wɔŋ dòmaŋ nyaaŋ joo bà wɔŋ yèɔ wɔ̀ŋ yaà e sɛmɛmaŋ wuŋ e ngèè pɛɛ nìàŋ e yèɛ naŋ wa nɔ̀ŋ tɔ̀ɔ niŋ e yìwìà e yèɛ wo Jɔ̀ɔŋ naŋ wa woò lɛ e nyaàiŋ eim dè. Maŋ keì bi zà nàŋ yaà e tòmoɛ̀ wo Dèdaà Dayà naim kiɛ̀ŋ wèè ka nyɛ̀nɛ̀ŋ lɛ. Maŋ keì mɛɛ̀ŋ nàŋ kiɛ̀ŋ maŋ mìè seì weèim, e kìlà màŋ tɔɔ̀ kɛ̀ wo Dèdaà Dayà naim tùɔ̀ŋ.

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Jɔ̀ɔŋ 8:11

Yèè wo nìeɔ̀ naŋ fasàì wààŋ, “Kpele dàa, wo nyùùŋ gbiŋ wo gòim jèè keì.” Yèè wo Jisɛ̀ nauŋ woò wààŋ, “Miàŋ pɛɛ miŋ naàum jèè è keì. Màŋ ɓɛ̀nɛ̀ŋ kàa, kɛɛ ɓɔ̀ mùŋ nyɛ̀nɛ̀ŋ ɓɛìŋ è kèì jùumù.”]

Nyɛ̀nɛ̀ŋ 7:52

Wo kèèlà Dayà bà gbiŋ wa hnàŋ wo yèɔ aŋ nèwàènɛweiŋ nyàŋ aŋ gò wa nimilà wɔ? Àŋ naŋ wa jìwè aŋ kèèlà Dayà nyaŋ naŋ wa wòò e kèè e hnàŋ wo Ɓɔ̀ìjɔ̀à Nɛɛmauŋ nɔɔ̀ŋ. Nìŋ nàuŋ maàŋ e kìlà nàuŋ jìwà.

Luùm 5:10

È yààìŋ wa aŋ joo koɓɛ̀ Dayài, kɛɛ wò naŋ wi nyɛ̀nɛ̀ŋ anyuùŋ mɔ̀ɔ̀nɔuŋ wèè euŋ ɓɛìŋ jɛ̀ì kɔɔ esàɓù e fà wo Jɔ̀àfelaauŋ nɔɔ̀ŋ sùà. Kɛɛ e nɛ̀ŋ bà ngèè kòò è yaà weè wi è kuwa sɛmɛ e nìàŋ e mɔ̀ɔ̀nɔŋ. Nààŋ è yààìŋ naàŋ ke jii fàa sùà koɓɛ̀ Dayài lɛ̀, wò do wi nàŋ joeyè e yìwìà wɔŋ nyììŋ wo Jɔ̀àfelaauŋ nɔɔ̀ŋ sùà.

Luùm 6:15

Nààŋ miŋ fè naàŋ kè sàwàa dìì lɛ, kà ɓɛ̀nɛ̀ŋ nyɛ̀nɛ̀ŋ maŋ jùumù esaɓù kɛ̀ mìŋ yaà e gààŋ e tɛ̀ɛ̀tɛ̀ɛ̀ Dayàa dìì? Kpele!

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

1 Kɔliìŋ 15:34

Ɓèmeìŋ e jiikɛ̀ɛ niŋ gè kùàŋ maŋ jùumùiŋ màŋ sùà. Mìŋ yààìŋ wòo sùà e kèì sàngè tiŋ nàŋ yaà kɛ̀ nyɛ̀iŋ nɛɛ̀ŋ bà nyiŋ niŋ nyimààŋ Dayà.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 4:19

Jɔ̀àim nyàŋ, kaiŋ ɓɛìŋ woò kɛ̀, mìŋ yaà e gòngo nyìnga sùà e weèiŋ màànààŋ nɔŋ wo jɔùŋ nɔ̀ŋ yɛi e suà hɛ̀ɛ kòmaŋ sùà le, e jèèsùà naŋ dè ke kpèè sìàŋ Jisɛ̀ Kulaìɛ maŋjɛ̀wɛ.

Ɛfesɔ̀ 2:18

Esàɓù Jisɛ̀ Kulaì sùà, aŋ Juùù nyaŋ yèè anyùùŋ nyaŋ fè àŋ Juùù nyaŋ, yàwi nààŋ gbiŋ è naiŋ ɓɛnɛ̀ŋ wèè eiŋ hnàŋ wo Jìnàŋ gunɔ̀ɔŋ sùà ko fɛ̀ɛ̀fèìŋ Dèdaì.

Ɛfesɔ̀ 4:26

Sèè mìŋ tuù, ɓɔ̀ nìŋ dangè è wuàiŋ nɛ̀ eiŋ gbìàŋ è jùumù sùà, yèè ɓɔ̀ nìŋ nɔ̀ŋ è tùùiŋ è gɔɛɛ̀ doò jùà fùùŋ.

1Time 2:5

Wo Dayà yaà nɔŋ wo guùŋ, yèè wo nyùùŋ guùŋ nɔŋ nàŋ sia e fèèmàŋ wo Dayà yaà anyuùŋ kpùuŋ, wo nyùùŋ bi nàŋ yaà wo Jisɛ̀ Kulaì,

1Time 3:14

Nààŋ mìŋ yaà sìngìè wɔŋ fɛi wɛɛ̀ŋ ko nɛ̀iŋ niìŋ lɛ, mìŋ kuwa ke jii tùlia wèè ka hnàŋ ko nɛ̀iŋ niìŋ e teenga kpuu sùà.

Hiɓu 9:24

Wo Jisɛ̀ Kulaì gò wa jɔ̀à ko Nɛ̀nɛ̀ŋ Nɛɛmaìŋ àŋ nyuùŋkpùuŋ naŋ wa nyɛ̀lɛ̀ yɛ, ke yèɛ yaà wa wɔŋ mììmììŋ ke vààyà kɛnɛɛ̀ e yìwìà ko àìjɛnɛ̀ŋ. Wò naŋ wa kɔ̀ ko àìjɛnɛ̀ŋ kuŋ bi, ko yèi wò yaà naàŋ ko fɛ̀ɛ̀fèìŋ Dayài wèè wo wi kpuumàŋ.

Jìiiŋ 1:27

Wo Dayà wo Dèda wiɔ̀, wo nyùnɔ̀ɔŋ wò naŋ jàà kùàŋ dìì wèè wo nɔ̀ŋ wo nyuùŋ zòòlò tɔ̀ɔ̀nyaàŋ wɔ, yèè wò yaà zɛ̀nɛuŋ e tɔ̀mɛ fèeùŋ wɔ̀, mɛɛ̀ŋ nàŋ yaà maŋ keì maŋ wò kuwa wo nyɛ̀nɛ̀ŋ maŋ, wèè wo kìɛ̀ŋ e kpùùmaŋ koɓɛ̀ aŋ jɔ̀à è dàà nyaŋ yaà aŋ jɔ̀ùŋnèèdàà nyaŋ, e teengaà àŋ yaà e keì nyìnga nyiŋ nɛ̀ sùà lɛ, e kìlà wo yɛmɛ̀ wuŋ bi diɛŋ wèè wo go nàŋ nyɛ̀nɛ̀ŋ màŋ keì nàànààŋ ɗuunyaŋ màŋ.

Jìiiŋ 3:9

Tiŋ è toomàìŋ eiŋ tɛ̀nɛ̀ŋ Kanaà wo Dèda wiɔ̀ Dayà, e kìlà eiŋ niŋ toomò eiŋ gbòò anyùùŋ, aŋ yè nyaŋ wo Dayà naŋ banè àŋ nauŋ teenè nyaŋ.

1Pììlɛ 2:22

Wo gò nyɛ̀nɛ̀ŋ è kèì jùumù, yèè wo nyùùŋ gbiŋ gò kòmàŋ wèè è tòa euŋ fùlìà kò nyààŋ.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Jɔ̀ɔŋ 3:18

Nyɛ̀iŋ nààŋ jɔ̀àim nyàŋ, nìŋ tɔɔ̀ e mànaŋ wèè aŋ dàwi sèè nìŋ kpuumàŋ nyìŋ e tɔ̀ɔ̀nyaàŋ sùà, kɛɛ e fè nɔŋ wèè naŋ niŋ wòò kò nyààŋ.

1Jɔ̀ɔŋ 3:5

Nàŋ nyìmàŋ kɛ̀ wo Jisɛ̀ naŋ wa hnè wèè wo ɓèmè maŋ jùumù wi màŋ, yèè wo fè wo nyùùŋ maŋ jùumù.

1Jɔ̀ɔŋ 3:7

Nyɛ̀iŋ nààŋ jɔ̀àim nyàŋ, ɓɔ̀ nìŋ dangè wò nyùùŋ gbiŋ doiŋ zuwò. Wo nyùnɔ̀ɔŋ gbiŋ naŋ nyɛ̀nɛ̀ŋ tɛ̀ɛ̀ wɔ wò yaà wo nyùùŋ tɔ̀ɔ̀nyaàŋ, màànààŋ wo Jisɛ̀ yaà e tɔ̀ɔ̀nyaàŋ lɛ.

1Jɔ̀ɔŋ 4:4

Nyɛ̀iŋ nààŋ jɔ̀àim nyàŋ, wo Dayà nàŋ kànàìŋ, yèè nàŋ ɓùlà aŋ wɛ̀ijì tòa nyɛɛ̀ŋ. Esaɓù kɛ̀ wo Jìnàŋ Dayàa yààìŋ sùà yèè wò kuwa gaàŋ zimgbe e nìàŋ wo jinàaŋ yàa e ɗuunyaàŋ sùà wɔ.

1Jɔ̀ɔŋ 5:17

E keì naanààŋ gbiŋ yaà e jùumù, kɛɛ maŋ jùumù kòò màŋ yaào maŋ yè maŋ fè nyɛ̀nɛ̀ŋ wò nyùùŋ do sòò nɔ̀ŋ wɔ̀ŋ nyiiŋ gèe gò jùàa sùà lɛ.

1Jɔ̀ɔŋ 5:21

Nyɛ̀iŋ nààŋ jɔ̀àim nyàŋ, yɛ̀mɛìŋ nyɛ̀iŋ bi diɛŋ wèè aŋ dayà joo nyàŋ.

3Jɔ̀ɔŋ 1:4

E keì bà gbiŋ fèim nyìnìàŋ è zɔlɔ̀ mààŋ sèè mìŋ komo kɛ̀ aŋ jɔ̀àim nyàŋ àŋ dè è tɔ̀ɔ̀nyaàaŋ maŋjɛ̀wɛ.