1Jɔ̀ɔŋ 1:9 - WƆŊ FƐ̀Ì EBÒ SÌÀŊ DAYÀA

⁹ Kɛɛ sèè eiŋ kìlìà maŋ jùumù wi màŋ dèè koɓɛ̀ Dayài, wo Dayà wò yaà wo nyuùŋ jìlɛŋ yèè wo nyùùŋ tɔ̀ɔ̀nyaàŋ, èuŋ ɓɛ̀nɛ̀ŋ tùlìà jii wèè wo wi jùùyà hakɛ̀ e kìlà wo gùà maŋ jùumù wi màŋ.

1Jɔ̀ɔŋ 1:9 ပူးပေါင်းရင်းမြစ်များ

Maafiù 3:6

Àŋ naŋ wa wòò maŋ keì naanààŋ nyiŋ màŋ, yèè wo Jɔ̀ɔŋ naŋ nyiŋ wa gùò e Wùìyè Jɔɔɗììŋ nɛ̀ sùà.

Luù 22:57

Kɛɛ wo Pììlɛ naŋ niŋ gè maŋhɛɛ wààŋ, “Nìe wɛɛ̀, mìŋ nyimààŋ ngèè pɛɛ wò felaa wii!”

Jɔ̀ɔŋ 17:25

Dèdà tɔ̀ɔ̀nyaàaŋ, anyùùŋ nyaŋ e ɗuunyaŋ lɛɛ̀ aŋ nyiŋ mààùm. Kɛɛ miàŋ kàum nyìmàŋ, yèè anyùùŋ màŋjɛ̀wɛ̀im nyàŋ àŋ nyìmàŋ kɛ̀ muàŋ naim tùɔ̀ŋ.

Nyɛ̀nɛ̀ŋ 19:18

Anyuùŋ hààwe nyàŋ zimgbe nyiŋ naŋ wa hnè, yèè àŋ naŋ ngàà tɔ̀ɔ̀tù wòò maŋ keì naanààŋ maŋ àŋ yaà wa nyinie màŋ.

1 Kɔliìŋ 1:9

Wo Dayà yaà wo nyuùŋ tùlìà jii, wo Dayàa naiŋ nyààŋ wèè naŋ nɔ̀ŋ ke gbòò anyuùŋ hààwe nyàŋ sùà nyɛ̀iŋ nààŋ Jɔ̀àuŋ nɔɔ̀ŋ Jisɛ̀ Kulaì wo Kana wiɔ̀ wɔ.

1 Kɔliìŋ 6:11

Yɛi nɔŋ nyɛ̀iŋ nààŋ bà nyiŋ nìŋ yaà wa. Kɛɛ sààngɛ naàŋ, e dèè Kanaà Jisɛ̀ Kulaìɛ yaà e gààŋ Jìnàŋ Dayàa èiŋ gùà e yìwìà maŋ jùumù sùà nìŋ yaà naàŋ anyùùŋ tɔ̀ɔ̀nyaàŋ yèè wo Dayà wòiŋ jàà kùàŋ dìì. Nìŋ yaà naàŋ anyuùŋ jàà ɓula titi e wèè Dayà.

Ɛfesɔ̀ 5:26

Wò naŋ tɛɛ̀ nyɛ̀nɛ̀ŋ wèè wo tulìà ke gbòò anyuùŋ hààwe nyàŋ wo Dayà e yìwìà ke mìè gbòauŋ nɛɛ̀ŋ sùà, nààŋ wò naŋ nyiŋ gùùyè e wùìyè àŋ naŋ zɛ̀nɛ̀ŋ lɛ.

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 10:23

Kùwà wiìŋ koɓɛ̀ guùŋ kpaŋ wèè ke jii tùliaà è woàìŋ kɛ̀ kè yaà weè wilɛ̀, esaɓù kɛ̀ èiŋ ɓɛ̀nɛ̀ŋ kɛ̀ɛ̀nɛ̀ŋ e hààwe wo Dayà sùà wèè e ɗààhiìɛ wò naŋ banè lɛ ko nɛ̀ɛ̀ŋ wiì.

Hiɓu 11:11

E hààwe naŋ nyɛ̀nɛ̀ŋ wo Eɓulɔhɛɛ̀ŋ naŋ wa nɔ̀ŋ wo kɛ̀ɛ̀ kòmaŋ, jòòpɛɛ wò wa naàŋ tiiyè. E hààwe naŋ wa nyɛ̀nɛ̀ŋ wo Sèèla naŋ wa kɛ̀ɛ̀nɛ̀ŋ gààŋ wèè wo nɔ̀ŋ le sùà, jòòpɛɛ wò wa naàŋ tiiyè wèè wo kòmàŋ aŋ jɔ̀à. Wò kuwa wa jii tùlia kɛ̀ wo Dayà do nàŋ nyɛ̀nɛ̀ŋ e yèɛ wò naŋ jɔ̀ɔ̀ ɗààhiì wèè wò nyɛ̀nɛ̀ŋ lɛ.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

1Jɔ̀ɔŋ 1:7

Kɛɛ sèè eiŋ kààìŋ e gbolòùŋ nɛ sùà, màànààŋ wo Dayà yaà e gbolòuŋ sùà lɛ, kɛ̀ è doiŋ nàŋ nɔ̀ŋ ke gbòò Dayà zòòloɛ̀ sùà, yèè maŋ sɛ̀ìŋ Jisɛ̀ maŋ, wo Jɔ̀àfèlàà Dayàa, do naŋ gùò maŋ jùumù wi maŋ gbiŋ.

Maŋ kèì nyɛɛnɛŋ 15:3

e kìlà àŋ yaà dàa suà maŋ nùŋ Mòòze màŋ, wo ɓɔ̀ìjɔ̀à Dayàa, yaà wɔŋ nùŋ Ɓaawaaà nyààŋ, “Kanaà Dàyà Gaàŋ Gbeeɔ̀, màŋ nyɛ̀nɛ̀ŋ maŋ keì gbee yaà maŋ kèè mèè zimgbe! Mùŋ yaà wo Kana wèè anyùùŋ nyaŋ maŋ fuɔŋ màŋ gbiŋ sùà! Maŋ kpèèuŋ màŋ yaà tɔ̀ɔ̀nyaàŋ yèè mùŋ naŋ jilɛ̀ŋ e teenga gbiŋ.