1Jɔ̀ɔŋ 1:8 - WƆŊ FƐ̀Ì EBÒ SÌÀŊ DAYÀA

⁸ Sèè eiŋ woò kɛ̀ kòò è nyɛ̀nɛ̀ìŋ màŋ jùumù, è naiŋ zùwò yàwi bi, yèè ngèè e tɔ̀ɔ̀nyaàŋ fè màŋ jii wi màŋ sùà.

1Jɔ̀ɔŋ 1:8 ပူးပေါင်းရင်းမြစ်များ

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

Luùm 3:10

Wɔŋ fɛ̀ì Dayàa naŋ woò wààŋ, “Wo nyùùŋ tɔ̀ɔ̀nyaàŋ gbiŋ fè,

Luùm 3:23

Yàwi nààŋ gbiŋ èiŋ nyɛ̀nɛ̀ŋ maŋ jùumù yèè èiŋ ka fauŋ e yìwìà e jòòwò Dayàa fɛɛ̀feìŋ.

1 Kɔliìŋ 3:18

Ɓɔ̀ nìŋ zuwò nyɛ̀iŋ bi. Sèè wo nyùùŋ gbiŋ naŋ gongò kɛ̀ wò naŋ kɛ̀ɛ̀jii maŋ kèì ɗuunyaŋ mɛɛ̀ŋ sùà, kɛ̀ sɔɔ̀ maŋ nyɛ̀nɛ̀ŋ zùwo wèè maŋ kɛ̀ɛ̀nɛ̀ŋ kɛ̀ɛ̀jii.

Gàla 6:3

Sèè naŋ gongò kɛ̀ nìŋ yaà tɛ̀ɛ̀ e nìàŋ anyuùŋ joo, e yèɛ zà tɔɔɓaa e fè yɛi lɛ̀, kɛ̀ nàŋ zùwò nyɛ̀iŋ bi.

1Time 6:5

yèè maŋ nyaàŋ tàaŋ gò kɛ̀ɛ̀nɛ̀ŋ dìa e yìwìà anyuùŋ kùwìè maŋ jiikɛ̀ɛ gò tomo nyàŋ, yèè aŋ yè nyaŋ kuwà wa ɓɛìŋ è tɔ̀ɔ̀nyaàŋ lɛ̀. Àŋ gongà kɛ̀ e hààwe nyiŋ nɛ nàŋ yaà e ɗeweɛ̀ wèè aŋ banè.

2Time 3:13

Anyùùŋ maŋ kpèè naanààŋ nyaŋ aŋ yè nyaŋ manaŋ aŋ tɔɔ̀ kɛ̀ aŋ fè ànyùùŋ mààŋ nyiiŋ nyàŋ, maŋ kpèè naanààŋ nyiŋ màŋ naŋ nìè maŋ gɔu màŋ, yèè àŋ zuwà nyiìŋ bi yaà anyuùŋ joo.

Jìiiŋ 1:22

Ɓɔ̀ nìŋ kòmaŋ nɔŋ kè miè gbìaàŋ nìŋ do kuii dìà, kɛɛ nyɛ̀nɛìŋ e nɛ̀ɛŋ ke miè gbìaàŋ naŋ woò lɛ.

Jìiiŋ 1:26

Sèè wo nyùùŋ gbiŋ naŋ goungò ke jiio sùà kɛ̀ wò yaà wo nyuùŋ zòòlò Dayà kɛɛ wo fè yɛ̀mɛ̀ màŋ mìè gbòauŋ màŋ diɛŋ, wò yaà nɔŋ zùwo sùà wuŋ bi yèè e Dayà zòòlouŋ nɛ̀ kàìŋ nɛ è yaà e foofòò niŋ.

Jìiiŋ 3:2

Yàwi nààŋ gbiŋ è nyɛ̀nɛ̀ìŋ maŋ keì bàa zimgbe. Sèè wo nyùnɔ̀ɔŋ gò duonò è gbòauŋ nɛ̀ sùà wɔ, wo kuwà è tɔ̀mɛ yèè wò ɓɛ̀nɛ̀ŋ yɛ̀mɛ̀ ke kpùnauŋ nɛɛ̀ŋ gbiŋ diɛŋ.

2Pììlɛ 2:13

Àŋ naŋ jàà e nànàŋ yèè e nànàŋ nàŋ do nyiŋ nàŋ mɛɛ̀ŋ wèè e jìwààjɛ̀wɛ̀ nyiŋ nɛ̀. E je nyiŋ gbanaà nàŋ yaà wèè aŋ nyɛ̀nɛ̀ŋ maŋ kèì kàaɓì gbiŋ maŋ gɔɛ janyai maŋ yè maŋ do nàŋ fɔ̀ɔ̀yɛ̀ e kɔɔ nyiŋ nɛ̀ jii lɛ̀. È yaà e sàngè yèè e ɓɛ̀ɛ̀pɔ̀ɔ nààŋ nyɛ̀iŋ nyiŋ nìŋ jiiyà nɛ̀ŋ koɓɛ̀ guùŋ, e teenga gbiŋ ko jììkà maŋ tùwò kàaɓì nyiŋ màŋ.

1Jɔ̀ɔŋ 1:10

Sèè eiŋ woò kɛ̀ kòò è nyɛ̀nɛ̀iŋ màŋ kèì jùumù, kɛ̀ èiŋ mììnè wo Dayà nyuùŋ tòa, yèè kɛ̀ ke mièuŋ nɛɛ̀ŋ fè màŋ jii wi maŋ sùà.

1Jɔ̀ɔŋ 1:6

Kpeiŋ sèè è naiŋ woò kɛ̀ è yààìŋ ke gbòò Dayà zòòloɛ̀ sùà e kìlà e tèèngà gùuŋ bi è yààìŋ kààìŋ ke nyìwìɛ sùà, kɛ̀ è naiŋ tɔ̀ɔ̀ yèè ngèè e fèìŋ nyìnìè è tɔ̀ɔ̀nyaàŋ.

1Jɔ̀ɔŋ 2:4

Sèè è naiŋ woò wìàà èiŋ nyìmàŋ wo Dayà, kɛɛ e fèiŋ jɔ̀ɔ̀lɔ̀ màŋ Sàwàuŋ màŋ dìì, kɛ̀ è yààìŋ anyuùŋ tòa e kìlà e fèiŋ anyùùŋ tɔ̀ɔ̀nyaàŋ.

1Jɔ̀ɔŋ 4:20

Sèè eiŋ woò wìàà è mànàìŋ Dayà kɛɛ è naiŋ wùɔ̀ŋ aŋ wùìya wi nyàŋ, kɛ̀ è yààìŋ anyuùŋ tòa. Esaɓù kɛ̀ e fèiŋ ɓɛ̀nɛ̀ŋ mànàŋ wò Dayà wò yèɔ kòò è yɛ̀mɛ̀ìŋ wɔ sèè è goiŋ mànàŋ aŋ wùìya wi nyàŋ aŋ yè nyaŋ è yɛmɛ̀ìŋ nyaŋ.

2Jɔ̀ɔŋ 1:2

È mànàìŋ esaɓù kɛ̀ e tɔ̀ɔ̀nyaàŋ yaà naàŋ maŋ jii wi màŋ sùà, yèè è doo nàŋ jeè wèè julɔfɔ.

3Jɔ̀ɔŋ 1:3

Mìŋ yaà wa e zɔlɔ̀ gbee sùà nààŋ anyuùŋ hààwe nyàŋ bà nyiŋ naŋ hnè yèè àŋ naìm wòò e ɗeweɛ̀ nìŋ kuwa hààwe e tɔ̀ɔ̀nyaàŋ sùà, màànààŋ nɔŋ nìŋ yaà e tɔ̀ɔ̀nyaàŋ wɔŋ nyiiŋ gèeɔ̀ sùà lɛ.